Dünya

İran Argentina Hərbi Dəniz və Hərbi Hava Qüvvələrini “terror təşkilatı” elan edib

11 noyabr, 2026

sosial media

İran hökuməti Argentinanın Hərbi Dəniz və Hərbi Hava Qüvvələrini “terror təşkilatları” siyahısına daxil edib. Tehran bu addımın Argentinanın İran İslam İnqilabı Keşikçiləri Korpusunu (SEPAH) terror təşkilatı kimi tanımasına cavab olduğunu bildirib.

İranın dövlət xəbər agentliyi IRNA-nın yaydığı Xarici İşlər Nazirliyinin açıqlamasında Buenos-Ayresin qərarı beynəlxalq hüququn fundamental prinsiplərinə zidd və İrana qarşı “düşmənçilik addımı” kimi qiymətləndirilib.
Tehran qərarın qarşılıqlılıq prinsipi əsasında və 2019-cu ildə qəbul edilmiş qanuna uyğun verildiyini bildirib.

Həmin qanun ABŞ-nin SEPAH-ı terror təşkilatı elan etməsini dəstəkləyən və ya bu qərara qoşulan ölkələrə qarşı cavab tədbirlərinin görülməsini nəzərdə tutur.

İran XİN Argentinanın Hərbi Dəniz və Hərbi Hava Qüvvələrinin sözügedən qanunun müddəalarına uyğun olaraq “terror təşkilatı” elan edildiyini açıqlayıb. Tehran yaranacaq nəticələrə görə Argentina hökumətinin məsuliyyət daşıyacağını da bəyan edib.

Argentina bu ilin aprelində SEPAH-ı terror təşkilatı kimi tanıyıb. Buenos-Ayres qərarı İranın Livandakı “Hizbullah” qruplaşmasına dəstəyi və 1994-cü ildə Buenos-Ayresdəki AMIA yəhudi icması mərkəzində törədilmiş partlayışla bağlı ittihamlarla əsaslandırıb.

Həmin partlayış nəticəsində 85 nəfər həlak olub, yüzlərlə insan yaralanıb. İran isə hücumda iştirakına dair ittihamları rədd edir.

Bu, Tehranın son günlərdə oxşar məzmunlu ikinci qərarıdır. İran noyabrın 1-də Böyük Britaniyanın Kral Hərbi Dəniz və Hərbi Hava Qüvvələrini də “terror təşkilatları” elan etmiş, MI6-nı isə “düşmən təşkilat” kimi təsnifləşdirmişdi.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Berlində həbsdə olan azərbaycanlı jurnalistlərə dəstək sərgisi keçirilib

70 kq qızıl qaçaqmalçılığında təqsirli bilinən polkovnikin cəzası azaldılıb

Naxçıvanda hərbi xidmətə yeni başlayan əsgərin öldüyü deyilir

Əbu-Dabidə Rusiya-Ukrayna-ABŞ danışıqları: Əsas fikir ayrılığı ərazi məsələsidir

Fransa 700-dən çox supermarketə kiberhücumda İranı ittiham edir

İran XİN: “Ermənistan TRIPP layihəsinin sərhədləri dəyişməyəcəyinə təminat verib”

Redaktorun Tövsiyələri

Siyasi məhbus kimi tanınan bir qrup şəxs: “Əliyev rejimi ölkəni həbs qəbiristanlığına çevirib”

Fərid İsmayılov və Ramil Babayev: “Təcridxanada feldşerlər tibbi spirti məhbuslara içki qismində 10 manata satır”

Ruslan İzzətli yazır: “Rusiya Cənubi Qafqazdan imtina etməyəcək”

“Mütəşəkkil dəstə”dən penitensiar sistemin rəhbərliyinə: ‘Məhbusların həyatına görə məsuliyyəti kim daşıyır?’

“Toplum TV işi”ndə jurnalist hakimə: ‘Bunu məhkəmə hesab etmirəm, məni zaldan çıxarın’

İnanclı məhbus Fərid İsmayılova danışıb: “Hökumət bayraqdakı yaşıl rəngi soldurmaq istəyir”

Dünya

Əbu-Dabidə Rusiya-Ukrayna-ABŞ danışıqları: Əsas fikir ayrılığı ərazi məsələsidir

11 noyabr 2026

sosial media

Rusiya, Ukrayna və ABŞ nümayəndə heyətləri arasında Əbu-Dabidə keçirilən üçtərəfli danışıqların ilk günü başa çatıb. Təxminən dörd saat davam edən görüşdə humanitar məsələlər, əsir mübadiləsi, saxlanılan mülki şəxslərin və Ukraynadan aparıldığı bildirilən uşaqların geri qaytarılması, eləcə də təhlükəsizlik təminatları müzakirə olunub. Bu barədə noyabrın 10-da “Associated Press” (AP) məlumat yayıb. Agentliyin yazdığına görə, ABŞ-nin vasitəçiliyi ilə keçirilən görüş fevraldan sonra Rusiya, Ukrayna və ABŞ arasında bu formatda baş tutan ilk danışıqlardır. Müzakirələrin noyabrın 11-də davam etdirilməsi gözlənilir. Ukrayna nümayəndə heyətinə ölkənin Xarici Kəşfiyyat Xidmətinin rəhbəri Rustem Umerov, Rusiya nümayəndə heyətinə isə prezident Vladimir Putinin müşaviri Vladimir Medinski rəhbərlik edib. ABŞ...

Davamını oxu

Dünya

Fransa 700-dən çox supermarketə kiberhücumda İranı ittiham edir

10 noyabr 2026

sosial media

Fransa hakimiyyəti ölkədə yüzlərlə supermarketə qarşı həyata keçirilən genişmiqyaslı kiberhücumun arxasında İranın dayandığını iddia edir. Hücum nəticəsində soyuducu və dondurucu sistemlərin fəaliyyəti pozulub, milyonlarla avro dəyərində ərzaq məhsulu yararsız hala düşüb, azı 15 yanğın baş verib. Fransa Xarici İşlər Nazirliyinin noyabrın 9-da yaydığı bəyanata görə, oktyabrın 11-dən 12-nə keçən gecə baş verən hücum ölkə üzrə 700-dən çox ticarət obyektini əhatə edib. Paris hadisəyə görə İran İslam İnqilabı Keşikçiləri Korpusu (SEPAH) ilə əlaqələndirilən “Şəhid Kaveh” adlı kiberqrupu məsul hesab edir. Fransa tərəfinin bildirdiyinə görə, hakerlər mağazalardakı soyuducu avadanlıqların uzaqdan idarəetmə sistemlərinə daxil olaraq onların iş rejimini dəyişdiriblər. Nəticədə soyuducularda ərimə prosesi...

Davamını oxu