Manşet

Türkiyədən qayıdan Naxçıvan sakinləri pullarının polis tərəfindən alındığını iddia edirlər

17 Dekabr, 2025

177

Foto: açıq mənbə

Türkiyədən qayıdan Naxçıvan sakinləri sərhəd-keçid məntəqəsindən keçdikdən sonra yerli polislər tərəfindən müxtəlif bəhanələrlə pullarının alındığını iddia edirlər.

Bir qrup sakin “Gündəlik Naxçıvan” səhifəsinə bildirib ki, polislər əsasən gömrük ərazisində siqaret çəkmək və ya siqaret kötüyünü yerə atmaq iddiası ilə onlardan rüşvət tələb edir, pul vermədikləri halda isə həbslə hədələyirlər.

Siqaret çəkmədiyini deyən Şiraz Quliyev iddia edib ki, polislər onu “siqaret kötüyünü yerə atmaqda” ittiham ediblər:

“Mən 22 ildir ki Türkiyədə yaşayıram. Ailəm üçün işləyib çörək pulu qazanıb göndərirəm. Arada bir gəlib-gedirəm. 2 gün əvvəl Türkiyədən gələrkən Sədərək gömrüyünün qabağında maşın gözləyirdim. Polis yaxınlaşıb dedi ki, siqaret kötüyünü yerə atmısan, ya 300 manat verəcəksən, ya da idarəyə aparacağıq. Nə qədər izah etsəm də ki, mən siqaret çəkən deyiləm, xeyri olmadı. Dedilər ki, pulu verməsən, “müqavimət göstərdi” deyib, içəri basacağıq. Məcbur qaldım, verdim o pulu. Qəbz istədim, mənə güldülər. 300 manat mənim Türkiyədəki bir aylıq maaşımın yarısıdı. Sonradan baxdım ki, başqalarına da yaxınlaşıb, eyni üsulla şərləyib, rüşvət alırlar.”

Digər şikayətçi Samir Həsənov isə bildirib ki, polislər onunla yanaşı daha iki nəfərdən də eyni üsulla pul alıblar.

“Gömrükdən çıxdıqdan sonra yol kənarında bizi aparacaq taksinin gəlməsini gözləyirdik. Mən və iki səfər yoldaşım açıq havada siqaret yandırdıq. Bu zaman yaxınlıqda dayanan polis maşınından iki polis bizə yaxınlaşdı. Dedilər ki, siqaret çəkmək olmaz. Açıq hava olduğunu, siqaret qadağasıyla bağlı lövhənin olmadığını bildirsək də, xeyri olmadı. Hərəmizdən 300 manat rüşvət istədilər. Birtəhər razılaşıb, üçümüzə 600 manat verib, yaxamızı qurtardıq. Bizi maşına basıb, polis idarəsinə aparmaq istəyirdilər.”

Məsələ ilə bağlı Daxili İşlər Nazirliyi hələlik münasibət bildirməyib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Zelenski: “Rusiya Qara dənizdə Azərbaycan vətəndaşlarının da olduğu gəmini dronla vurub”

İlham Əliyev YAP-a müddət məhdudiyyəti olmadan rəhbərlik edəcək

Hesabat: “Sentyabrda məhkəmə pozuntuları və həbsxana şəraiti ilə bağlı şikayətlər davam edib”

Bu il Azərbaycanda azı 44 hərbçi qeyri-döyüş şəraitində vəfat edib

5 milyonluq qaçaqmalçılıqda ittiham olunan digər vəzifəlilər də ev dustaqlığına buraxılıb

Fərid İsmayılov: “Ədaləti meyvə-tərəvəz kimi satan mantiyalı kölələr mənim üçün məhkəmə görüntüsü yarada bilməzlər”

Redaktorun Tövsiyələri

Ələsgər Məmmədli Ombudsmana: “Apellyasiya Məhkəməsində silsilə hüquq pozuntularına yol verilir”

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Manşet

Bizim Tatar çölümüz - Fariz Namazlının yazısı

7 Sentyabr 2026

sosial media

Nədənsə bu məmləkətin insanlarına baxdıqda Dino Buzzatinin “Tatar çölü” romanının qəhrəmanı Droqonu xatırlayıram. Onun da arzuları vardı və həmin arzular onu yaşadırdı. Bəlkə də insanı yaşadan elə arzularıdır. Bu gün sahib olmadığımız, amma sabah əldə edəcəyimizə inandığımız şeylər, bir gün dəyişəcəyini düşündüyümüz həyat, gələcəyinə ümid etdiyimiz yaxşı günlər. Həyatımızın böyük bir hissəsi bu gözləntilərin içərisində keçir. Bəzən fərqinə varmadan bu günü deyil, gələcəkdə başlayacağına inandığımız başqa bir həyatı yaşayırıq və ya onu yaşamağı arzu edirik. İtalyan yazıçısı Dino Buzzatinin “Tatar çölü” romanında gənc leytenant Droqo hərbi məktəbi bitirdikdən sonra xidmət etmək üçün Bastiani qalasına göndərilir. Qarşıda uzun bir həyatı, hərbçi...

Davamını oxu

Manşet

"Baksol yolu işi"ndə tikinti rəisi: "Təmir üçün material 1 ay gec ayrılıb"

17 Fevral 2026

Foto: Azərbaycan Avtomobil Yolları Dövlət Agentliyi

Ötən ilin iyununda paytaxtın "Baksol yolu" adlanan ərazisində 27 yaşlı gəncin ölümü ilə nəticələnən yol çöküntüsündə təqsirləndirilən, Bakı Su Kanal İdarəsinin sahə rəisi Azər Cümşüdovun işi üzrə növbəti məhkəmə prosesi keçirilib. APA-nın xəbərinə görə, fevralın 17-də Nərimanov Rayon Məhkəməsində hakim Gültəkin Əsədovanın sədrliyi ilə keçirilən prosesdə Bakı Şəhər Su Kanal İdarəsinin ərazi üzrə təmir-tikinti şöbəsinin rəisi Yaşar Əhmədov şahid qismində dindirilib. Y.Əhmədov ibtidai istintaqa verdiyi ifadəni təkzib edib: "Dediklərimin tam əksi yazılıb. Mən onu oxumadan imzalamışam, təsdiqləmirəm." Bu zaman dövlət ittihamçısı şahidə irad bildirib: "Ali təhsilli adamsan, niyə oxumadan imzalamısan?". Şahid isə 3 saat gözləyib yorulduğu üçün ifadəni imzaladığını deyib. ...

Davamını oxu