Manşet

Bəylər Eyyubovun qardaşı oğlu həbs olunub

23 Dekabr, 2025

748

Foto/kollaj: Toplum TV

Prezident Katibliyinin rəisi Bəylər Eyyubovun qardaşı oğlu, iş adamı Ruslan Eyyubovun həbs olunduğu bildirilir.

Bu barədə dekabrın 23-də APA məlumat yayıb.

Məlumatda deyilir ki, R.Eyyubov Bakı Hövsan Beynəlxalq Ticarət Dəniz Limanının rəisi Rəşad Daşdəmirov və digərlərinə qarşı açılan cinayət işi çərçivəsində həbs edilib.

"NB Qrup” şirkətinin rəhbəri Ruslan Eyyubov barəsində 2 aylıq həbs qətimkan tədbiri seçilib.

Ona Cinayət Məcəlləsinin 206.4. (Qaçaqmalçılıq, mütəşəkkil dəstə tərəfindən törədildikdə, 213-1.2.2, 213-1.2.3-ci (Aksiz markası ilə markalanmalı olan malları marka olmadan və məcburi nişanlama ilə nişanlanmalı olan malları nişanlanmadan satma, satış məqsədilə saxlama, istehsal binasının hüdudlarından kənara çıxarma və ya idxal etmə, malların nağd qaydada alqı-satqısı təkrar törədildikdə), 308.2 (Vəzifə səlahiyyətlərindən sui-istifadə) maddələri ilə ittiham elan olunub.

R.Daşdəmirov və Dövlət Gömrük Komitəsinin bir neçə əməkdaşının həbsi xəbəri isə dekabrın 17-də yayılıb. Onların 5 milyon manat dəyərində tütün məmulatlarını qaçaqmalçılıq yolu ilə ölkəyə gətirdiyi iddia olunur.

Saxlanıldığı deyilən şəxslərin də ittihama münasibəti bəlli deyil.

R.Eyyubov kimya sənayesində ixtisaslaşan "NB Holdinq" Açıq Səhmdar Cəmiyyətinin Müşahidə Şurasının sədridir. Bakı Hövsan Beynəlxalq Ticarət Dəniz Limanının ona məxsus olduğu deyilir.

R.Eyyubov Dövlət Gömrük Komitəsinin Dəniz Nəqliyyatı və Enerji Resursları Baş Gömrük İdarəsinin bir neçə gün əvvəl vəzifəsindən azad edilən rəisi, general-mayor Həsən Eyyubovun qardaşıdır.

Onlar Prezident Katibliyinin rəisi Bəylər Eyyubovun qardaşı oğullarıdır.

B.Eyyubov uzun müddət Prezidentin Təhlükəsizlik Xidmətinin rəisi olub. Bu ilin iyununda o, bu vəzifədən azad olunub və yeni vəzifəyə təyin olunub.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Fərid İsmayılovun azadlığı üçün Avropanın bir neçə şəhərlərində kampaniya keçirilib

Jurnalist Fərid İsmayılovun həbs olunmasından bir il keçir

"Meydan TV işi" üzrə məhkəmə davam edir: Nurlan Libre müddətsiz aclığa başlayıb

4 erməni məhbus azad olundu: Digərlərini və “siyasi məhbus”ları nə gözləyir?

“Tramp marşrutu” ətrafında suallar: Erməni sərhədçilər görünməyəcək?

Akif Qurbanov: "Hakimiyyətin propaqanda maşınının təqdim etdiyi sübutu təkcə mənim 2 sənədim darmadağın edir"

Redaktorun Tövsiyələri

4 erməni məhbus azad olundu: Digərlərini və “siyasi məhbus”ları nə gözləyir?

Xaçatryanın buraxılmasına ictimai reaksiya hakimiyyəti niyə narahat edib?

ABŞ-nin devirdiyi liderlər

İranda valyuta böhranı fonunda etirazlar: “Hakimiyyət etirazlardan dərs çıxarmasa, daha repressiv olacaq”

Trampın Qəzzada sülh planı hansı mərhələdədir: HƏMAS tərk-silah olacaqmı?

Azərbaycan regionlarında əhali azalır: Rəsmi rəqəmlərin gizlədə bilmədiyi reallıq

Manşet

Akif Qurbanov: "Hakimiyyətin propaqanda maşınının təqdim etdiyi sübutu təkcə mənim 2 sənədim darmadağın edir"

16 Yanvar 2026

Foto: VOA

"Toplum TV işi" üzrə həbsdə olan, Demokratik Təşəbbüslər İnstitutunun rəhbəri və III Respublika Platformasının spikeri Akif Qurbanov gəlirlərini ictimaiyyətə açıqlayıb. A.Qurbanov bildirib ki, istintaq orqanının iş üzrə təqsirləndirilən 9 nəfərin adına təqdim etdiyi gəlir 1,038,618 manat olsa da, onun əldə etdiyi rəsmi sənədlər bu iddianı alt-üst edir. A.Qurbanov özünün və həyat yoldaşının əmək haqları barədə arayışları və bank çıxarışları ilə göstərib ki, onun həbs olunduğu 2024-cü il 6 mart tarixinə qədər gəliri 729,026 ABŞ dolları, milli valyuta ilə 1,239,344 manat təşkil edib. "Yəni bu, hakimiyyətin 9 nəfərimiz adına göstərdiyindən də düz 200,726 azn artıqdır. Hələ mən digər dostların rəsmi gəlirlərini...

Davamını oxu

Manşet

Azərbaycanda siyasi məhbus kimi tanınan şəxslərin sayı 340-a enib

16 Yanvar 2026

Foto: açıq mənbə

"Azərbaycanın Siyasi Məhbuslarının Azadlığı Uğrunda İttifaq" ölkədə siyasi məhbus sayılan şəxslərin yeni siyahısını açıqlayıb. Siyahıya 340 nəfərin adı daxil edilib. Bu rəqəm birliyin 2025-ci ilin oktyabrında təqdim etdiyi siyahı ilə müqayisədə 52 nəfər azdır. Siyahını hüquq müdafiəçiləri - Sülh və Demokratiya İnstitutunun direktoru Leyla Yunus və “Siyasi Məhbusların Monitorinq Mərkəzi” İctimai Birliyinin rəhbəri Elşən Həsənov “siyasi məhbus anlayışının Avropa Şurası Parlamentlər Assambleyası tərəfindən müəyyən edilmiş meyarları əsasında" tərtib ediblər. Yenilənmiş siyahıdakı siyasi məhbus sayılanlar 12 qrupda təsnif ediliblər. Bunlar jurnalistlər və blogerlər (31 nəfər), hüquq müdafiəçiləri (8), müxalif partiya və vətəndaş cəmiyyətinin üzvləri (45), milli azlıqların fəalları (5), müharibə əleyhinə...

Davamını oxu