Məhkəmə

Qaçaqmalçının yekəsi

24 İyun, 2025

2620

Foto: Sosial media

“Meydan TV işi” üzrə həbs edilən Fatimə Mövlamlı təcridxanadan yazır:

Bu gün "Meydan Tv İşi" üzrə barəmdə seçilmiş həbs qətimkan tədbirinin müddəti daha 3 ay uzadıldı.

Hakim Rəfael Sadıqovun sədrliyi ilə keçirilən prosesdə etdiyim çıxışın mətnini sizlərlə bölüşürəm:

İttiham tərəfinə də, siz hakimlərə də bəllidir ki, mən jurnalist fəaliyyətimə görə həbs olunmuşam. Məni həbsdə saxlamaq üçün əlinizdə heç bir qanuni əsas yoxdur.

Evimdən (guya) tapılan 13.500 avro pulu da, həmin pullar protokollaşdırılan zaman polis maşınının içində oturub gözləyən hal şahidlərini də polislər özləri ilə gətirib.

Mən 4 aydır ki, haqsız yerə həbsdəyəm. İndi siz bu müddəti bir az da uzadırsınız. Olsun.

Amma unutmayın, tarix bizim, şərlənərək həbs edilmiş müstəqil jurnalistlərin ad və hekayələrini ayrı-ayrılıqda yazarkən, siz - bir ovuc şərbaz və müti olaraq xatırlanacaqsınız.

Mən öz peşəmlə, gördüyüm işlərlə və indi eyni həbsxananı bölüşdüyüm həmkarlarımla fəxr edirəm. Qaçaqmalçı adı bizə yapışmaz!

Həqiqət bundan ibarətdir ki, qaçaqmalçının yekəsi də, qaçaqmalçıların himayəçisi də, həbsimizə sifariş verən də şəxsən İlham Əliyevin özüdür!

İndi Xətai Rayon Məhkəməsindən geri Bakı İstintaq Təcridxanasında vicdanım rahat və yaxşı günlərə inamla qayıdıram. Bu inam heç də kortəbii optimizimdən qaynaqlanmır.

Mənim inamım Azərbaycanın müstəqil mətbuatının məhrumiyyətlərlə dolu keçmişinə əsaslanır. Müstəqil mətbuat necə ki, bundan öncə qatı senzuralardan, həbslərdən, ölüm təhdidlərindən, ölümlərdən keçərək bu günə gəlib çatıb, hazırki kütləvi repressiyalardan da sabaha üzüağ çıxacaq.

Sözü həbs edə bilmədikləri müddətcə müstəqil media da bitməyəcək.

Bu gün polisin müsadirə etdiyi kameralarımız sabah yenə də həqiqətləri işıqlandırmaq üçün istifadə olunacaq.

O vaxta qədər isə bizim əvəzimizdən də yazın və unudulmağa qoymayın.

JURNALİSTİKA CİNAYƏT DEYİL!

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

“Toplum TV işi”: Dövlət bizə əməkdaşlıq təklif etdi

Rüfət Səfərovun məhkəməsində ittiham aktı oxunub

Aİ Ermənistan mediasına 1,5 milyon avro ayırır

Reyestrdən keçməyən çap mediaları cərimələnəcək

Rusiya 18 tonluq Azərbaycan məhsulunu məhv edib

Bundan sonra şəxsiyyət vəsiqəsinə yaşayış yeri də əlavə ediləcək

Redaktorun Tövsiyələri

Rayonlar üzrə müəllim sayı niyə “dövlət sirri” kimi gizli saxlanır?

Konstitusiya dəyişiklikləri Naxçıvanın suverenlik prinsiplərinə ziddir? - Təhlil

Azərbaycan və Rusiya: ayrılsaq da, bərabərik...

“Moskva yaranmış vəziyyətdən “qalib” çıxmaq üçün ən ağlasığımaz təxribatlara əl atacaq”

İdxalda kəskin bahalaşma: Ərzaq və geyim məhsullarında rekord qiymət artımı

Paşinyan və düşmənləri arasında son döyüş

Məhkəmə

“Toplum TV işi”: Dövlət bizə əməkdaşlıq təklif etdi

14 İyul 2025

Foto: Toplum TV

İyulun 14-də Bakı Ağır Cinayətlər Məhkəməsində “Toplum TV işi” üzrə növbəti məhkəmə prosesi baş tutub. Hakim Azər Tağıyevin sədrliyilə baş tutan prosesdə təqsirləndirilən şəxslərdən biri, Demokratik Təşəbbüslər İnstitutunun (İDİ) rəhbəri Akif Qurbanov ötən dəfəki iclasdakı çıxışına davam edib. Qaçaqmalçılıq və vergidən yayınma ittihamlarına cavab verən Qurbanov bildirib ki, onların Azərbaycanda qeydiyyatdan keçməsinə və vergi ödəyicisi kimi çıxış etmələrinə əngəllər yaradılıb, buna görə də təşkilat Gürcüstanda qeydiyyatdan keçib. O, “Faktyoxla” platformasının yaradılmasından da danışıb və bunun Azərbaycanda fakt yoxlama sahəsində ilk olduğunu, lakin sonradan hökumət tərəfindən alternativlər yaradıldığını deyib. Qurbanov dövlət qurumlarından biri tərəfindən ona “Faktyoxla” platforması ilə əməkdaşlıq təklif olunduğu,...

Davamını oxu

Məhkəmə

Rüfət Səfərovun məhkəməsində ittiham aktı oxunub

14 İyul 2025

Foto: VOA

Həbsdə olan hüquq müdafiəçisi Rüfət Səfərovun ittiham olunduğu cinayət işi üzrə məhkəmənin baxış iclası keçirilib. APA-nın xəbərinə görə, iyulun 14-də Bakı Ağır Cinayətlər Məhkəməsində hakim Aygün Qurbanovanın sədrliyi ilə keçirilən prosesdə Səfərovun vəkili vəsatət verib. O, müdafiəçisinin istintaq təcridxanasına daxil olarkən müayinə edilməsi ilə bağlı sənədin təqdim edilməsini istəyib. Vəsatət təmin edilib. Daha sonra dövlət ittihamçısı ittiham aktını elan edib. İttihamda iddia olunub ki, Səfərov Novxanı qəsəbəsində bağ satmaq qarşılığında zərərçəkən qismində çıxış edən Natiq İmanquliyevdən 60 min manatdan çox pul alıb. Daha sonra Səfərovun bağı vermədiyini görən İmanquliyevin onun qarajına gələrək mübahisə etdiyi, bu zaman Səfərovun onu yaraladığı iddia...

Davamını oxu