Məhkəmə

“Saxlanılarkən aldığı zədələrdən Ülviyyə Əlinin başında ağrılar yaranıb, dəfələrlə qusub”

10 May, 2025

179

açıq mənbədən götürülüb

“Meydan TV işi” üzrə həbsdə olan jurnalist Aytaq Tapdıq bildirib ki, jurnalist Ülviyyə Əlinin (Quliyeva) saxlanılarkən başından aldığı zədələr səbəbilə səhhətində problemlər yaranıb.

Aytac Tapdıq bu barədə mayın 10-da ailə üzvləri vasitəsi ilə məlumat verib.

Məlumatda deyilir ki, Ülviyyə Əli zorakılığa Bakı Şəhər Baş Polis İdarsəində məruz qalıb: “Başının müxtəlif nahiyələrindən aldığı çox saylı zərbələrdən sonra iki dəfə müvəqqəti saxlama yerində, bir dəfə Kürdəxanı istintaq təcridxanasında qusub. Başında şiddətli ağrıları var”.

Aytac Tapdıq həmkarı barədə təcili tədbir görülməli olduğunu vurğulayıb.

“Ülviyyə Əlinin başına gələn hər şeyə görə Azərbaycan hakimiyyəti məhsuliyyət daşıyır”, - A.Tapdıq qeyd edib.

Deyilənlər barədə rəsmi qurumlar hələki münasibət bildirməyib.

Ülviyyə Əli mayın 7-də “MeydanTV işi" üzrə saxlanıb.

O, həbsindən öncə yazdığı bəyanatda MeydanTV ilə heç bir işgüzar əlaqəsi olmadığını, olsaydı belə, bunu cinayət hesab etmədiyini yazıb.

Ona qarşı Cinayət Məcəlləsinin 206.3.2 (Qaçaqmalçılıq, qabaqcadan əlbir olan bir qrup şəxs tərəfindən törədildikdə) maddəsi ilə ittiham irəli sürülüb.

O, əvvəllər “Meydan TV işi”ndə şahid kimi ifadə verib və ölkədən çıxışına qadağa qoyulub.

2024-cü il dekabrın 6-da “Meydan TV işi” üzrə saytın Azərbaycan nümayəndəliyinin rəhbəri Aynur Elgünəş, jurnalistlər Ramin Deko, Aynur Elgünəş, Aysel Umudova, Aytac Tapdıq, Xəyalə Ağayeva, Natiq Cavadlı saxlanılıblar.

Sonrada “arqument.az” saytının baş redaktoru, Meydan TV ilə əməkdaşlıq edən jurnalist Şəmşad Ağayev (Ağa), jurnalistlər Nurlan Libre (Qəhrəmanlı) və Fatimə Mövlamlı da “Meydan TV işi”nə görə həbs edilib.

Saxlanılan jurnalistlərin heç biri özünü təqsirli bilmir.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

İqbal Əbilov son söz üçün məhkəmədən vaxt istəyib

Məhkəmə “Kanal 13”-ün rəhbərini həbsdə saxlayıb

“Amnesty International” səfirlikləri “Abzas Media”nın məhkəməsinə çağırır

Jurnalistin zorakılıqla bağlı şikayəti prokurorluğa göndərilib

Hacı Vəliyevin Psixiatriya Xəstəxanasına aparıldığı deyilir

Taliban şahmatı qadağan edib

Redaktorun Tövsiyələri

“Bakı Moskva ilə əlaqələrini Trampın siyasətinə sörə tənzimləyir”

Kartlardan pul oğurluğu: Banklar nə qədər günahkardır?

Bakı İstintaq Təcridxanasının “rüşvət rentgeni”

Norveç qəzetində Toplum TV-yə məqalə həsr edilib

Bakının tarixi məhəllələri sökülmək təhlükəsi ilə üz-üzədir

Sərhədsiz Reportyorlar: “Azərbaycanda müstəqil media qalmayıb”

Məhkəmə

İqbal Əbilov son söz üçün məhkəmədən vaxt istəyib

12 May 2025

sosial media

Mayın 12-də Lənkəran Ağır Cinayətlər Məhkəməsində talış tarixinin tədqiqatçısı İqbal Əbilovun ittiham olunduğu iş üzrə məhkəmə prosesi keçirilib. Məhkəmədə müdafiə tərəfi vətənə xəyanət maddəsi ilə ittiham olunan gənc alimə qarşı heç bir sübutun olmadığını deyib və məhkəmədən onun üçün bəraət istəyib. Əbilov isə məhkəmədən son sözünü demək üçün vaxt istəyib. Növbəti məhkəmə prosesi mayın 15-ə təyin olunub. Ötən prosesdə dövlət ittihamçısı İqbal Əbilova 19 il cəza istəyib. Əbilovun Hüquqlarını Müdafiə Komitəsi bildirib ki, Əbilova çıxarılacaq hər hansı hökm “elmin, azad sözün və etnik kimliyin cəzalandırılmasıdır”. Bəyanatda əlavə olunur ki, Əbilov heç bir siyasi fəaliyyətdə iştirak etməyib və onun yeganə “cinayəti”...

Davamını oxu

Məhkəmə

Məhkəmə “Kanal 13”-ün rəhbərini həbsdə saxlayıb

12 May 2025

sosial media

“Kanal 13” internet televiziyasının həbsdə olan rəhbəri Əziz Orucovun barəsində olan hökmdən verilən apellyasiya şikayəti üzrə məhkəmə prosesi keçirilib. Mayın 12-də Bakı Apellyasiya Məhkəməsində keçirilən prosesdə şikayət təmin olunmayıb və birinci instansiya məhkəməsinin qərarı qüvvədə saxlanılıb (APA). Əziz Orucov 2023-cü il noyabrın 27-də qanunsuz tikinti aparmaq ittihamı ilə saxlanılıb. Daha sonra ona qarşı Cinayət Məcəlləsinin 206.3.2-ci (qaçaqmalçılıq, bir qrup şəxs tərəfindən qabaqcadan əlbir olaraq törədildikdə) maddəsi ilə ittiham irəli sürülüb. Orucov ittihamları rədd edib, jurnalist fəaliyyəti ilə bağlı həbs edildiyini bildirib İbtidai istintaqın nəticəsinə əsasən həbsdə olan jurnalistə qarşı irəli sürülən Cinayət Məcəlləsinin 206.3.2-ci (qaçaqmalçılıq, bir qrup şəxs tərəfindən qabaqcadan əlbir olaraq...

Davamını oxu