Dünya

Varlamova 8 il qiyabi həbs cəzası verilib

14 Avqust, 2025

Foto: Sergei Kiselev/ Moskva News Agency

Moskvanın Meşçanski Məhkəməsi bloger İlya Varlamovu “Rusiya ordusu haqqında yalan məlumatlar yaymaqda və xarici agent kimi fəaliyyətdə” ittiham edib.
Məhkəmə onu qiyabi olaraq ümumi rejimli cəzaçəkmə müəssisəsində səkkiz il azadlıqdan məhrum etmə cəzasına məhkum edib.

Əlavə olaraq, məhkəmə ona 99,5 milyon rubl cərimə cəzası kəsib.

Cinayət işi Varlamovun 23 noyabr 2023-cü il tarixli, Rusiya qoşunlarının Krivoy Roq və Odessa şəhərlərini atəşə tutmasından bəhs edən “YouTube” videosu ilə əlaqədar açılıb.

Onun həm də “xarici agentlər” haqda qanunvericiliyi 19 dəfə pozduğu iddia edilib.

“Mən nə etmişəm ki? Deyirlər ki, ordu haqqında yalan xəbərlər yaymışam. Deyirlər ki, Müdafiə Nazirliyinin mətbuat relizlərini kifayət qədər diqqətlə oxumamışam və indi vətənim məndən oturub davranışımı düşünməyimi istəyir! Nə deyə bilərəm? Belə xırdalıqlara görə kədərlənməyə dəyməz, elə deyilmi? Təəssüf ki, bu gün hökmün oxunmasında iştirak edə bilmədim. Amma orada mənim iştirakım olmadan da əla iş görüblər,” – Varlamov “Facebook”-da yazıb.

Onun sözlərinə görə, planlarına “Rusiya həbsxanasında oturmaq” daxil olmayıb. “Həmişə demişəm ki, meşəni kəsməkdənsə qucaqlamaq yaxşıdır. Ona görə də bir müddət xarici diyarda ağaclara, ağcaqayınlara tamaşa edəcəyəm. Hər şey yaxşı olacaq,” – deyə bloger qeyd edib.

İlya Varlamov Rusiya ordusunun Ukraynaya qarşı genişmiqyaslı işğalına başlanandan sonra Rusiyanı tərk edib və müharibə əleyhinə mövqe tutur.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Antonio Koşta: “Aİ Azərbaycanla Ermənistan arasında sülhü dəstəkləyir”

Rusiya “Telegram” və “WhatsApp”da zəngləri bloklayır

Narkotik istifadəçisi kimi qeydiyyata alınanlar çoxalıb

Bəhruz Səmədovun heç bir vəsatəti təmin olunmayıb

“Zəngəzur dəhlizi” və ya “Tramp marşrutu”: İran və Rusiya mane olacaqmı?

Solovyov: Azərbaycana qarşı “xüsusi hərbi əməliyyat” zərurəti ola bilər

Redaktorun Tövsiyələri

Paraflanmış mətn, bəyannamə, “Tramp marşrutu": Sülh olacaqmı?

Yaradıcı birliklərin üzvü, sərt hökmlər çıxaran, pensiya davası edən hakim - Ənvər Seyidov

Azərbaycanda aclıq aksiyası mübarizə metodu kimi sıradan çıxıb?

Qəzalı həbsxanada saxlanma - Konvensiyanın normalarına açıq ziddiyyət

“Aİ Azərbaycanın geosiyasi əhəmiyyətini dəyərlərindən üstün tutur”

Azərbaycanda kommunizm ənənəsi: jurnalistlərə niyə fəxri ad və medal verilir?

Dünya

Rusiya “Telegram” və “WhatsApp”da zəngləri bloklayır

14 Avqust 2025

Foto: açıq mənbə

Rusiya “Telegram” və “WhatsApp” messencerlərində zəngləri bloklamağa başlayıb. Bu barədə məlumatı Rusiyada kommunikasiyalara nəzarət edən dövlət qurumu “Roskomnadzor” təsdiqləyib. Qurum bildirib ki, bunu “dələduzlara qarşı mübarizə aparmaq” məqsədilə edirlər. “Cinayətkarlarla mübarizə aparmaq məqsədilə, hüquq-mühafizə orqanlarının materiallarına əsasən, bu xarici messencerlərdə zənglərin qismən məhdudlaşdırılması tədbirləri görülür. Onların funksionallığının digər hissələrinə heç bir məhdudiyyət tətbiq olunmur,” – açıqlamada deyilir. Qurum əlavə olaraq iddia edib ki, sözügedən messencerlər “aldatma və pul qoparma, həmçinin Rusiya vətəndaşlarını diversiya və terror fəaliyyətlərinə cəlb etmək üçün istifadə olunan əsas səsli rabitə xidmətlərinə” çevrilib. Rusiya Rəqəmsal İnkişaf Nazirliyi isə bildirib ki, messencerlər Rusiya qanunvericiliyinin tələblərinə əməl edəcəkləri halda...

Davamını oxu

Dünya

ABŞ Dövlət Departamenti: Azərbaycan hökuməti sosial mediada trollardan istifadə edir

13 Avqust 2025

Foto: Shutterstock

ABŞ Dövlət Departamenti 2024-cü ildə dünya ölkələrində insan haqlarının vəziyyətinə dair hesabatlarını dərc edib. Azərbaycana aid hesabatda bildirilir ki, ölkədə insan haqlarının durumunda ötən illərlə müqayisədə əsaslı dəyişiklik olmayıb. Hesabatda Azərbaycanda ötən il polis və həbsxana işçiləri tərəfindən, həbsdə olan şəxslərin öldürülməsi barədə məlumatlar olduğu qeyd olunub. Buna nümunə olaraq həmin il iyunun 14-də Sumqayıtda polis idarəsində Elvin İskəndərov adlı vətəndaşın öldürülməsi xəbərinə istinad edilib. Daha sonra Dağlıq Qarabağdan erməni əhalinin etnik təmizlənməsinə dair “Freedom House” hesabatına və ərazidə erməni mədəni irsinin məhv edilməsinə dair “Caucasus Heritage Watch” hesabatına istinad edilib. Mətbuat azadlığı hissəsində Azərbaycan hökumətinin bu kimi azadlıq və...

Davamını oxu