Dünya

Məhkəmə “Azadlıq Radiosu” və “Amerikanın Səsi”nin əleyhinə qərar verib

5 May, 2025

Toplum TV

ABŞ-da apellyasiya məhkəməsi “Azadlıq Radiosu” və “Amerikanın Səsi” media orqanlarının əleyhinə qərarlar verib.

Mayın 1-də Vaşinqtonun Kolumbiya Dairə Məhkəməsinin hakimləri “Azadlıq Radiosu” ilə bağlı işdə aşağı instansiya məhkəməsinin çıxardığı qərarı dayandırıb.

Aşağı instansiya məhkəməsinin hakimi Roys Lambert aprelin 29-da Konqresin “Azadlıq Radiosu”na ayırdığı pulun bir qisminin ödənilməsi haqda qərar çıxarmışdı.

Apellyasiya məhkəməsi qərarını dövlət tərəfinin vəsatətlərini eşitmək üçün onlara vaxt tanıması ilə izah edib. Qərardan apellyasiya verilərsə, işə eyni məhkəmədə daha çox hakimdən ibarət heyət baxacaq.

“Azadlıq Radiosu” mayın 4-dəki açıqlamasında bildirir ki, bu vaxta qədər onlarla işçi məzuniyyətə göndərilib, frilanserlərin müqavilələri ləğv edilib və azalan büdcəyə qənaət etmək üçün başqa addımlar atılıb.

“Amerikanın Səsi”nin işinə isə mayın 3-də baxan məhkəmə aşağı instansiya məhkəməsinin bu media qurumunun işinə davam etmə icazəsi verən qərarını dayandırıb.

Bundan bir gün əvvəl isə media orqanının tabe olduğu ABŞ Qlobal Media Agentliyi məzuniyyətə buraxılmış işçilərə mayın 5-dən işə davam edə biləcəkləri haqda bildiriş göndərib. Lakin məhkəmənin qərarı onların aqibətini sual altına alıb.

ABŞ Prezidenti Donald Tramp martın 14-də “Azadlıq radiosu”, “Amerikanın Səsi” və digər federal yayımçılara nəzarət edən ABŞ Qlobal Media Agentliyi (USAGM) də daxil olmaqla, yeddi federal agentliyi ixtisar etməyə yönəlmiş icra sərəncamı imzalayıb.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Bakı İstintaq Təcridxanasının “rüşvət rentgeni”

Mahaçqalada naməlum şəxslər polis patruluna hücum edib, ölənlər var

Tofiq Yaqublunun vəkili: “Ümid edək ki, məhkəmə ilk dəfə qanuni qərar versin”

HƏMAS Qəzzada ərzaq böhranına görə “oğurluq edənləri” güllələyib

“Toplum TV işi“: "Qaçaqmalçı hökumətdən heç bir xahişim yoxdur"

Papanın maşını Qəzzada uşaqlar üçün mobil klinika kimi işləyəcək

Redaktorun Tövsiyələri

Norveç qəzetində Toplum TV-yə məqalə həsr edilib

Bakının tarixi məhəllələri sökülmək təhlükəsi ilə üz-üzədir

Sərhədsiz Reportyorlar: “Azərbaycanda müstəqil media qalmayıb”

İran və Azərbaycan münasibətləri düzəlirmi?

“Toplum TV” işi: “İlham Əliyev gəlsin şahidlik etsin”, “Baş prokuror gəlsin cinayətimi sübut etsin”

Azərbaycanda cəmiyyət niyə ictimai-siyasi məsələlərə laqeyddir?

Dünya

Mahaçqalada naməlum şəxslər polis patruluna hücum edib, ölənlər var

5 May 2025

sosial media

Mahaçqalada naməlum şəxslər polis ekipajına hücum ediblər. Onlarla polis əməkdaşları ilə atışma olub, itkilər var. Bu barədə Dağıstan Respublikasının Daxili İşlər Nazirliyi məlumat yayıb. Dağıstan rəhbəri Sergey Melikov da atışma baş verdiyini təsdiqləyib: "Mahaçqalada atışmanın hansı şəraitdə baş verdiyini araşdırırıq. İlkin məlumata görə, Daxili İşlər Nazirliyinin əməkdaşları maşını saxlamağa cəhd ediblər, lakin sürücü tabe olmayıb və onlara atəş açıb. Ölənlər var”. Hücum edənlərin polis avtomobilini oğurlayaraq oradan qaçdıqları bildirilir. İlkin məlumata görə, Mahaçqalada polis ekipajına hücumu 4 silahlı həyata keçirib. Onlardan ikisinin öldürüldüyü, daha ikisi isə polis maşını ilə hadisə yerindən qaçdığı deyilir. Dağıstan Səhiyyə Nazirliyinin məlumatına görə, bir polis...

Davamını oxu

Dünya

HƏMAS Qəzzada ərzaq böhranına görə “oğurluq edənləri” güllələyib

5 May 2025

Reuters

Fələstinin Qəzza zolağına nəzarət edən HƏMAS qruplaşması oğurluq etdiyi deyilən şəxsləri edam edib. Qrupun yaydığı bəyanatda deyilir ki, qida ehtiyatlarını oğurlayan 6 nəfər güllələnərək edam edilib, 13 nəfər isə ayaqlarından vurulub. Qrup əlavə edib ki, oğurluq edənlərin edam olunması davam edəcək. Qəzza sakinlərinin CNN-ə bildirdiyinə görə, keçən həftədən bəri silahlı dəstələr küçələrə çıxıb ərzaq ehtiyatlarının saxlandığı yerlərə hücum edirlər və HƏMAS-ın əraziyə nəzarətinə meydan oxuyurlar. HƏMAS bu “cinayətkar dəstələrin” bəzilərinin İsraillə əməkdaşlıq etdiyini iddia edir.

Davamını oxu