İctimai-siyasi xəbərlər
Putin: “Haqq və ədalət bizim tərəfimizdədir”
AP
Rusiya Prezidenti Vladimir Putin Moskvada qələbənin 80 illiyi münasibətilə keçirilən hərbi paradda deyib ki, ölkəsi İkinci Dünya Müharibəsindən “çıxarılan dərsləri” xatırlayır.
O bildirib ki, Rusiya “hadisələrin təhrif edilməsi, cəlladlara haqq qazandırmaq və əsl qaliblərə böhtan atmaq cəhdləri ilə heç vaxt razılaşmayacaq”.
“Bizim vəzifəmiz Qırmızı Ordunun əsgər və komandirlərinin şərəfini qorumaqdır. Rusiya nasizm, rusofobiya, antisemitizm qarşısında sarsılmaz bir maneə idi və belə də olacaq. Biz bu təhqirlərlə mübarizə aparacağıq. Haqq və ədalət bizim tərəfimizdədir”, - Putin əlavə edib.
Rusiya prezidenti Ukraynaya qarşı 2022-ci ilin fevralından bəri apardığı müharibəyə də toxunub. O bildirib ki, bütün Rusiya xalqı “xüsusi hərbi əməliyyatı” dəstəkləyir.
“Biz əsgərlərimizin cəsarəti, qətiyyəti, mətanəti ilə fəxr edirik ki, bu da bizə həmişə yalnız qələbə gətirir”, - o deyib.
Moskvada keçirilən paradı seyr etmək üçün Çin Prezidenti Si Cinpin də daxil olmaqla 20 ölkənin lideri səfər edib.
Azərbaycan Prezidenti İlham Əliyev də səfər planlaşdırsa da, paraddan iki gün əvvəl onun iştirak etməyəcəyi bildirilib.
Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.
Youtube: https://www.youtube.com/channel/UCztIohlYx63yMJzcRTF18IA
WebSite: https://toplummedia.tv
Facebook: https://www.facebook.com/toplumtv
İnstagram: https://www.instagram.com/toplum.media/
Telegram: https://t.me/Tvtoplum
Şikayətlərinizi bizə göndərin: info@toplum.tv
ABŞ İranın nüvə obyektlərini bombalayıb
Foto: CBS
Fatih Altaylı saxlanılıb
Foto: Sosial media
