Dünya

Sorğu: Paşinyan cəmi 13%-lə Ermənistanda ən etibarlı siyasətçidir

23 İyul, 2025

Foto: Reuters

Ermənistan Baş naziri Nikol Paşinyan ölkəsində hələ də ən etibarlı siyasətçi olaraq qalmaqdadır.

Bu barədə “OC Media” Vaşinqtonda mənzillənən Beynəlxalq Respublikaçı İnstitutuna istinadən xəbər verib.

İnstitutun apardığı sorğunun nəticələri göstərir ki, Paşinyan Ermənistanda ən çox etimad edilən siyasətçi olaraq qalsa da, onun və rəhbərlik etdiyi Mülki Müqavilə Partiyasının əhali arasında populyarlığı azalıb.

Sorğu 16–26 iyun tarixlərində Qarabağdan olan qaçqınlar da daxil olmaqla 1,505 Ermənistan sakini ilə telefon vasitəsilə aparılıb.

Nəticələrə görə, Ermənistanda ən çox etibar edilən siyasətçi Nikol Paşinyan olub – respondentlərin 13%-i ona etimad göstərdiyini bildirib. Xarici işlər naziri Ararat Mirzoyan 5% və müxalifət lideri, sabiq prezident Robert Koçaryan 4%-lə müvafiq olaraq ikinci və üçüncü yerləri tutublar.

Respondentlərin 61%-i heç bir siyasi fiqura etibar etmədiklərini deyiblər.

Paşinyanın rəhbərlik etdiyi Mülki Müqavilə Partiyasına dəstək 20%-dən 17%-ə düşüb. Koçaryanın rəhbərlik etdiyi “Ermənistan” blokunun reytinqi isə 2%-dən 4%-ə yüksəlib.

Paşinyanla Erməni Apostol Kilsəsi arasında son vaxtlarda gərginləşən böhran fonunda aparılan sorğunun nəticələri, həmçinin, göstərib ki, kilsə ölkədə ən yüksək dəstəyə malik ikinci qurumdur – respondentlərin 58%-i onun fəaliyyətindən məmnun olduqlarını bildirib. Respondentlər ən çox Ermənistan Silahlı Qüvvələrinin fəaliyyəti ilə razı olduqlarını ifadə ediblər – bu qurum 72% dəstək qazanıb.

Respondentlərə Azərbaycanla sülh müqaviləsinin imzalanması barədə sual verildikdə, 47%-i belə bir addımı dəstəklədiklərini, 40%-i isə əleyhinə olduqlarını bildirib.

Sülh müqaviləsinin imzalanmasına qarşı çıxanlar əsas səbəblər kimi təhlükəsizlik məsələlərini, müharibə risklərini, Azərbaycanın xeyrinə ərazi güzəştlərini, etimadsızlığı və müqavilə şərtlərinin yalnız Azərbaycan tərəfindən diktə olunmasını göstəriblər.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Bayırşəhər sakinləri tarixi binaların ianə hesabına təmirini istəyir

“Amnesty International”: Azərbaycanda müstəqil media qurumu qalmayıb

ABŞ UNCESO-nu yenidən tərk edir

Sevinс Vaqifqızı: “Əmin idim ki, Bakıya qayıtsam, həbs olunacam”

Aclıq edən “Abzas”çılar qeyri-insani münasibətə məruz qaldıqlarını deyirlər

Azərbaycanda bəzi siqaretlər bahalaşdı

Redaktorun Tövsiyələri

Tək bir bankda milyardlıq əmanəti olan 20 nəfər kimdir?

Akif Qurbanov: “Zərdabinin davamçıları həqiqəti yazdığına görə həbsə atılan jurnalistlərdir”

Rayonlar üzrə müəllim sayı niyə “dövlət sirri” kimi gizli saxlanır?

Konstitusiya dəyişiklikləri Naxçıvanın suverenlik prinsiplərinə ziddir? - Təhlil

Azərbaycan və Rusiya: ayrılsaq da, bərabərik...

“Moskva yaranmış vəziyyətdən “qalib” çıxmaq üçün ən ağlasığımaz təxribatlara əl atacaq”

Dünya

“Amnesty International”: Azərbaycanda müstəqil media qurumu qalmayıb

23 İyul 2025

Foto: Amnesty International

“Amnesty International” beynəlxalq insan haqları təşkilatı Azərbaycanda müstəqil mətbuatın vəziyyəti ilə bağlı hesabat yayımlayıb. Hesabatda bildirilir ki, Azərbaycanda siyasi motivlərlə həbs olunan media işçilərinin sayı ölkə 2001-ci ildə Avropa Şurasına qoşulandan bəri ən yüksək saydadır və ölkədə müstəqil media qurumu qalmayıb. 2022-ci ilin dekabrında parlamentin “Media haqqında” qanunu qəbul etməsini xatırladan təşkilat qeyd edib ki, bu qanun müstəqil media qurumlarının sıradan çıxarılmasına xidmət edib. “Abzas Media, Meydan TV, Toplum TV və Kanal 13 kimi müstəqil media qurumları, insan hüquqları da daxil olmaqla həssas mövzulara xüsusi diqqət yetirdikləri üçün illərlə davam edən davamlı təzyiqlərlə üzləşiblər. Bu təzyiqlərə qeydiyyatın əsassız şəkildə rədd...

Davamını oxu

Dünya

ABŞ UNCESO-nu yenidən tərk edir

23 İyul 2025

Foto: EPA

ABŞ Birləşmiş Millətlərin Təhsil, Elm və Mədəniyyət Təşkilatını (UNESCO) yenidən tərk edir. Prezident Donald Trampın administrasiyası qərarı iyulun 22-də açıqlayıb. Lakin UNESCO-nun qaydalarına əsasən, ABŞ 2026-cı ilin dekabrına qədər üzv dövlət olaraq qalacaq. Tramp 2018-ci ildə, birinci prezidentliyi dövründə də analoji qərar verib. Lakin ondan sonra prezident olan Co Baydenin rəhbərliyi altında 2023-cü ildə ölkə yenidən təşkilata üzv olub. Tramp administrasiyası qərarı UNESCO-ya üzvlüyün ABŞ-nin milli maraqlarında olmaması, həmçinin təşkilatın “anti-İsrail ritorikası” ilə izah edib. Tramp daha əvvəl ABŞ-ni BMT-nin Ümumdünya Səhiyyə Təşkilatından və İnsan Hüquqları Şurasından çıxarmaq qərarları verib, digər agentliklərə ayrılan maliyyəni isə azaldıb.

Davamını oxu