Dünya

Tramp “erməni soyqırımı” ifadəsini işlətməyib

25 Aprel, 2025

Reuters

ABŞ Prezidenti Donald Tramp aprelin 24-də 1915-ci ildə Osmanlı imperiyası ərazilərində ermənilərin kütləvi ölümünü anarkən “soyqırımı” ifadəsini işlətməkdən imtina edib.

"Bu gün biz Meds Yeqherni (ermənicədən tərcümədə Böyük Şər Cinayəti - red.) anırıq və XX əsrin ən dəhşətli fəlakətlərindən birində əziyyət çəkən o gözəl ruhların xatirəsini yad edirik. 1915-ci ildən başlayaraq Osmanlı İmperiyasının son illərində bir milyon yarım erməni sürgünə göndərildi və onlar ölümə doğru yürüdü. Bu Anım Günündə biz yenidən Amerikada və bütün dünyadakı Böyük Erməni İcmasına qoşularaq, həlak olan çoxlu sayda insan üçün yas tuturuq", – Trampın bəyanatında yazılıb.

Bu, əvvəlki prezident Co Baydenin yanaşması ilə ziddiyət təşkil edib. Bayden ermənilərə qarşı qətliamı “soyqırımı” olaraq tanıyan ilk ABŞ Prezidenti kimi tarixə düşmüşdü.

Trampın mövqeyindəki dəyişiklik ABŞ-dakı erməni diasporunun tənqidlərinə səbəb olub.

Vaşinqtonda mənzillənən lobbi qrupu Amerikanın Erməni Milli Komitəsi (ANCA) Trampın qərarını “sərt şəkildə” qınayıb və bunu “utancverici geriçəkilmə” adlandırıb.

“Bu, Türkiyənin təhdidlərinə rüsvayçı şəkildə təslim olmaq deməkdir - Azərbaycan və Türkiyənin xristian ermənilərə qarşı davam edən soyqırım təcavüzünün qarşısını almaq üçün millətimizin məsuliyyətinin utancverici bir şəkildə ləğvidir”, - ANCA-nın icraçı direktoru Aram Hamparyan bildirib.

Eyni gündə Avropa İttifaqının (Aİ) Ermənistandakı monitorinq missiyası da “X” səhifəsində anım məqsədilə paylaşdığı yazıda əvvəlcə “soyqırımı qurbanları” ifadəsini işlədib, lakin daha sonra onu “1915-23 qurbanları” ilə əvəz edib.

1915-ci il hadisələri Fransa, Almaniya və İtaliya da daxil olmaqla, Aİ-nin üzv dövlətinin əksəriyyətinin parlamentləri və hökumətləri tərəfindən “soyqırımı” kimi rəsmən tanınıb. Aİ institutları və rəsmiləri isə məsələ ilə bağlı açıqlamalarında “soyqırımı” sözündən istifadə etməyiblər.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Məhkəmədəki çıxışından sonra Akif Qurbanova zəng məhdudiyyəti qoyulub

Əvəz Zeynallı azadlığa buraxılıb

“Toplum TV işi” üzrə həbs olunan Əli Zeynalın karserə salındığı iddia olunur

Çeçenistanda polisə hücumda ittiham edilən yeniyetmənin meyiti basdırılmır

Helsinki Komitəsi: “Tofiq Yaqublu dərhal azad edilməlidir”

İlham Əliyev: Azərbaycan Avropa İttifaqının etibarlı tərəfdaşıdır

Redaktorun Tövsiyələri

İran və Azərbaycan münasibətləri düzəlirmi?

“Toplum TV” işi: “İlham Əliyev gəlsin şahidlik etsin”, “Baş prokuror gəlsin cinayətimi sübut etsin”

Azərbaycanda cəmiyyət niyə ictimai-siyasi məsələlərə laqeyddir?

Azərbaycanda kartofun qiyməti niyə bahadır?

“QHT işi” niyə yenidən açıldı?

AİHM azərbaycanlı ərizəçilərə kompensasiya məbləğini niyə azaldır?

Dünya

Çeçenistanda polisə hücumda ittiham edilən yeniyetmənin meyiti basdırılmır

25 Aprel 2025

sosial media

Çeçenistan hakimiyyətinin patrul əməkdaşlarına hücumda ittiham etdiyi 17 yaşlı yeniyetmənin meyiti iki həftədən çoxdur basdırılmır. Yerli müxalif hərəkat NIYSO-nun xəbər verdiyinə görə, polis tərəfindən öldürülməsindən 17 gün keçməsinə baxmayaraq, yeniyetmənin meyiti hələ də Açxoy-Martan şəhərinin polis idarəsində zibil qutularının yanında saxlanılır. Çeçenistanda hüquq-mühafizə orqanları əməkdaşlarına hücum aprelin 7-də axşam saatlarında baş verib. Hadisə nəticəsində 2 yol polisi əməkdaşı bıçaqlanıb, onlardan biri xəstəxanada ölüb. Hücumu həyata keçirdiyi deyilən 17 yaşlı Xumaşev soyadlı yeniyetmə hadisə yerindəcə öldürülüb. Hadisənin səbəbləri məlum deyil. Yerli məmurlar Ramzan Kadırovun qətlə yetirilən şəxsin qohumlarının Çeçenistandan çıxarılacağı və əmlaklarının dövlətə keçəcəyi ilə bağlı sözlərini təsdiqləyiblər. İddialarıdan biri də...

Davamını oxu

Dünya

Rusiya bu dəfə Pavloqradı vurub, biri uşaq olmaqla üç nəfər ölüb

25 Aprel 2025

Dnepropetrovsk vilayət prokurorluğu

Aprelin 25-nə keçən gecə Rusiya hərbi qüvvələri Ukraynanın Pavlovqrad və Dnepropetrovsk vilayətinin bir neçə digər yaşayış məntəqəsinə zərbələr endirib. Məlumatı yerli hakimiyyət orqanları təsdiqləyib. "Təəssüf ki, Pavloqradda artıq üç ölü var. Onların arasında bir uşaq da var. Fövqəladə xilasetmə əməliyyatları davam edir", - vilayət hərbi administrasiyasının rəhbəri Sergey Lısak bildirib. Onun sözlərinə görə, hücum nəticəsində həlak olanlardan biri 76 yaşlı qadındır. Daha 8 nəfər xəsarət alıb, onlardan 6-sı xəstəxanaya yerləşdirilib. Hücum nəticəsində Pavloqradda beşmərtəbəli bina yanıb. Ötən gecə də Ukraynanın paytaxtı Kiyev raket və pilotsuz uçuş aparatının hücumuna məruz qalmışdı. Nəticədə azı 9 nəfər ölüb, 60-dan çox adam yaralanıb.

Davamını oxu