Dünya

İmamoğlunun “X” hesabına Türkiyədən giriş bloklanıb

8 May, 2025

Reuters

Həbsdə olan İstanbul meri, müxalif Cümhuriyyət Xalq Partiyasının (CHP) prezidentliyə namizədi Əkrəm İmamoğlunun “X” hesabına Türkiyədən giriş məhdudlaşdırılıb.

Mayın 8-dən etibarən İmamoğlunun 9 milyondan çox izləyicisi olan hesabına Türkiyədən daxil olmaq istəyən “X” istifadəçiləri məhkəmə qərarı əsasında hesaba girişin bloklandığı haqda bildirişlə qarşılaşıblar.

Türkiyənin “Milliyət” qəzetinin məlumatına görə, İmamoğlunun hesabına girişin məhdudlaşdırılması haqda yerli məhkəmənin qərarı İnformasiya Texnologiyaları və Kommunikasiya Qurumu vasitəsilə “X” şirkətinə çatdırılıb və şirkət müvafiq addımı atıb.

Türkiyənin Kommunikasiya Nazirliyi bildirib ki, qərara səbəb İmamoğlunun “X” hesabında aprelin 24-də etdiyi bir paylaşımın “açıq şəkildə cinayətə təhrik etmə” kimi qiymətləndirilməsi olub və İstanbul Baş Prokurorluğu tərəfindən istintaq başladılıb.

İmamoğlunun hesabından aprelin 24-də edilən paylaşımda o, hakimiyyət nümayəndələrinin “həm millətə, həm dövlətə böyük ziyan vurduğunu” bildirib və Türkiyə xalqını “şikayət etməyə, susmamağa, səsini qaldırmağa” çağırıb.

Hesabın məhdudlaşdırılmasından sonra CHP-dən olan Ankara meri Mənsur Yavaş öz hesablarından birini istifadə üçün İmamoğluna verib.

“Əkrəm İmamoğlunun rəsmi sosial media hesabına tətbiq edilən giriş qadağası təkcə bir nəfərə deyil, milyonlarla insanın səsinə qarşı senzuradır. Biz bu qanunsuzluğu ən sərt şəkildə qınayırıq. Lakin bilinməlidir ki, harada ədaləti susdurmağa cəhd edilirsə, biz daha yüksək səslə danışacağıq. Bu hesab Əkrəm İmamoğlunun səsi olmağa davam edəcək və giriş qadağası qaldırılana qədər onun adından istifadə olunacaq”, - hesabdan edilən paylaşımda yazılıb.

Növbəti prezident seçkilərində Ərdoğanın əsas rəqibi olacağı gözlənilən Əkrəm İmamoğlunun həbsindən sonra Türkiyə martın ortalarından böyük siyasi böhranın ortasındadır.

Hakimiyyət İmamoğlunun terror təşkilatları ilə əlaqəsi olduğunu iddia edirdi. Ancaq İmamoğlu yalnız korrupsiyada ittiham olundu.

Müxalifət İmamoğlu və onun bir neçə tərəfdaşına qarşı açılan işi siyasi hesab edir.

İmamoğlunun həbsi İstanbul, Ankara və digər şəhərlərdə kütləvi etirazlara səbəb olub.

Martın 19-dan martın 23-dək etiraz aksiyalarında iştirak edən mindən çox insan saxlanılıb.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

İqbal Əbilov son söz üçün məhkəmədən vaxt istəyib

Məhkəmə “Kanal 13”-ün rəhbərini həbsdə saxlayıb

“Amnesty International” səfirlikləri “Abzas Media”nın məhkəməsinə çağırır

Jurnalistin zorakılıqla bağlı şikayəti prokurorluğa göndərilib

Hacı Vəliyevin Psixiatriya Xəstəxanasına aparıldığı deyilir

Taliban şahmatı qadağan edib

Redaktorun Tövsiyələri

“Bakı Moskva ilə əlaqələrini Trampın siyasətinə sörə tənzimləyir”

Kartlardan pul oğurluğu: Banklar nə qədər günahkardır?

Bakı İstintaq Təcridxanasının “rüşvət rentgeni”

Norveç qəzetində Toplum TV-yə məqalə həsr edilib

Bakının tarixi məhəllələri sökülmək təhlükəsi ilə üz-üzədir

Sərhədsiz Reportyorlar: “Azərbaycanda müstəqil media qalmayıb”

Dünya

Taliban şahmatı qadağan edib

12 May 2025

AFP

Əfqanıstanda hakimiyyətdə olan Taliban hərəkatı ölkədə şahmat oyunlarının keçirilməsini dayandırıb. Mayın 11-də açıqlanan qərar bu idman növü üzərindən qumar oynanılması ilə əsaslandırılıb. Əfqanıstanda qumar qanunsuzdur. 2021-ci ildən Əfqanıstanda hakimiyyətdə olan Taliban son illərdə digər idman növlərini məhdudlaşdırıb və ölkədə qadınların idmanda iştirakına tamamilə qadağa qoyub. Keçən il hakimiyyət qarışıq döyüş sənətləri (MMA) kimi sərbəst döyüşləri qadağan edərək, bunların "zorakılıq" və "şəriət baxımından problemli" olduğunu bildirib. Taliban, həmçinin qadınlara təhsil, iş, səyahət və ictimai həyatda iştirak etməyi qadağan edib. Bundan əlavə, musiqi, gözəllik salonları və qadınların görünə biləcəyi pəncərələr belə ləğv olunub.

Davamını oxu

Dünya

Zelenski: “Putini Türkiyədə gözləyəcəm”

12 May 2025

açıq mənbədən götürülüb

Ukrayna Prezidenti Volodimir Zelenski Rusiya Prezidenti Vladimir Putinin birbaşa danışıqlar təklifini qəbul edib. Zelenski Ukraynanın danışıqlar üçün hər bir formata hazır olduğunu, özünün isə mayın 15-də Putini Türkiyədə gözləyəcəyini qeyd edib. O, bunu mayın 11-də “X” səhifəsində yazıb. “Ümid edirəm ki, Putin bu dəfə qoşulmamaq üçün bəhanələr axtarmayacaq”, - Zelenski bildirib. Ukrayna prezidenti əlavə olaraq mayın 12-dən etibarən “bütöv və qeyd-şərtsiz” atəşkəs gözlədiyini qeyd edib. “Elə bir atəşkəs ki, diplomatiyaya lazımi zəmin yaratmaq üçün kifayət qədər uzun müddət davam etsin və sülhü əhəmiyyətli dərəcədə yaxınlaşdırsın. Bunu Ukrayna çoxdan təklif edib, bizim tərəfdaşlarımız təklif edir, bütün dünya da buna çağırır. Rusiyadan...

Davamını oxu