İctimai-siyasi xəbərlər
Ekspert: "Hökumətin fəaliyətsizliyi nəticəsində kənd təsərrüfatımız batıb”
Foto: agro.gov.az
Bu ilin ilin yanvar-aprel aylarında Azərbaycana idxal olunan yeyinti məhsullarının dəyəri ötən ilin eyni dövrü ilə müqayisədə 11,9% artıb.
Dövlət Gömrük Komitəsinin məlumatında belə deyilir.
Məlumata görə, 2024-cü ilin ilk dörd ayında ölkəyə 773 milyon 337 min dollar dəyərində yeyinti məhsulları idxal edildiyi halda, 2025-ci ilin eyni dövründə bu göstərici 866 milyon 122 min dollara yüksəlib. Bu da əvvəlki illə müqayisədə 92 milyon 785 min dollar əlavə artım deməkdir.
Məlumatı özünün “Facebook” səhifəsində şərh edən kənd təsərrüfatı üzrə mütəxəssis Vahid Məhərrəmli, son illərdə yeyinti məhsullarının idxalında davamlı artım müşahidə olunduğunu vurğulayıb.
Mütəxəssis qeyd edib ki, son 5 ildə idxal 63,3%, son 10 ildə isə 2,5 dəfədən çox artıb.
Bu ilin dörd ayı ərzində idxal artımı üzrə əsas göstəricilər:
• Buğda – 57,2% artım
• Kərə yağı – 59,8% artım
• Süd – 38,5% artım
• Tərəvəz – 12,8% artım
• Kəsim üçün heyvanlar – 2,6% artım
Vahid Məhərrəmli, bu artımı ölkədə kənd təsərrüfatının zəifləməsi və yerli istehsalın tələbatı qarşılaya bilməməsi ilə əlaqələndirib.
“Yerli istehsalın artırılması istiqamətində ciddi addımlar atılmadığı təqdirdə idxaldan asılılıq daha da arta bilər. Çox təəssüf ki, hökumətin fəaliyətsizliyi nəticəsində kənd təsərrüfatımız batıb”, - mütəxəssis qeyd edib.
Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.
Youtube: https://www.youtube.com/channel/UCztIohlYx63yMJzcRTF18IA
WebSite: https://toplummedia.tv
Facebook: https://www.facebook.com/toplumtv
İnstagram: https://www.instagram.com/toplum.media/
Telegram: https://t.me/Tvtoplum
Şikayətlərinizi bizə göndərin: info@toplum.tv
Polşa Azərbaycana çatacaq "Boeing" təkərlərini müsadirə edib
Foti: AFP
Kartlardan pul oğurluğu: Banklar nə qədər günahkardır?
Toplum Tv
