Manşet

Gürcüstan etirazlarında çəkiliş edən azərbaycanlı ölkəyə buraxılmayıb

8 Sentyabr, 2025

Foto: sosial media

Gürcüstanda hökumətə qarşı etiraz aksiyasında çəkiliş etmiş azərbaycanlı gənc ölkəyə buraxılmayıb.

Gürcüstan İctimai İşlər İnstitutunun tələbəsi Cavid Əhmədov Toplum TV-yə deyib ki, sentyabrın 6-da İstanbuldan Tbilisiyə uçsa da, gürcü sərhədçilər tərəfindən ölkəyə keçməsinə icazə verilməyib.

Ona ölkəyə buraxılmamasına dair izahat verilməyib.

Əhmədov avqustun 24-də Gürcüstanın Sarp sərhəd-keçid məntəqəsində Türkiyəyə keçmək istəyərkən adına cərimə yazıldığını öyrənib. Hökumətə qarşı etiraz aksiyasında çəkiliş etmiş gəncə "yolu bağlamaq" ittihamı ilə 5,000 lari (təxminən 3,150 manat) cərimə kəsilib.

Tələbə həmin gün cərimə ödəmədən sərhədi keçib. Gürcüstan qanunvericiliyinə görə, cərimə olunmuş şəxsin ölkəni tərk edərkən cəriməni ödəmək məcburiyyəti olmasa da, yenidən giriş etdikdə ödəməlidir.

Yenidən Gürcüstana giriş etmək istəyən Əhmədova bu dəfə cəriməsinin 10,000 lari olduğu deyilib. O, cəriməni ödəməyə razılıq versə də, bir qədər sonra ona cəriməni ödəsə belə ölkəyə buraxılmayacağı bildirilib.

Magistratura üzrə jurnalistika proqramında təhsil alan Əhmədov iyulun 10-da Tbilisidə baş tutmuş etiraz aksiyasına dərsdən verilən ev tapşırığı çərçivəsində çəkiliş etmək üçün getdiyini deyib.

O, Gürcüstanın Daxili İşlər Nazirliyi, Ədliyyə Nazirliyi və parlamentinə ərizə məktubları yazaraq cərimənin ləğv olunmasını istəsə də, ona cavab verilməyib.

Əhmədov İstanbula qayıtdığını, hazırda universitetin tələbə mübadiləsi proqramında iştirak etmək üçün Almaniyaya uçmağa hazırlaşdığını qeyd edib.

Gürcüstanda ötən ilin noyabrından bəri yeni parlament seçkiləri və Avropaya inteqrasiya kursunun davam etdirilməsi tələblərilə etirazlar keçirilir.

Hökumət isə tələbləri rədd edir və jurnalistlər də daxil olmaqla aksiyalarda iştirak edənləri "yolu bağlamaq" adı ilə cərimələyir.

Ötən ilin dekabrına qədər 500 lari məbləğində olan cərimə 10 dəfə artırılmaqla 5,000 lari məbləğində təyin edilib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Nərgiz Absalamova “Azad Media” mükafatına layiq görülüb

Əhməd Məmmədlinin gözündə çürümə olduğu bildirilir

54 milyonluq yeyintidə təqsirləndirilən SOCAR işçisinə 14 il hökm oxunub

Rusiyada "terror aktı törətmək istəyən" azərbaycanlı həbs olunub

Şəmşad Ağa: Məhkəmənin gülünc personajına çevrilən biri “möhtərəm və cənab” kimi etiketlərə layiq deyil

11 gündür aclıq edən Polad Aslanovun şok keçirdiyi deyilir

Redaktorun Tövsiyələri

Azərbaycanda partiya liderləri niyə “beynəlxalq ekspert”ə çevrildi?

İqtisadçı: Çirklənməyə baxmayaraq Avropanın Azərbaycan neftindən imtina şansı yoxdur

İlham Əliyev Vaşinqton görüşündən sonra siyasi yumşalmaya gedəcəkmi?

Paraflanmış mətn, bəyannamə, “Tramp marşrutu": Sülh olacaqmı?

Yaradıcı birliklərin üzvü, sərt hökmlər çıxaran, pensiya davası edən hakim - Ənvər Seyidov

Azərbaycanda aclıq aksiyası mübarizə metodu kimi sıradan çıxıb?

Manşet

Nərgiz Absalamova “Azad Media” mükafatına layiq görülüb

9 Sentyabr 2025

Foto: VOA

“Abzas Media”nın həbsdə olan jurnalisti Nərgiz Absalamova Norveç və Almaniya təşkilatlarının həmtəsis etdiyi mükafata layiq görülüb. Sentyabrın 9-da dərc edilən press-relizdə Norveçin “Fritt Ord” və Almaniyanın “ZEIT Stiftung Bucerius” fondları Absalamova da daxil olmaqla müxtəlif ölkələrdən olan bir qrup jurnalisti “Azad Media” mükafatına layiq görüb. Press-relizdə qeyd olunur ki, Absalamova “Abzas Media”dakı “cəsarətli reportajları və qısa sənədli filmlərinə görə” mükafatlandırılıb. “O, xüsusilə, iqlim məsələləri, korrupsiya və sosial hüquqlar barədə xəbərlər hazırlamağa özünü həsr edib. Absalamova həssas yerli icmalardan olan insanların, həmçinin ayrı-seçkiliyin qurbanı olan qadınların və gənclərin səsinə səs verib. Onun videoreportajları sosial mediada milyonlarla baxış toplayıb və vətəndaş cəmiyyətinə...

Davamını oxu

Manşet

Əhməd Məmmədlinin gözündə çürümə olduğu bildirilir

9 Sentyabr 2025

Foto: VOA

Həbsdə olan jurnalist və ictimai fəal Əhməd Məmmədlinin bir gözündə çürümə getdiyi bildirilir. Bu barədə Məmmədlinin Hüquqlarını Müdafiə Komitəsi məlumat yayıb. Məlumatda deyilir ki, Ədliyyə Nazirliyi Tibb Baş İdarəsi fəalın vəkili Elçin Sadıqovun tibbi təminatla bağlı müraciətinə cavab verib. Qeyd olunub ki, mayın 29-da Məmmədlinin saxlanıldığı təcridxanaya dəvət edilmiş oftalmoloq tərəfindən fəala "xorioretinal distrofiya" diaqnozu qoyularaq ambulator təyinat verilib. Məmmədlinin Hüquqlarını Müdafiə Komitəsi xatırladır ki, fəal genetik astma xəstəsidir və saxlanılan zaman polisin etdiyi işgəncə zamanı əvvəllər əməliyyat edilmiş gözlərindən zərbələr alıb. “İşgəncədən sonra onun bir gözü tamamilə bulanıq görür. Həmçinin, 3 sentyabr 2025-ci ildə Əhməd Məmmədli barəsində qondarma cinayət...

Davamını oxu