Məhkəmə

Həyat yoldaşı: Ülvi Həsənli aclıq aksiyasına başladığı üçün işgəncəyə məruz qalıb

30 İyun, 2025

Foto: VOA

Beş günlük tam məlumatsızlıqdan sonra jurnalist Ülvi Həsənli bu gün ilk dəfə saxlanıldığı Umbakı təcridxanasından ailəsi ilə əlaqə saxlayıb.

Bu barədə jurnalistin həyat yoldaşı Rübabə Quliyeva iyunun 30-da məlumat yayıb.

Onun bildirdiyinə görə, Ülvi Həsənli təcridxanaya köçürüldüyü gün aclıq aksiyasına başladığı üçün həmin vaxtdan etibarən 5 gündür karsa salınıb:

“Səsi çox zəif gəlirdi. Dedi ki, 5 gündür aclıq edir. Heç bir şəxsi əşyası verilməyib, orada olduğu müddətdə əynindəki paltarları dəyişməyə imkan yaradılmayıb. Aclığa görə təzyiq və təhdidlərə məruz qalıb, ona işgəncə edilib”, – deyə Rübabə Quliyeva bildirib.

Jurnalistin həyat yoldaşının sözlərinə görə, Həsənliyə verilən məlumata əsasən, cütlük arasında rəsmi nikah olmadığı üçün, azyaşlı övladları olmasına baxmayaraq, görüş hüququ da tanınmayacaq:

“Bundan sonra onun telefon zənglərinə icazə verilib-verilməyəcəyi də məlum deyil”, – deyə o əlavə edib.

Ülvi Həsənli həmçinin bildirib ki, onunla bağlı “qanunsuz qərarlara Penitensiar Xidmətin Əməliyyat-Rejim işləri üzrə rəisi Fikrət Qafarov imza atıb”.

İyunun 20-də Bakı Ağır Cinayətlər Məhkəməsində hakim Rasim Sadıxovun sədrliyi ilə keçirilən prosesdə “AbzasMedia işi” üzrə hökm oxunub. Ülvi Həsənli, Sevinc Vaqifqızı, Hafiz Babalı və Fərid Mehralızadə 9 il, Nərgiz Absalamova və Elnarə Qasımova 8 il, Məhəmməd Kekalov isə 7 il 6 ay azadlıqdan məhrum edilib. 2023-cü ilin noyabrında “AbzasMedia”nın direktor və əməkdaşları korrupsiya araşdırmaları apardıqları bir vaxtda həbs olunmuşdu. Ötən il mayda “Azadlıq” radiosunun jurnalisti Fərid Mehralızadə də bu iş üzrə saxlanılmışdı, lakin “AbzasMedia” onunla əməkdaşlıq etmədiyini bəyan etmişdi. Həbs edilən jurnalistlər ittihamları rədd edir və həbsin korrupsiya araşdırmaları ilə bağlı siyasi sifariş olduğunu bildirirlər.
Yerli və beynəlxalq hüquq müdafiə təşkilatları da bu həbsləri siyasi motivli hesab edir və jurnalistlərin dərhal azad edilməsinə çağırır.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Vergilər Nazirliyi “Toplum”çulardan 79 min manat istəyir

Məhkəmə Anar Məmmədlini azadlığa buraxmayıb

DİN "Sputnik Azərbaycan"ın ofisində əməliyyat keçirib

Bəhruz Səmədov Ülviyyə Əliyə müsahibə verib: “Dövlətin mənə terrorçu kimi yanaşmasını heç vaxt unutmayacam”

Ülvi Həsənlidən 5 gündür xəbər yoxdur

Rüfət Səfərovun məhkəməsi başlayıb

Redaktorun Tövsiyələri

İdxalda kəskin bahalaşma: Ərzaq və geyim məhsullarında rekord qiymət artımı

Paşinyan və düşmənləri arasında son döyüş

63 milyondan çox vəsaitin ayrıldığı penitensiar müəssisələrdə ağır sanitar-gigiyena problemləri

Hökumətyönlü mətbuatın “istintaq sirləri”: Sızdırılma, yoxsa təxəyyül məhsulu?

Cəmiyyətin və hökumətin əxlaq problemi - Fariz Namazlının yazısı

Memar: “Mətbuat Bayırşəhər söküntüsünü adiləşdirməyə çalışır”

Məhkəmə

Vergilər Nazirliyi “Toplum”çulardan 79 min manat istəyir

30 İyun 2025

Foto: Toplum TV

İyunun 30-da “Toplum TV işi” üzrə növbəti məhkəmə prosesi baş tutub. Bakı Ağır Cinayətlər Məhkəməsində hakim Azər Tağıyevin sədrliyilə baş tutan prosesdə təqsirləndirilən şəxslər vəsatətlərlə çıxışlar ediblər. Əvvəlcə təqsirləndirilənlərdən Toplum TV əməkdaşı Fərid İsmayılov vəsatət verərək hakim heyətindəki Elnur Nuriyevin başqa siyasi motivli işlərdə sifarişli qərarlar verdiyini, buna görə də əvəzlənməli olduğunu bildirib. Hakim vəsatəti təmin etməyib. Ardınca Toplum TV-nin həmtəsisçisi Ələsgər Məmmədli çıxış edərək 2024-cü ilin martında həbs olunduqdan bəri Vergilər Nazirliyinin ondan gəlirini bəyan etməsini istədiyini və hətta buna görə cərimələdiyini deyib. O bildirib ki, bu müddət ərzində notarial əməliyyatlar həyata keçirməyə imkan verən sənəd almaq üçün istintaqa müraciət...

Davamını oxu

Məhkəmə

Məhkəmə Anar Məmmədlini azadlığa buraxmayıb

30 İyun 2025

Foto: sosial media

Seçkilərin Monitorinqi və Demokratiyanın Tədrisi Mərkəzinin rəhbəri Anar Məmmədli və ictimai fəal Anar Abdullayevin cinayət işi üzrə məhkəmənin hazırlıq iclası keçirilib. İyunun 30-da Bakı Ağır Cinayətlər Məhkəməsində hakim Aygün Qurbanovanın sədrliyi keçirilən prosesdə anket məlumatları dəqiqləşdirilib. Vəkil Elçin Sadıqov cinayət işinə xitam verilməsi və ya Anar Məmmədlinin ev dustaqlığına buraxılması ilə bağlı vəsatətlər verib. Vəsatətləri təmin olunmayıb. Məhkəmənin qərarı ilə baxış iclası iyulun 7-nə təyin edilib. Ötən prosesdə müdagiə tərəfi bir neçə sənədin sübutlar siyahısından xaric edilməsi istəmişdi. Sadıqov sənədlərdə olan imzaların müvəkkilinə aid olmadığını bildirmişdi. Anar Məmmədli 2024-cü il aprelin 29-da saxlanılıb. O, Cinayət Məcəlləsinin qabaqcadan əlbir olan...

Davamını oxu