İstanbul hava limanında 70 kiloqram qızıl külçəni götürdükdən sonra saxlanılan polkovnik-leytenant Qəhrəman Məmmədovun hökmündən verilmiş apellyasiya şikayətinə baxılıb.
“Qafqazinfo”nun məlumatına görə, Bakı Apellyasiya Məhkəməsi məhkumun bəraət tələbini əsaslı hesab etməyib.
Bununla belə, Bakı Hərbi Məhkəməsinin hökmü cəza hissəsində dəyişdirilib. Qəhrəman Məmmədovun cəzası 6 ildən 5 il 6 aya endirilib.

Aprelin 27-də Bakı Hərbi Məhkəməsində ona hökm oxunub. Yarım il davam edən məhkəmə prosesinin yekununda Q.Məmmədov vəzifə səlahiyyətlərindən sui-istifadə və qaçaqmalçılıqda təqsirli bilinib.
Lakin o, ittihamla razılaşmayıb və ona qarşı irəli sürülmüş qızıl qaçaqmalçılığı ittihamının əsassız olduğunu bildirib.
Q.Məmmədov Azərbaycan Silahlı Qüvvələrinin ABŞ-dəki hərbi attaşesinin baş köməkçisi vəzifəsində xidmət edib.
Cinayət işinin materiallarına əsasən, o, Anar Qasımov adlı şəxslə əvvəlcədən razılaşaraq 2024-cü il noyabrın 22-də ABŞ-dən Türkiyəyə gəlib. Həmin gün A.Qasımov da Birləşmiş Ərəb Əmirliklərindən İstanbula gəlib və özü ilə gətirdiyi qızıl külçələrlə dolu çantanı hava limanında, gömrük nəzarətindən kənarda yerləşən saxlanc yerinə qoyub.

İstintaqın versiyasına görə, Q.Məmmədov çantanı götürərək diplomatik pasportundan və vəzifə səlahiyyətlərindən istifadə edib, qızılı bəyan etmədən gömrük sərhədindən keçirib. Daha sonra Anar Qasımovla görüşmək üçün İstanbuldakı otellərdən birinə taksi ilə gedərkən saxlanılıb.
İttihamda qeyd olunub ki, çantaya baxış zamanı içərisində 10 milyon 220 min 900 manat dəyərində, 70 kiloqram çəkidə qızıl külçələr aşkar edilərək götürülüb.

Həmçinin hava limanındakı saxlanc yerində içərisində 14 kiloqram qızıl külçə olan, gömrük sərhədindən keçirilməmiş daha bir çantanın aşkarlandığı bildirilib.
nun daşıdığı çantaya keçirilmiş baxış zamanı içərisində 10 milyon 220 min 900 manat dəyərində olan 70 kiloqram çəkidə qızıl külçələr aşkar edilərək götürülüb", - ittihamda vurğulanırdı.

Həmçinin bildirilir ki, hava limanında sözügedən saxlanc yerində içində 14 kiloqram qızıl külçələrin olduğu, gömrük sərhədindən keçməmiş daha bir çanta aşkarlanıb.