Ölkə

Əli Zeynal Ədliyyə nazirinə açıq məktub yazıb

3 İyun, 2025
541

Foto: Toplum TV

“Toplum TV işi” üzrə həbsdə olan, Demokratik Təşəbbüslər İnstitutunun əməkdaşı Əli Zeynal Ədliyyə naziri Fərid Əhmədova məktub yazıb.

Məktubu olduğu kimi təqdim edirik.

Keçmiş rektor və indiki Ədliyyə naziri Fərid Əhmədova keçmiş tələbəsi və hazırda "Toplum TV işi”ndə siyasi məhbus Əli Zeynaldan açıq məktub. 

Keçmiş rektor Fərid Əhmədov, əslində bu yazdığım problemləri hazırda saxlandığım Bakı İstintaq Təcridxanasının rəisi, ədliyyə polkovniki Elnur İsmayılova və ya onun hər-hansı bir müavininə danışmaq istəyirdim. Bunun üçün dəfələrlə cəhd etsəm də, problemlərlə maraqlanan olmadı. 

Yəqin ki, çox məşğuldurlar. Mən də dedim onları bu iş sıxlığında narahat etməyim. Halbuki, mənim barəmdə qurama hər-hansı bir şikayət və ya ərizə olanda, rəis, rəis müavinləri vaxt tapıb sıra ilə bir-bir qəbul edirlər. 

Nə yaxşı ki, cərimə müəssisəsinə göndərilməyimlə bağlı əmr, qərar vermək üçün vaxt qrafikləri uyğun olur.

Hə, bu arada, sizin 7-8 nəfər konvoyunuz qollarım qandallı formada məni ora-bura "dartışdırdıqdan" sonra şikayət etmişdilər ki, guya mən o vəziyyətdə təkbaşına onları döymüşəm. Ərizəmi hələ də heç kim mənə göstərməyib, tanış olmamışam. 
Amma "mənə deyilənə görə" təxminən belə idi. 

Uzun sözün qısası, təcridxanadakı kameraların vəziyyəti ilə bağlı bəlkə siz vaxt tapıb təşrif buyurdunuz. Hə, "təşrif buyurdunuz" demişkən: təxminən 3-4 həftə əvvəl sizin müavininiz ya da nazirlikdən komissiya "təşrif buyurmuşdu". "Təşrif buyurmaq" da nə "təşrif buyurmaq". Özü də "yoxlama, nəzarət-təftiş" məqsədli. 

Demək, bu sayğı-dəyər "yoxlama" gəlməzdən öncə II korpusun 12-ci kamerasında bir-iki ay öncədən hazırlıqlar başladı. Təmir-bərpa işləri görüldü, hətta yeni şkaflar qoyuldu, dibçəklər qoyuldu, divardan dağ mənzərəli, çay, təbiətin gözəlliklərini göstərən şəkillər, peyzajlar asıldı. Ha-ha-ha-ha-ha. "Yoxlamanın" "yoxlayacağı" yerlər, kameralar öncədən, (hətta aylar öncəsindən) bəlli imiş!

Halbuki, həmin o 12-ci kamera ilə üzbəüz 19-cu kameraya da "təşrif buyrulsaydı", heç olmasa, 1-2 dəqiqəliyinə, mən sevə-sevə kanalizasiya sularının çirkləndirdiyi şəxsi əşyalarımızı, paltarlarımızı, yemək-içməklərimizi göstərərdim. Hətta iyrənən olmasa, yekə-yekə tarakanları da nümayiş etdirərdim.

Amma üzrlü sayın, nə qədər israr etsələr də döşəmənin altından, kanalizasiya borularından çıxan siçanlar haqqında danışmaq istəməzdim. Yalandan da olsa "yoxlamaya" gələnlərin dəhşətə düşməyinə könlüm razı  olmazdı. 

Nəisə, danışılacaq, göstəriləcək çox şey var, amma çox vaxtınızı almaq, narahat etmək niyyətim yoxdur. Keçmiş rektorum Fərid Əhmədov, məndən eşitmiş olmayın, amma çox təəssüf ki, bunu sizə deməliyəm: "yoxlamanızı" "yoxlayın", "yoxlayanlarınızın yoxlanılmağa ehtiyacı var". 
Özünüzə yaxşı baxın, sağlıqla qalın... 

Zeynalov Əli Kamil oğlu, siyasi məhbus


Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Ölkə

Yekaterinburqda Azərbaycan diasporunun rəhbərinə cinayət işi açılıb 

16 İyul 2025

Foto: APA

Rusiyanın Yekaterinburq şəhərində Azərbaycan diasporunun rəhbəri olan Şahin Şıxlinskinin barəsində cinayət işi açıldığı, oğlunun isə saxlanıldığı bildirilir.  Bu barədə iyulun 16-da APA xəbər yayıb.  Məlumatda deyilir ki, Şıxlinski Rusiya Cinayət Məcəlləsinin 318-ci (hakimiyyət nümayəndəsinə qarşı zorakılıq tətbiq etmə) maddəsi ilə ittiham olunur.  Onun oğlu Mutvalı Şıxlinskinin isə Rusiya İstintaq Komitəsində dindirildiyi, ondan iyulun 1-də atasının saxlanılması zamanı baş vermiş insidentlə bağlı izahat alındığı bildirilir.  Ş.Şıxlinski daha öncə iyulun 1-də Rusiya hüquq-mühafizə orqanları tərəfindən saxlanılıb, ifadəsi alındıqdan sonra buraxılıb. O saxlanılan zaman olduğu avtomobili idarə edən oğlu M.Şıxlinski isə avtomobillə hüquq-mühafizə orqanı əməkdaşlarından birini vurub.  Digər xəbərdə isə iyunun 27-də Yekaterinburqda...
Ölkə

Reyestrdən keçməyən çap mediaları cərimələnəcək

14 İyul 2025

Foto: açıq mənbə

Media reyestrindən keçmədən fəaliyyət göstərən çap mediaları 5000 manatadək cərimələnəcək.  APA xəbər verir ki, iyulun 14-də Milli Məclis bu barədə İnzibati Xətalar Məcəlləsinə təklif olunan dəyişikliyi qəbul edib.  Dəyişikliyə əsasən, İnzibati Xətalar Məcəlləsinə yeni (381.15) maddə əlavə olunub. Bu maddə ilə media reyestrində olmadan fəaliyyət göstərən çap mediası subyektinə görə fiziki şəxslər 500 manatdan 1000 manatadək, vəzifəli şəxslər 1500 manatdan 2500 manatadək, hüquqi şəxslər isə 3000 manatdan 5000 manatadək məbləğdə cərimə ediləcək. Dəyişiklik üçüncü oxunuşda qəbul olunub.  2021-ci ilin dekabrın 30-da Azərbaycan parlamenti media haqqında qanun qəbul edib. Azərbaycan prezidenti İlham Əliyev qanunu 2022-ci ilin fevralında imzalayıb. Qanun media sahəsində...

Seçilmiş Videolar

Toplum TV loqo