Dünya

Rusiya XİN: Aİİ-dən çıxmaq Ermənistan üçün ağrılı proses olacaq

14 Aprel, 2025

Rusiya Xarici İşlər Nazirinin müavini Mixail Qaluzin Avrasiya İqtisadi İttifaqından (Aİİ) çıxmağın Ermənistan əhalisi üçün “ağrılı proses” olacağını deyib.

O, “İzvestiya” qəzetinə müsahibəsində Ermənistanın Avropa İttifaqına (Aİ) qoşulma perspektivindən və Rusiyanın buna münasibətindən danışıb.

Qaluzin deyib ki, Rusiyanın Ermənistanın “maraqlarını pozmaq” planı yoxdur və ola da bilməz. “Bizim ötən il ticarət dövriyyəmiz 12 milyard dollara yaxın olub və bu, ciddi artım nümayiş etdirib. Bu, bizim müttəfiqimizdir, strateji tərəfdaşımızdır”, - o qeyd edib.

Buna baxmayaraq, o əlavə edib ki, eyni zamanda həm Aİ, həm də Aİİ-yə üzv olmaq mümkün deyil və Ermənistan seçim etməli olacaq.

“Aİİ-də iştirak Ermənistan əhalisinə aşkar faydalar verir. Bu, ilk növbədə Ermənistanın ÜDM-nin artımı üçün çox mühüm rəqəmlərlə ifadə olunur. Son bir ildə bu, təxminən 6% olub”, - Qaluzin deyib.

Ermənistan “Avropa yolu ilə” gedəcəyi halda isə, Qaluzinin fikrincə, bu, Yerevanın Aİİ xətti üzrə tərəfdaşları ilə mövcud olan iqtisadi münasibətlərə yenidən baxılmasına səbəb olacaq.

“Təəssüf ki, Ermənistan əhalisi üçün bu, yəqin ki, kifayət qədər ağrılı proses olacaq. Ehtimal etmək məntiqlidir ki, ölkə rəhbərliyi Aİİ-dən çıxmaqla nələri itirə biləcəyini, Avropa İttifaqına üzvlükdən həqiqətən nə qazana biləcəyini öz əhalisinə izah edəcək”, - o deyib.

Martda Ermənistan parlamenti Aİ-yə qoşulma prosesini başlatmaq haqqında qanun qəbul edib.

2018-ci ildə hakimiyyətə gəldikdən sonra ölkəni Qərbə yaxınlaşdıran Baş nazir Nikol Paşinyan isə vurğulayıb ki, qanun Aİ-yə daxil olmaq üçün müraciət deyil, amma daha geniş inteqrasiya prosesinin başlanğıcıdır.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Tofiq Yaqublunun məhkəmədə son sözü

AXCP üzvü 5 il azadlıqdan məhrum edildi

“QHT işi” niyə yenidən açıldı?

4 Orta Asiya dövləti Türkiyəni “işğalçı” elan etdi

Paşinyan: Müharibə olmayacaq, sülh olacaq

Həbsdə olan sülh fəalı Bəhruz Səmədov Paşinyana müraciət edib

Redaktorun Tövsiyələri

AİHM azərbaycanlı ərizəçilərə kompensasiya məbləğini niyə azaldır?

Musiqi məktəblərində ixtisarlar narazılıq yaradıb

Kənd təsərrüfatında durğunluq: istehsal azalır, idxal artır

Niyə Qarabağda evlər başqa rayonlarla müqayisədə çox baha tikilir?

Azərbaycan 2024-cü ildə qeyri-neft ixracını artıra bilməyib, kənd təsərrüfatı cəmi 1% böyüyüb

Trampın qərarları Azərbaycanın büdcə gəlirlərini azalda bilər

Dünya

ABŞ məhkəməsi fələstinli fəalın deportasiyası ilə bağlı qərar verib

14 Aprel 2025

ABŞ məhkəməsi fələstinli fəal Mahmud Xəlilin ölkədən deportasiya oluna biləcəyinə qərar verib. Luiziana ştatında immiqrasiya hakimi qərarını belə əsaslandırıb ki, hökumət Xəlilin ölkədə olmasının ABŞ xarici siyasətinə zidd olduğunu iddia edir və bu, onu deportasiya etmək üçün kifayətdir. Bundan əvvəl Nyu York və Nyu Cersi ştatlarında federal hakimlər hökumətə iş mahiyyəti üzrə baxılana qədər Xəlili ölkədən çıxarmağı qadağan etmişdi. Xəlilin vəkillərinin aprelin 23-ə qədər apellyasiya müraciəti etmək şansı var. “Bu gün biz ən pis qorxularımızın meydana çıxdığını gördük: Mahmuda qarşı guya hüquqi prosedur adı altında bir tamaşa quruldu. Bu isə onun ədalətli məhkəmə hüququnun açıq şəkildə pozulması və immiqrasiya qanununun fikir...

Davamını oxu

Dünya

Özbəkistan hakimiyyəti torpaqları fermerlərdən alıb Çin şirkətlərinə verir

14 Aprel 2025

açıq mənbədən götürülüb

Özbəkistan hakimiyyəti Əndican vilayətindəki yüzlərlə fermerin torpaqlarını dövlət ehtiyatları adı ilə zəbt edərək onları Çinli iş adamlarına verib. Bu barədə Azadlıq Radiosunun Özbəkistan xidməti məlumat yayıb. Kağız üzərində onlar torpaqlarını “könüllü” şəkildə təhvil veriblər, lakin insanlar bunun “daxili işlər orqanları və prokurorluq əməkdaşlarının təzyiqi altında” baş verdiyini deyirlər. Ölkənin Qaşqədərya vilayətində də oxşar vəziyyətin müşahidə olunduğu deyilir. Söhbət minlərlə hektar suvarılan pambıq və buğda sahəsindən gedir. Hazırda Özbəkistanın bütün ərazisində Çinlə birgə yaradılmış 3500-dən çox birgə müəssisə fəaliyyət göstərir. İlk baxışdan elə görünür ki, Çin sərmayəçiləri yeni sənaye müəssisələrinin yaradılmasına, iş yerlərinin açılmasına və yeni texnologiyaların tətbiqinə səbəb olur. Lakin...

Davamını oxu