Məhkəmə

Azərbaycan səfirliyinə hücumda təqsirləndirilən şəxsin edam olunduğu deyilir

21 May, 2025

118

açıq mənbədən götürülüb

Azərbaycanın Tehrandakı səfirliyinə silahlı hücum edən Yasin Hüseynzadə barəsində çıxarılmış edam qərarının icra olunduğu deyilir.

İran mətbuatı ölkənin ədliyyə sisteminə istinadən yazıb ki, qərar mayın 21-də səhər saatlarında yerinə yetirilib.

Azərbaycan Xarici İşlər Nazirliyinin sözçüsü Ayxan Hacızadə deyib ki, edamın icra olunması prosesini səfirliyin 2 nəfər əməkdaşı və məhkəmə prosesində Azərbaycan tərəfindən təyin edilmiş vəkil müşahidə edib.

“Diplomatik əlaqələr haqqında Vyana Konvensiyasına uyğun olaraq, diplomatik missiyalarımızın təhlükəsizliyinin təmin olunması və bu qəbildən əməllərin qarşısının alınması istiqamətində yerləşmə ölkəsi tərəfindən müvafiq tədbirlərin görülməsi hər zaman əhəmiyyət kəsb edi”, - Hacızadə deyib.

Yasin Hüseynzadə 2023-cü ilin yanvarın 27-də Azərbaycanın Tehrandakı səfirliyinə "Kalaşnikov" markalı avtomat ilə hücum edib.

Hədisə nəticəsində səfirliyin bir əməkdaşının həlak olduğu, iksinin isə xəsarət aldığı açıqlanıb.

O, səfirlikdə öz həyat yoldaşını axtardığını və onu xilas etmək istədiyini bildirmişdi.

Azərbaycanın rəsmi qurumları isə bu iddianı təsdiqləməmişdilər.

Hadisədən sonra səfirliyin bütün işçiləri Azərbaycana təxliyə edilib.

2024-cü ilin iyul ayında səfirlik yeni ünvanda fəaliyyətini bərpa edib.

Azərbaycan prezidenti İlham Əliyev bu ilin əvvəlində yerli mediaya müsahibəsində silahlı hücumu "təşkil olunmuş terror aktı" adlandırıb, hadisədən iki il keçməsinə baxmayaraq, terroru törədən şəxsə qarşı edam hökmünün icra edilmədiyini deyirdi.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Nağıl Kimi Ölkə #1 – İt də getdi, ip də getdi...

Müdafiə Nazirliyində 143 milyonluq mənimsəməyə görə hökm oxunub

16 yaşlı qızı öldürüb Kürə atmaqda şübhəli bilinən şəxs həbs olunub

İctimai fəalın 30 sutka həbs olunduğu deyilir

ABŞ konqresmeni Fərid Mehralızadəylə bağlı İlham Əliyevə məktub yazıb

Məhkəmə Azər Qasımlını ev dustaqlığına buraxmadı

Redaktorun Tövsiyələri

"O, həmişə zülm görənlərin tərəfində olub" - "The Washington Post" Ülviyyə Əlidən yazıb

“Bakı Moskva ilə əlaqələrini Trampın siyasətinə sörə tənzimləyir”

Kartlardan pul oğurluğu: Banklar nə qədər günahkardır?

Bakı İstintaq Təcridxanasının “rüşvət rentgeni”

Norveç qəzetində Toplum TV-yə məqalə həsr edilib

Bakının tarixi məhəllələri sökülmək təhlükəsi ilə üz-üzədir

Məhkəmə

Müdafiə Nazirliyində 143 milyonluq mənimsəməyə görə hökm oxunub

21 May 2025

Foto: Müdafiə Nazirliyi

Mayın 21-də Bakı Hərbi Məhkəməsində hərbi hissədə 143 milyon manat mənimsənilməsi ilə bağlı işdə təqsirləndirilən şəxslərdən birinə hökm oxunub. Hakim Fikrət Əliyevin sədrliyi ilə keçirilən prosesdə Müdafiə Nazirliyinin tabeliyindəki hərbi hissənin keçmiş maliyyə-xidmət rəisi, kapitan Vahid Novruzlu 11 il azadlıqdan məhrum edilib. Novruzlu son sözündə özünü qismən təqsirli bildiyini, yalnız yüksək rütbəli şəxslərin tapşırığını yerinə yetirdiyini deyib. İş üzrə digər təqsirləndirilən şəxslərlə birlikdə ümumilikdə dövlətə dəymiş ziyan 143 milyon manatdır. Təqsirləndirilən şəxslərin ümumi sayı 10-dan yuxarıdır. Onların barəsində olan cinayət işləri ayrı-ayrı icraatlarda baxılması üçün aidiyyəti üzrə məhkəmələrə göndərilib. Cinayət işi üzrə Maliyyə Nazirliyi zərərçəkmiş qismində tanınıb. Təqsirləndirilən şəxslərin hər...

Davamını oxu

Məhkəmə

İctimai fəalın 30 sutka həbs olunduğu deyilir

21 May 2025

İctimai fəal və müəllim Dəyanət Çələbinin inzibati qaydada həbs olunduğu bildirilir. Bu barədə "Politfm" xəbər yayıb. Qeyd olunur ki, o, polisə müqavimət göstərməkdə ittiham olunaraq Xətai rayon Məhkəməsi tərəfindən 30 sutkalıq inzibati həbs olunub. Sosial şəbəkələrdə aktivliyi ilə bilinən D.Çələbi siyasi motivlərlə həbs olunan jurnalist və fəallara azadlıq tələb edirdi. Yerli hüquq-müdafiə təşkilatlarının hazırladıqları siyahılara görə, hazırda Azərbaycan həbsxanalarında təxminən 350 nəfər siyasi məhbus var. Rəsmilər isə bir qayda olaraq ölkədə siyasi motivli həbslər olmadığını deyirlər. Beynəlxalq insan haqları təşkilatları, ABŞ Dövlət Departamenti isə hökuməti haqsız həbs olunanları azad etməyə, müstəqil mediaya, vətəndaş cəmiyyətinə basqıları dayandırmağa çağırıb.

Davamını oxu