Siyasət

ABŞ konqresmeni Fərid Mehralızadəylə bağlı İlham Əliyevə məktub yazıb

21 May, 2025

Foto: Əkinçi

ABŞ konqresmeni Ceyms Makqovern Prezident İlham Əliyevə məktub göndərərək “Abzas Media işi” üzrə həbsdə olan jurnalist Fərid Mehralızadənin azad olunmasını tələb edib.

Bu barədə “Azadlıq Radiosu" xəbər verib.

Konqresmen xatırladıb ki, mayın 30-da Mehralızadənin “haqsız həbsinin” bir ili tamam olur və bu müddət ərzində onun qızı dünyaya gəlib, o isə qızını cəmi bir dəfə görə bilib.

"Onun hələ də həbsdə qalması böyük narahatlıq yaradır, onun həyat yoldaşı və qızına qovuşması üçün dərhal azad olunmasına çağırıram", – Makqovern yazır.

O əlavə edib ki, “Abzas Media işi” ilə bağlı həbs olunsa da, istintaq Mehralızadənin bu media qurumu ilə əlaqəsinə dair sübut ortaya qoymayıb.

Makqovern ardınca məktubunda jurnalistin həbsdə zorakılığa və məhkəmədə aşağılanmaya məruz qaldığını yazıb və qeyd edib ki, Mehralızadə və digər təqsirləndirilənlər fevralın 11-də pis rəftarla bağlı şikayətləri araşdırılmadığı üçün məhkəməyə qatılmaqdan imtina ediblər.

"Bu etiraza cavab olaraq, hakimiyyət onu məhkəməyə zorla gətirib ki, bu da həbsdə pis rəftarın daha bir formasıdır", - o vurğulayıb.

“Ümid edirəm ki, Azərbaycan ədalətli məhkəməyə dair beynəlxalq standartlara əməl edəcək, Fəridə qarşı əsassız ittihamları ləğv edəcək və o, dərhal, heç bir məhdudiyyətsiz azadlığa buraxılacaq", – konqresmen Makqovern yazıb.

“Abzas Media işi” üzrə medianın təsisçisi və direktoru Ülvi Həsənli, koordinatoru Məhəmməd Kekalov, baş redaktoru Sevinc Vaqifqızı, araşdırmaçı jurnalist Hafiz Babalı, jurnalistlər Nərgiz Absalamova və Elnarə Qasımova və “Azadlıq Radiosu”nun jurnalisti Fərid Mehralızadə mühakimə olunurlar.

İlkin olaraq onlar qaçaqmalçılıq da daxil olmaqla bir neçə maddə üzrə ittiham edilirlər.

Jurnalistlər korrupsiya araşdırmaları və fəaliyyətlərinə görə cəzalandırıldıqlarını bildirirlər.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Nağıl Kimi Ölkə #1 – İt də getdi, ip də getdi...

Müdafiə Nazirliyində 143 milyonluq mənimsəməyə görə hökm oxunub

16 yaşlı qızı öldürüb Kürə atmaqda şübhəli bilinən şəxs həbs olunub

İctimai fəalın 30 sutka həbs olunduğu deyilir

Məhkəmə Azər Qasımlını ev dustaqlığına buraxmadı

Lavrov: “Moskva Ermənistanın ərazi bütövlüyünü dəstəkləməyə davam edir”

Redaktorun Tövsiyələri

"O, həmişə zülm görənlərin tərəfində olub" - "The Washington Post" Ülviyyə Əlidən yazıb

“Bakı Moskva ilə əlaqələrini Trampın siyasətinə sörə tənzimləyir”

Kartlardan pul oğurluğu: Banklar nə qədər günahkardır?

Bakı İstintaq Təcridxanasının “rüşvət rentgeni”

Norveç qəzetində Toplum TV-yə məqalə həsr edilib

Bakının tarixi məhəllələri sökülmək təhlükəsi ilə üz-üzədir

Siyasət

Paşinyan İTV-yə: Azərbaycanın da konstitusiyasında Ermənistana qarşı ərazi iddiaları var

16 May 2025

İTV

Ermənistanın Baş naziri Nikol Paşinyan “İTV”yə verdiyi müsahibədə Azərbaycanın konstitusiyasında Ermənistana qarşı ərazi iddialarının olduğunu bildirib. “Avropa Siyasi Birliyi”nin 6-cı Zirvə toplantısında iştirak etmək üçün Tiranada olan Paşinyan İTV müxbirinin suallarını cavablandırıb. O, Ermənistan konstitusiyasında belə bir iddianın olmadığını deyib və bu fikrini Konstitusiya Məhkəməsinin qərarına əsaslandırıb. Paşinyan martda razılaşdırılmış sülh müqaviləsində tərəflərin bir-birinin ərazi bütövlüyünü tanıdığını vurğulayıb və əlavə edib ki, bu müqavilə ölkələrin gələcəkdə ərazi iddiaları qaldırmamasını da nəzərdə tutur. O bildirib ki, müqavilə imzalandıqdan sonra Ermənistan Konstitusiya Məhkəməsinə göndəriləcək və uyğunluq təsdiqlənsə, sənəd parlamentdə ratifikasiya olunacaq. Paşinyan Azərbaycanın iddialarına qarşı ən qısa yolun sülh müqaviləsinin imzalanması olduğunu...

Davamını oxu

Siyasət

"O, həmişə zülm görənlərin tərəfində olub" - "The Washington Post" Ülviyyə Əlidən yazıb

16 May 2025

Foto: sosial media

ABŞ-ın nüfuzlu “The Washington Post” qəzeti bu yaxınlarda Azərbaycanda həbs olunan jurnalist Ülviyyə Əli (Quliyeva) haqqında geniş məqalə dərc edib. Məqalədə Ülviyyə Əlinin həbsinin təfərrüatları, Donald Tramp administrasiyasının bunda dolayı rolu və ümumilikdə, Azərbaycanda müstəqil jurnalistlərin həbsidən danışılır. Toplum TV məqalənin tərcüməsini təqdim edir. O, “Amerikanın Səsi” üçün Azərbaycanda insan haqlarını işıqlandırıb, indi isə həbsdədir. Ülviyyə Əli illərlə “Amerikanın Səsi” üçün çalışıb. Fəllar deyir ki, Trampın ABŞ tərəfindən maliyyələşdirilən media orqanını dağıtmaq üçün atdığı addımlar onu daha böyük risk altına salmış ola bilər. Ülviyyə Əli telefonunu çıxarıb günahsız olduğunu bildirən bir məktub yazmağa tələsdi. Hələ rəsmi olaraq heç bir cinayətlə...

Davamını oxu