Məhkəmə

Ruslan İzzətli: “Fitnə-fəsadı göstərənlər həbsə məhkum ediliblər”

22 İyul, 2025

Foto: sosial media

III Respublika Platformasının qurucu heyət üzvü Ruslan İzzətli Kürdəxanı İstintaq Təcridxanasından yazır:

Qurucu liderimiz M.Ə.Rəsulzadə deyirdi ki, millətə hər cür fitnə-fəsadın mənbəyini, onun hansı tərəfdən gəldiyini göstər. Əminik ki, o zaman millət nə edəcəyini bilər. Fitnə-fəsadın, onun hansı tərəfdən gəldiyini millətə göstərən siyasətçilər, jurnalistlər bugün həbsxana hücrələrinə məhkum ediliblər.

Korrupsiya millətimizi məhv edir deyirdim. Əyani sübutum yağış suları nəticəsində körpünün altında tuneldə boğulan vətəndaşın faciəsi, yol gedərkən yolun çökməsi nəticəsində kanalizasiyaya düşüb boğulan vətəndaşın faciəsi… Bunu hər biriniz gördünüz.

Xarici siyasətimizi tənqid edirdim. Strateji müttəfiqimiz kimi bizə təqdim etdikləri Rusiyanın son bir ildə ölkəmizə, millətimizə etdiklərini hər birimiz izləyirik.

Unutmayın, ölkəmizdəki problemlərin hər biri siyasidir. Çıxış yolu da siyasi iştirakçılıqdan keçir.

Baş verən haqsızlığın, ədalətsizliyin fonunda özünə ziyalı, jurnalist, siyasətçi deyənlər təəssüf ki, şəxsi çıxarlarını millətin mənafeyində üstün tutaraq susurlar.

Hüqo "Ölüm məhbusunun son günü" əsərində yazırdı: "Ürəyimin dərinliyində bu adamlara yazığın gəlirdi, onlar güləndə mən ağlamaq istəyirdim".

Hər zaman yazdığım, dediyim fikirləri bir daha təkrar edirəm. Qaranlıqdan aydınlığa çıxış sənin addımından asılıdır. Haradansa ümid gözləmə!

Sonda fikrimi ABŞ-ın keçmiş prezidenti Barak Obamanın 2015-ci ilin iyul ayında etdiyi çxışındakı sözlərlə bitirirəm: "Bəzən liderlərin "mən bu ölkəni bir arada tuta biləcək tək kişiyəm" dediklərini eşidəcəksiniz. O zaman bilin ki, o lider ölkənin inkişafı mövzusunda gerçəkdən uğursuzdur".

Ruslan İzzətli

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Mətbuatsız 150 illiyə

Abzasçılar həbsdən yazır: Biz çəkirik, amma siz pis düşürsünüz

“Həbsxana böyüklüyündə redaksiya - əcəb yubileydir!”

Kamran Əliyev: “Azərbaycanlıların ölümü ilə bağlı Rusiya ilə mütəmadi əlaqə saxlayırıq”

Əliyevə ünvanlanan “razılaşdırılmış” suallar

Fərid İsmayılov: “Zərdabi yaşasaydı, hökumət onu da həbs edəcəkdi”

Redaktorun Tövsiyələri

Akif Qurbanov: “Zərdabinin davamçıları həqiqəti yazdığına görə həbsə atılan jurnalistlərdir”

Rayonlar üzrə müəllim sayı niyə “dövlət sirri” kimi gizli saxlanır?

Konstitusiya dəyişiklikləri Naxçıvanın suverenlik prinsiplərinə ziddir? - Təhlil

Azərbaycan və Rusiya: ayrılsaq da, bərabərik...

“Moskva yaranmış vəziyyətdən “qalib” çıxmaq üçün ən ağlasığımaz təxribatlara əl atacaq”

İdxalda kəskin bahalaşma: Ərzaq və geyim məhsullarında rekord qiymət artımı

Məhkəmə

Mətbuatsız 150 illiyə

22 İyul 2025

Foto: sosial media

Meydan TV-nin həbsdə olan baş redaktoru Aynur Elgünəş Kürdəxanı Təcridxanasından yazır. Meydan TV-nin dərc etdiyi yazını təqdim edirik: Necəsiniz, media əhli? 8 aya yaxındır ki, internetdən uzaq düşmüşəm, məlumatsızam, gündəlik xəbər planını doldura bilirsinizmi?! TV-lərə baxıram, müstəqil medianın başını əzəndən sonra ölkədə problem də qalmayıb, güllük-gülüstanlıqdır. Hərdən hansısa kənd sakinləri motosikletlərin səsindən narahat olur, hərdən də kiməsə səhv avtomobil cərimələri, işıq-qaz qəbzləri gəlir. Belə anlayıram, yol infrastrukturuna baxan qurumun rəhbəri də simic adamdır, imkan verir hansısa qəsəbənin yol problemi işıqlandırılsın. Vəssalam. Belə xırda problemlər istənilən ölkədə var, bizdə də olmalıdır ki, şanlı mediamız, xüsusilə TV-lərimiz xəbərsiz qalmasın. Yenə şükür, maaşınız artmasa...

Davamını oxu

Məhkəmə

Abzasçılar həbsdən yazır: Biz çəkirik, amma siz pis düşürsünüz

22 İyul 2025

Foto/kollaj: Toplum TV

“Abzas Media“nın həbsdə olan əməkdaşları Ülvi Həsənli, Sevinc Vaqifqızı, Elnarə Qasımova, Nərgiz Absalamova həbsdən yazırlar. Nəşrin dərc etdiyi yazını təqdim edirik: “Çəkirik, amma pis düşürsünüz” – bu, kameramıza hücum edən hər kəsə - polisə, seçki məntəqəsi üzvünə, hakimiyyət nümayəndəsinə dediyimiz söz idi. İndi biz bu çəkilişlərin cəzasını çəkirik və onlar yenə mətbuat azadlığı sıralamasında pis - 180 ölkə arasında 167-ci yerə düşürlər. Çünki Azərbaycanda çəkilişə icazə verilmədiyini göstərən işarələr təkcə metrolarda deyil artıq. Hər küncdə-bucaqda gözətçi polislər kameraya bənddirlər ki, onu əlinizdən alıb, özünüzü isə həbsə göndərsinlər. Onlar bizi yaxalayana qədər biz çəkdik, amma onlar pis düşdülər. Niyə pis düşürlər? Göstəririk. Korrupsiya vətəndaşları artıq kanalizasiya xəttində...

Davamını oxu