Məhkəmə

Samirə Qasımlının məsuliyyətə cəlb olunması tələbi ilə məhkəmə prosesi başlayıb

24 Aprel, 2026

380

Sosial media

Aprelin 24-də Binəqədi Rayon Məhkəməsində həbsdə olan müxalif siyasətçi Azər Qasımlının həyat yoldaşı Samirə Qasımlıya qarşı xüsusi ittiham qaydasında qaldırılmış şikayət üzrə hazırlıq iclası keçirilib.

S.Qasımlının "Toplum TV"-yə verdiyi məlumata görə, hakim Zamiq Bağırovun sədrlik etdiyi iclasda onun anket məlumatları dəqiqləşdirilib.

Daha sonra müdafiə tərəfi işin Yasamal Rayon Məhkəməsinə göndərilməsi üçün şifahi vəsatət verib. Bu, S.Qasımlının hazırda Yasamal rayonu ərazisində yaşaması və cinayət əməlində ittiham olunduğu sosial media paylaşımlarını oradakı evindən etməsi ilə əsaslandırılıb.

Hakim isə vəsatət yazılı şəkildə təqdim olunacağı halda ona baxılacağını bildirib. Bundan sonra proses mayın 1-ə təxirə salınıb.

S.Qasımlı vaxtilə həyat yoldaşını hədə-qorxuda ittiham etmiş Qurbanəli Yusifov tərəfindən məhkəməyə verilib.

O, siyasətçinin həyat yoldaşını Cinayət Məcəlləsinin 147.1-ci (böhtan) və 148-ci (təhqir) maddələri üzrə ittiham edir.

Q.Yusifov məhkəməyə ərizəsində iddia edib ki, S.Qasımlı "Facebook" hesabındakı paylaşımlarında onu hədələyib və böhtan atıb.

Bununla yanaşı, Daxili İşlər Nazirliyi tərəfindən Samirə Qasımlının ölkədən çıxışına qadağa qoyulub. O, daha öncə sosial media hesabında etdiyi müraciətində məhkəməyə verilməsini hakimiyyətin sifarişi adlandırıb.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Yaponiya Rusiyaya qarşı yeni sanksiyalar tətbiq edib

Azərbaycanda siyasi məhbus sayılan şəxslərin beynəlxalq “advokasi” fəaliyyəti ilə bağlı müraciəti

Laçın istiqamətində itkin düşdüyü deyilən əsgərin Ermənistanda saxlanıldığı bildirilir

“Reuters”: İran ABŞ-nin mümkün hücumuna daha genişmiqyaslı cavab hazırlayır

Məmməd Alpay: “Hökumət legitim vətəndaş cəmiyyəti fəaliyyətini cinayət kimi qələmə verir”

ABŞ-də edam cəzası icra edilən məhkum sağ qalıb

Redaktorun Tövsiyələri

Ələsgər Məmmədli Ombudsmana: “Apellyasiya Məhkəməsində silsilə hüquq pozuntularına yol verilir”

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Məhkəmə

Abgül Süleymanov 30 sutka həbs edilib

24 Sentyabr 2026

VOA

İlahiyyatçı Abgül Süleymanov inzibati qaydada 30 sutka həbs edilib. Bu barədə “Toplum TV”yə jurnalist Arzu Abdulla məlumat verib. Onun sözlərinə görə, Süleymanov sentyabrın 23-də saxlanılıb. O, İnzibati Xətalar Məcəlləsinin 535.1-ci maddəsi ilə - polis işçisinin qanuni tələbinə qəsdən tabe olmamaqda ittiham olunub. İlahiyyatçının yaxınları da məlumatı “Meydan TV”yə təsdiqləyiblər. “Bu gün səhər Abgül zəng etdi. Dedi ki, dünən Bakı Şəhər Baş Polis İdarəsinə aparılıb. Bu gün də Binəqədiyə aparılıb. İndi vəkil onunla görüşəcək. Maşınının açarı və telefonu əlindən alınıb”, - həyat yoldaşı bildirib. Yaxınları ilahiyyatçının saxlanmasını onun “Facebook”da hicabla bağlı paylaşımı ilə əlaqələndirirlər. Süleymanov həmin paylaşımda yazıb: “Əgər cürət edib məktəbli...

Davamını oxu

Məhkəmə

“Toplum TV işi” üzrə apellyasiya prosesi başlayır

18 Sentyabr 2026

Toplum TV

“Toplum TV işi” üzrə 12 ildən 15 ilədək həbs cəzasına məhkum olunan 9 nəfərin apellyasiya şikayətlərinə baxılacaq. Bakı Apellyasiya Məhkəməsində baş tutacaq ilk iclas sentyabrın 21-nə təyin edilib. “Toplum TV işi“ üzrə təqsirləndirilən şəxslərə İyulun 27-də Bakı Ağır Cinayətlər məhkəməsində hökm oxunub. Hökmə əsasən, Demokratik Təşəbbüslər İnstitutunun rəhbəri Akif Qurbanov 15, “Toplum TV”nin həmtəsisçisi Ələsgər Məmmədli 14, siyasətçi Ruslan İzzətli 15, IDI əməkdaşları Ramil Babayev 13, Əli Zeynal 14, İlkin Əmrahov 13, “Toplum TV” əməkdaşları Müşfiq Cabbar 13, Fərid İsmayılov 12, Elmir Abbasov isə 11 il 11 ay 28 gün müddətinə azadlıqdan məhrum edilib. E. Abbasov məhkəmə zalında həbs olunub. Məhkum...

Davamını oxu