Ölkə

Rusiya pasportu ilə Antarktidaya gedən azərbaycanlı bloger Ermənistana buraxılmadığını deyir

18 noyabr, 2026
53

Foto:şəsxi arxiv

Azərbaycanlı əsilli bloger, Rusiya vətəndaşı Rüstəm Şükürov 100 dollar büdcə ilə Moskvadan Antarktidaya səyahət layihəsi çərçivəsində Ermənistana buraxılmadığını deyib.
“OC Media”nın məlumatına görə, Şükürov dostları ilə sentyabrın 20-də avtostopla yola çıxıb. Onun sözlərinə görə, Ermənistan sərhədinədək heç bir pul xərcləmədən gəlib çatıb, lakin sərhəd-keçid məntəqəsində ölkəyə girişinə icazə verilməyib.
Bloger bildirib ki, Ermənistan səfərin əsas məqsədi deyil, İran və daha sonra Afrika istiqamətində nəzərdə tutulan uzun marşrutun bir hissəsi idi.
“Ermənistan böyük səyahət marşrutumun tərkib hissəsi idi. Ermənistandan İrana, oradan da Afrikaya getməyi planlaşdırırdım. Bu, dostumla həyata keçirdiyimiz ikinci böyük səyahət layihəsidir. İlk dəfə Rusiyadan Balidək avtostopla getmişdik”, - Şükürov “OC Media”ya deyib.

Onun sözlərinə görə, sənədləri yoxlanıldıqdan sonra sərhədçi növbə rəisini çağırıb. Şükürov ayrıca otaqda sorğu-sual edildiyini, növbə rəisinin təhlükəsizlik xidmətinin nümayəndələri ilə telefonla əlaqə saxladığını bildirib.
“İmtinanın konkret səbəbi açıqlanmadı. Sərhədçi dedi ki, Rusiya və ya Gürcüstan pasportu olan azərbaycanlılar adətən Ermənistana problemsiz daxil olurlar. Azərbaycan pasportu daşıyanlara isə iki ölkə arasında diplomatik münasibətlər olmadığından girişə icazə verilmir”, - o deyib.

Şükürovla birlikdə səyahət edən, aralarında rusiyalı blogerin də olduğu digər şəxslərin Ermənistana buraxıldığını deyib. O, girişdən imtinanın əsas səbəbinin azərbaycanlı olması ilə bağlı olduğunu düşünsə də, bloqer fəaliyyəti ilə əlaqəsinin olub-olmadığını istisna etməyib.
Şükürov vurğulayıb ki, yalnız Rusiya vətəndaşıdır, Rusiyada doğulub-böyüyüb, heç vaxt Azərbaycan vətəndaşlığı və ya Azərbaycan pasportu olmayıb.
Ermənistana buraxılmadıqdan sonra o, Gürcüstana qayıtmalı olub və ona girişdən imtinanı təsdiqləyən rəsmi sənəd verilib. Bloqerin sözlərinə görə, erməni tərəfi onu İrana aparmağı təklif etsə də, bunun yalnız müşayiət altında mümkün olacağını bildirib.
Şükürov Ermənistan-Azərbaycan münasibətlərindəki gərginliyin üçüncü ölkələrdə səyahət edən insanlara təsir etməməli olduğunu deyib.
“Mən Ermənistana siyasi məqsədlə, kimisə təxribat etməyə və ya münaqişəni gündəmə gətirməyə getmirdim. Sadəcə səyahət edir, ölkəni görmək istəyirdim. Hesab edirəm ki, adi insanlar bir-birinə düşmən olmamalıdır”, - o bildirib.
“OC Media” yazır ki, 2026-cı ilin fevralında Rusiya vətəndaşı olan, Ermənistanda doğulmuş Rövşən və İlham Əhmədov qardaşları Yerevana, Gümrüyə və Şirak vilayətinin Amasiya kəndinə səfər edə bilmişdilər. Ermənistanın Milli Təhlükəsizlik Xidməti onların ölkəyə şəxsi səfər məqsədilə daxil olduğunu təsdiqləmişdi.


Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Ölkə

Pensiyasının dayandırıldığından şikayətlənən Yevlax sakininin 30 sutka həbs edildiyi bildirilir

17 noyabr 2026

Meydan TV

Əlillik statusunun ləğvi və pensiyasının dayandırılmasından şikayətlənən Yevlax sakini Elşən Həsənovun 30 sutka inzibati qaydada həbs edildiyi bildirilir. “Meydan TV” bu barədə Həsənovun yaxınlarına istinadən məlumat yayıb. Onun hansı maddə ilə həbs edildiyi hələlik məlum deyil. Həsənov noyabrın 13-də “Meydan TV”yə videomüraciətində əlillik statusunun ləğvindən və pensiyasının dayandırılmasından şikayət edib. O, əvvəllər II qrup əlilliyi olduğunu və 230 manat pensiya aldığını bildirib. Həsənovun sözlərinə görə, sonradan əlillik dərəcəsi III qrupa endirilib, pensiyası 180 manata salınıb, daha sonra isə həmin status da ləğv edilərək ödəniş tam dayandırılıb. Həsənov deyib ki, Əmək və Əhalinin Sosial Müdafiəsi Nazirliyi bu qərarı tibbi sənədlərdə xəstəliyi...
Ölkə

"Meydan TV"nin həbsdə olan baş redaktoru əməliyyat olunub

13 noyabr 2026

Foto: şəxsi arxiv

"Meydan TV"nin həbsdə olan baş redaktoru Aynur Elgünəş (Qənbərova) əməliyyat olunub. Jurnalistin vəkili Elçin Sadıqovun APA-ya verdiyi məlumata görə, cərrahiyyə əməliyyatı noyabrın 12-də Mərkəzi Gömrük Hospitalında baş tutub. Aynur Elgünəş bir müddət əvvəl böyrəyində yaranan ciddi problemlərə görə Ədliyyə Nazirliyinin Müalicə Müəssisəsinə köçürülmüşdü. Jurnalistin səhhətindəki problemlərlə bağlı oktyabrın 26-da Elçin Sadıqov da açıqlama yaymışdı. O, Aynur Elgünəşin vəziyyətinin getdikcə ağırlaşdığını, təcili əməliyyata ehtiyac olduğunu bildirmişdi. Vəkilin sözlərinə görə, xəstəxana əvvəlcə kompüter tomoqrafiyası (KT) müayinəsinin aparılmasını, əməliyyat qərarının isə nəticələrə əsasən verilməsini istəyirdi. Sadıqov jurnalistin dəfələrlə əməliyyat olunduğunu, KT müayinəsi olmadan cərrahi müdaxilənin riskli hesab edildiyini, arterial təzyiqinin tez-tez dəyişdiyini və...

Seçilmiş Videolar

Toplum TV loqo