Məhkəmə

“Toplum TV işi” üzrə məhkəmədə ittiham aktının növbəti hissəsi oxunub

2 İyun, 2025

163

Foto: Toplum TV

İyunun 2-də “Toplum TV işi” üzrə növbəti məhkəmə prosesi baş tutub.

APA-nın xəbərinə görə, Bakı Ağır Cinayətlər Məhkəməsində hakim Azər Tağıyevin sədrliyi ilə keçirilən prosesdə ittiham aktı oxunmağa davam edib.

Bu dəfə ittiham aktının Toplum TV-nin jurnalisti Müşfiq Cabbar, Demokratik Təşəbbüslər İnstitutunun əməkdaşları Əli Zeynal və Ramil Babayev və III Respublika Platformasının qurucu üzvü Ruslan İzzətliyə aid hissələri elan olunub.

Ötən məhkəmə iclasında isə ittiham aktının Demokratik Təşəbbüslər İnstitutunun rəhbəri və III Respublika Platformasının spikeri Akif Qurbanova və Toplum TV-nin həmtəsisçisi Ələsgər Məmmədliyə aid hissələri oxunmuşdu.

Növbəti iclas iyunun 23-ə təyin olunub.

Toplum TV-yə qarşı təzyiqlər 6 mart 2024-cü ildə ofisinə edilən polis reydi ilə başlayıb. Reyd zamanı bir neçə əməkdaş saxlanılıb və avadanlıqlar müsadirə edilib .

“Toplum TV işi” üzrə ümumilikdə 10 nəfərə cinayət işi açılıb.

Ələsgər Məmmədli, Müşfiq Cabbar, Akif Qurbanov, Ruslan İzzətli, Əli Zeynal və Ramil Babayevdən başqa, Demokratik Təşəbbüslər İnstitutunun əməkdaşı İlkin Əmrahov və Toplum TV jurnalisti Fərid İsmayılov da hazırda həbsdədir.

Jurnalist Elmir Abbasov barəsində polis nəzarəti altına vermə barədə qətimkan tədbiri seçilib, Şahnaz Bəylərqızı isə ev dustaqlığına buraxılıb.

"Toplum TV işi” üzrə həbs edilənlər öncə qaçaqmalçılıqda ittiham edilsələr də, sonradan ittiham ağırlaşdırılıb.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

“İşçi Masası” fəalının “kars”da saxlanma müddəti 1 ay uzadılıb

Rus məktəblərində "Rusiyanın mənəvi-əxlaqi mədəniyyəti" fənni tədris olunacaq

Qabil Məmmədov və Məhəmməd Mirzəli haqqında da həbs qərarı verilib

“Azercell”ə qarşı boykot kampaniyası başlayıb

Əli Zeynal Ədliyyə nazirinə açıq məktub yazıb

Baş Prokurorluq xaricdəki blogerlər haqda həbsli axtarış qərarı verib

Redaktorun Tövsiyələri

Azərbaycanda bütün gəlirlərin 14%-i ən zəngin 1%-ə çatır

Vəkil: “Hökumət mart ayından Avropa Məhkəməsinin qərarlarını icra etmir”

Yazmaq və susmaq arasında - Fariz Namazlının yazısı

"O, həmişə zülm görənlərin tərəfində olub" - "The Washington Post" Ülviyyə Əlidən yazıb

“Bakı Moskva ilə əlaqələrini Trampın siyasətinə sörə tənzimləyir”

Kartlardan pul oğurluğu: Banklar nə qədər günahkardır?

Məhkəmə

“İşçi Masası” fəalının “kars”da saxlanma müddəti 1 ay uzadılıb

3 İyun 2025

Foto: VOA

“İşçi Masası” Həmkarlar İttifaqları Konfederasiyasının həbsdə olan üzvü Elvin Mustafayevin cərimə kamerasında (karser) saxlanma müddəti daha 1 ay uzadılıb. Bu barədə Mustafayevin ailə üzvləri “Abzas Media”ya bildirib. Onlar deyib ki, mayın 29-da fəalın karserdə saxlanma müddəti bitməli idi və o, evə zəng etməli idi. Lakin onun saxlanıldığı 6 saylı cəzaçəkmə müəssisəsindən ailəyə bildirilib ki, Mustafayevin saxlanma müddəti iyunun 29-a qədər uzadılıb. Ailəsi Mustafayevin davamlı karserdə saxlanılmasını “yuxarıların sifarişi” sayır və onun səhhətindən narahatlıq ifadə edir. Mayın 6-da Tofiq Yaqublunun azadlığa buraxılması tələbilə aclıq aksiyasına başlayandan sonra Mustafayev 6 saylı cəzaçəkmə müəssisəsinə gətirilib və burada karserə salınıb. Fəal mayın 19-da karserdən...

Davamını oxu

Məhkəmə

Ruslan İzzətli: “Ziyalıların çoxu şəxsi maraqlara görə məmləkətin uçuruma getməsinə susur”

30 May 2025

Foto: sosial media

III Respublika Platformasının qurucu heyət üzvü Ruslan İzzətli Kürdəxanı İstintaq Təcridxanasından yazır: Respublika dəyərlərinin hakim olduğu ölkələrdə siyasətçilər siyasi meydanlarda, seçki proseslərində, media quruluşlarında xalqa müraciət edir. Respublika dəyərlərinin boğulduğu ölkələrdə isə siysətçilər həbsxanalardan xalqa müraciət edir. Həbsxana mənim üçün həm də siyasətçinin inzivaya çəkildiyi yerdir. Düşünmək, analiz etmək, gələcəyi daha yaxşı inşa etmək üçün inziva önəmlidir. Təbii ki, kimisi bu inzivadan özünü, davasını inkar edərək çıxır, kimisi də qaranlığa qərq olmuş məmləkətin aydınlığa çıxması üçün daha enerjili və əzmli çıxır. Dövlətimizin qurucu lideri Məhəmməd Əmin Rəsulzadə bizim üçün həm də dönməzlik simvoludur… Həbsxanada keçirdiyim ikinci Respublika bayramı günümü...

Davamını oxu