Siyasət

Helsinki Komitəsi: “Tofiq Yaqublu dərhal azad edilməlidir”

25 Aprel, 2025

sosial media

Norveç Helsinki Komitəsi (NHK) həbsinə etiraz olaraq 25 gündür aclıq aksiyası keçirən siyasətçi Tofiq Yaqublu ilə bağlı Azərbaycan hakimiyyətinə çağırış edib.

Bu barədə beynəlxalq insan haqları təşkilatının "Facebook" hesabında bildirilib.

Təşkilat Yaqublunun adekvat, müstəqil tibbi yardımla təmin edilməsinə və onun dərhal azad edilməsinə çağırıb.

Qurum T. Yaqublunun 2023-cü ilin dekabrından təcridxanada saxlanıldığını və onun siyasi motivli ittihamlarla 9 il azadlıqdan məhrum edildiyini qeyd edib.

“Bu çox ciddi və narahatlıq doğuran vəziyyətdir. Tofiq Yaqublunun uzun müddətli aclıq aksiyası sağlamlığı və həyatı üçün böyük təhlükə yaradır. Bu həbs və onun dinc fəaliyyətinə qarşı illərlə davam edən təzyiqlər beynəlxalq insan haqları prinsiplərinı ziddir”, - NHK bildirir.

Komitə qeyd edir ki,Yaqublunun azadlığa buraxılması, “həm humanitar, həm də ədalət baxımından vacib bir addım” olardı.

“O, saxta ittihamlara və ədalətsizliyə etiraz olaraq aprelin əvvəlindən aclıq aksiyası keçirir. Yaqublu dərin çarəsizlik hissi ilə və səsinin ədalətsiz şəkildə boğulduğuna görə etiraz edir. Ailəsi onun həyatına görə narahatdır”, - Komitə əlavə edib.

Müsavat Partiyasının və Milli Şuranın üzvü olan Tofiq Yaqublu martın 10-da Bakı Ağır Cinayətlər Məhkəməsinin hökmü ilə 9 il azadlıqdan məhrum edilib.

O, aprelin 1-dən azadlığa buraxılması üçün aclıq aksiyası keçirir.

Yaqublu Cinayət Məcəlləsinin külli miqdarda ziyan vurmaqla dələduzluq və saxta sənəd hazırlama və ya istifadə etmə maddələri ilə təqsirli bilinib.

Siyasətçi ittihamları qurama sayır.

Bu, siyasətçinin ilk aclıq aksiyası deyil.

O, 2020-ci il martın 22-də həbsinə etiraz olaraq 17 gün aclıq etmişdi. Sonradan vəziyyəti pisləşdiyinə görə 4 il 3 aylıq həbs hökmü şərti cəza ilə əvəzlənmişdi.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Məhkəmədəki çıxışından sonra Akif Qurbanova zəng məhdudiyyəti qoyulub

Əvəz Zeynallı azadlığa buraxılıb

“Toplum TV işi” üzrə həbs olunan Əli Zeynalın karserə salındığı iddia olunur

Çeçenistanda polisə hücumda ittiham edilən yeniyetmənin meyiti basdırılmır

Tramp “erməni soyqırımı” ifadəsini işlətməyib

İlham Əliyev: Azərbaycan Avropa İttifaqının etibarlı tərəfdaşıdır

Redaktorun Tövsiyələri

İran və Azərbaycan münasibətləri düzəlirmi?

“Toplum TV” işi: “İlham Əliyev gəlsin şahidlik etsin”, “Baş prokuror gəlsin cinayətimi sübut etsin”

Azərbaycanda cəmiyyət niyə ictimai-siyasi məsələlərə laqeyddir?

Azərbaycanda kartofun qiyməti niyə bahadır?

“QHT işi” niyə yenidən açıldı?

AİHM azərbaycanlı ərizəçilərə kompensasiya məbləğini niyə azaldır?

Siyasət

Məhkəmədəki çıxışından sonra Akif Qurbanova zəng məhdudiyyəti qoyulub

25 Aprel 2025

ResPlatforma

“Toplum TV işi” üzrə həbsdə olan, Demokratik Təşəbbüslər İnstitutunun rəhbəri və III Respublika Platformasının spikeri Akif Qurbanovun ailəsinə zəng etməsinə məhdudiyyət qoyulub. Bunu Toplum TV-yə onun yaxınları deyib. Yaxınları bildirir ki, bu gün Qurbanovun onlara zəng günü idi, amma buna icazə verilməyib. Bu məhdudiyyətin səbəbi kimi onun və digər təqsirləndirilən şəxslərin aprelin 24-də “Toplum TV işi” üzrə baş tutan məhkəmə prosesindəki sərt çıxış etmələri ehtimal olunur. Prosesdə təqsirləndirilənlər prezident İlham Əliyevin şahid kimi dindirilməsini və Baş prokurorun ittihamları sübut etməsini istəmişdilər. “Toplum TV işi” üzrə ümumilikdə 10 nəfərə cinayət işi açılıb. “Toplum TV”nin həmtəsisçisi Ələsgər Məmmədli, jurnalistlər Müşfiq Cabbar, Fərid...

Davamını oxu

Siyasət

İlham Əliyev: Azərbaycan Avropa İttifaqının etibarlı tərəfdaşıdır

25 Aprel 2025

prezident.az

Azərbaycan Prezidenti İlham Əliyev deyib ki, Azərbaycan Avropa İttifaqının etibarlı tərəfdaşıdır. Prezident bunu Avropa İttifaqının xarici işlər və təhlükəsizlik siyasəti üzrə ali nümayəndəsi, Avropa Komissiyasının vitse-prezidenti Kaya Kallası qəbul edərkən deyib. O qeyd edib ki, Cənub Qaz Dəhlizi 4 ildir fəaliyyət göstərərək Avropanın qaz təchizatında əhəmiyətli rol oynayır. Dövlət başçısı vurğulayıb ki, Azərbaycan artıq Avropanın 10 ölkəsini, o cümlədən Avropa İttifaqının 8 üzvünü qazla təchiz edir. “Azərbaycan qaz təchizatının coğrafi əhatəsinə görə Avropa məkanını qazla təmin edən ilk ölkələrdən biridir. Cənub Qaz Dəhlizi Məşvərət Şurası çərçivəsində Azərbaycanla Avropa İttifaqı arasında uğurlu və səmərəli dialoq mövcuddur”, - Əliyev bildirib.

Davamını oxu