Dünya

Ukrayna: “Bir əməliyyatla Rusiya qanadlı raket daşıyıcılarının üçdə biri məhv edilib”

2 İyun, 2025

Foto: Reuters

Ukrayna qüvvələri Rusiya ilə cəbhə xəttindən minlərlə kilometr uzaqda yerləşən hava bazalarında park edilmiş onlarla Rusiya hərbi təyyarəsini məhv edib.

Əməliyyat zamanı Ukrayna dronları Rusiyanın dörd müxtəlif ərazisində təyyarə bazalarına zərbələr endirib. Bunlara Ukraynadan 4 min kilometr uzaqda, İrkutsk vilayətindəki Belaya bazası və Arktika Dairəsindəki Murmansk yaxınlığında Olenya bazası da daxildir.

Ukraynanın Dövlət Təhlükəsizlik Xidməti (SBU) bildirib ki, dörd hava bazasında 40-dan çox Rusiya təyyarəsi “kütləvi şəkildə yanıb”.

SBU əlavə edib ki, dron əməliyyatı Rusiyaya təxminən 7 milyard ABŞ dolları dəyərində zərər verib və Rusiya ordusunun əsas hava bazalarında yerləşən qanadlı raket daşıyıcılarının 34 faizini sıradan çıxarıb.

Ukrayna mətbuatı yazıb ki, əməliyyatda istifadə olunan dronlar əvvəlcə SBU tərəfindən Rusiya ərazisinə keçirilib, daha sonra isə onlar yük maşınlarına yerləşdirilib və taxta mobil kabinələrin damlarının altına gizlədilib.

Rusiya Müdafiə Nazirliyi hücumu təsdiqləyib və bunu “terrorist hücumu” adlandırıb.
Ukrayna Prezidenti Volodimir Zelenski “X” səhifəsində əməliyyatı “möhtəşəm” adlandırıb və deyib ki, əməliyyatın planlanması bir il yarımdan çox çəkib.

“Bu gün parlaq bir əməliyyat həyata keçirildi — düşmən ərazisində, yalnız hərbi hədəflərə, xüsusilə Ukraynaya zərbə endirmək üçün istifadə olunan avadanlıqlara qarşı yönəldilmişdi. Rusiya ciddi itkilər verdi — tamamilə əsaslı və haqq edilmiş şəkildə”, - o bildirib.

Zelenski həm də açıqlayıb ki, əməliyyatın Rusiya ərazisindəki “ofisi” Rusiya xarici kəşfiyyat xidməti FSB-nin regional idarəsinin düz yanında yerləşib və əməliyyatı həyata keçirən şəxslər artıq Rusiya ərazisini tərk edib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

“İşçi Masası” fəalının “kars”da saxlanma müddəti 1 ay uzadılıb

Rus məktəblərində "Rusiyanın mənəvi-əxlaqi mədəniyyəti" fənni tədris olunacaq

Qabil Məmmədov və Məhəmməd Mirzəli haqqında da həbs qərarı verilib

“Azercell”ə qarşı boykot kampaniyası başlayıb

Əli Zeynal Ədliyyə nazirinə açıq məktub yazıb

Baş Prokurorluq xaricdəki blogerlər haqda həbsli axtarış qərarı verib

Redaktorun Tövsiyələri

Azərbaycanda bütün gəlirlərin 14%-i ən zəngin 1%-ə çatır

Vəkil: “Hökumət mart ayından Avropa Məhkəməsinin qərarlarını icra etmir”

Yazmaq və susmaq arasında - Fariz Namazlının yazısı

"O, həmişə zülm görənlərin tərəfində olub" - "The Washington Post" Ülviyyə Əlidən yazıb

“Bakı Moskva ilə əlaqələrini Trampın siyasətinə sörə tənzimləyir”

Kartlardan pul oğurluğu: Banklar nə qədər günahkardır?

Dünya

Rus məktəblərində "Rusiyanın mənəvi-əxlaqi mədəniyyəti" fənni tədris olunacaq

3 İyun 2025

Foto: TACC

Rusiya məktəblərində 2026-cı ilin sentyabrından “Rusiyanın mənəvi-əxlaqi mədəniyyəti” adlı fənn tədris olunacaq. Bu barədə “TASS” agentliyi Moskva Dövlət Pedaqoji Universitetinin rektoru Aleksey Lubkova istinadən məlumat verib. Məlumata görə, fənn 5-ci sinifdən 8-ci sinifə qədər məcburi şəkildə tədris olunacaq. “Fənnin strukturu hazırlanıb, onu tarix müəllimləri tədris edəcəklər. 5-ci sinifdə – 17 saat, 6-cı sinifdə – 34 saat, 7-ci sinifdə də 34 saat olacaq. Fənn məcburi olacaq. Bu səbəbdən baza təhsil proqramının strukturu da yenidən nəzərdən keçiriləcək. Bu, ideoloji baxımdan mühüm fənlərdən biri olacaq,” – Lubkov deyib. Lubkovun sözlərinə görə, fənnin məzmunu “rus sivilizasiyasına məxsus mənəvi-əxlaqi dəyərlər — qəhrəmanların fəaliyyəti və onların...

Davamını oxu

Dünya

Qırmızı Xaç: “Ən az 21 fələstinli yardım paylama məntəqəsində öldürülüb”

2 İyun 2025

Foto: Getty Images

İyunun 1-də Qəzza zolağının cənubunda yardım götürmək üçün toplaşan fələstinlilər silahlı hücuma məruz qalıb. Qəzzaya nəzarət edən HƏMAS qruplaşması və bir neçə şahid İsrail ordusunun atəş açmaqda məsuliyyət daşıdığını bildiriblər. HƏMAS rəsmiləri 31 fələstinlinin öldürüldüyünü qeyd ediblər. Beynəlxalq Qırmızı Xaç Komitəsinin yerli şöbəsi isə ən az 21 nəfərin qəlpə və güllə yaralarından öldüyünü deyib. İsrail ordusu qüvvələrinin “yardım məntəqəsinin yaxınlığında və ya içərisində olan mülki şəxslərə atəş açmadığını” bildirib. Lakin İsrail ordusundan bir mənbə yardım məntəqəsi açılmamışdan əvvəl, ondan təxminən 1 kilometr uzaqlıqda olan şəxslərə atəş açıldığını etiraf edib. Bu hadisə aylardır davam edən İsrail mühasirəsindən sonra aclıqla üzləşən Qəzza...

Davamını oxu