Məhkəmə

Bakıda 4 işçinin öldüyü hotelin icarədarına 4 il yarım həbs cəzası verilib 

27 fevral, 2026
198

Foto: Trend News Agency

Ötən ilin noyabrında Bakının Binəqədi rayonunda bir hotelin 4 işçisinin ölümü ilə bağlı açılan cinayət işi üzrə son məhkəmə prosesi keçirilib.

APA-nın xəbərinə görə, fevralın 27-də Binəqədi Rayon Məhkəməsində keçirilən prosesdə iş üzrə təqsirləndirilən şəxs, həmin hotelin icarədarı Ağasif Verdiyevə hökm oxunub.

Hökmə əsasən, A.Verdiyev 4 il yarım müddətinə azadlıqdan məhrum edilib. 

O, Cinayət Məcəlləsinin 162.3-cü (əmək mühafizəsi qaydalarının pozulması ehtiyatsızlıqdan iki və daha çox şəxsin ölümünə səbəb olduqda) maddəsi üzrə təqsirli bilinib. 

A.Verdiyevin ittihama münasibəti bəlli deyil. 

Ötən il noyabrın 21-də Binəqədi rayonunda yerləşən “Lake Hotel”in işçiləri - 29 yaşlı Cavidan Muradlı, 21 yaşlı Emil Quliyev, 20 yaşlı Eltac Əliyev və 19 yaşlı Əkbər Zeynalov hotel ərazisində pilləkən daşıyan zaman elektrik cərəyanı vurması nəticəsində ölüblər. 

Faktla bağlı Binəqədi Rayon Prokurorluğunda cinayət işi açılıb və A.Verdiyev həbs olunub.


Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Məhkəmə

AİHM “Qış parkı” söküntülərinə görə Azərbaycanın 751 min avro təzminat ödəməsinə qərar verib

9 noyabr 2026

Foto: Toplum TV

Bakıda “Qış parkı”nın salınması zamanı sökülən evlərlə bağlı daha bir qrup vətəndaşın şikayəti üzrə Avropa İnsan Hüquqları Məhkəməsi (AİHM) kompensasiya məbləğini müəyyənləşdirib. “Azadlıq Radiosu” yazır ki, noyabrın 3-də açıqlanan qərara əsasən, Azərbaycan hökuməti mülkiyyət hüquqları pozulmuş 13 ərizəçiyə ümumilikdə 751 min 250 avro təzminat ödəməlidir. Kompensasiya alacaq şəxslər arasında Ağ Partiya sədri Tural Abbaslının anası Başxanım Abbasova da var. Məhkəmənin qərarına əsasən, ona dəymiş maddi ziyana görə 104 min 500 avro, mənəvi ziyana görə isə 3 min avro ödənilməlidir. AİHM bu iş üzrə ilk qərarını 2025-ci ilin fevralında çıxarıb. Həmin qərarda 13 ərizəçinin mülkiyyət hüququnun pozulduğu müəyyən edilib. Məhkəmə qeyd...
Məhkəmə

“Toplum TV işi”ndə jurnalist hakimə: ‘Bunu məhkəmə hesab etmirəm, məni zaldan çıxarın’

2 noyabr 2026

Toplum TV

Noyabrın 2-də Bakı Apellyasiya Məhkəməsində “Toplum TV işi” üzrə növbəti məhkəmə iclası keçirilib. Proses başlamazdan əvvəl “Toplum TV” jurnalisti Fərid İsmayılov saxlanıldığı təcridxanada məhbuslara münasibətlə bağlı danışıb. “Umbakı Penitensiar Müəssisəsində insanlıq əleyhinə cinayətlər baş verir. Təcridxananın rəisi Rəşad Yusifov sentyabrın 27-də öz iş otağında ictimai fəal Nicad İbrahimi Pərviz adlı rejim rəisinə döydürüb. Məhbusun vəziyyətini işçilər və məhbuslar görüb. Kameraları açıb baxsınlar. Qan içində qalan məhbusu yerdə sürüyərək qanı təmizlətdiriblər. Pərviz adlı rejim rəisi tərəfindən döyülüb. Onu o qədər döyüblər ki, yer bütün qan olub. Sonra N.İbrahimə deyiblər qanı silsin. O da bundan imtina edəndə özünü yerdə sürüyüb, qanı elə siliblər”,...

Seçilmiş Videolar

Toplum TV loqo