Məhkəmə

Məhkəmə jurnalistləri İnam Kərimova müraciət edib

10 Mart, 2025

179

açıq mənbədən götürülüb

Bir qrup məhkəmə jurnalisti Ali Məhkəmənin və Məhkəmə-Hüquq Şurasının sədri İnam Kərimova müraciət edib.

“Musavat.com” saytının xəbərinə görə, onlar elektron məhkəmə portalında yaranan məhdudiyyətlərin aradan qaldırılmasını istəyirlər.

E-mehkeme portalına məhdudiyyətlər artıq bir aydan çoxdur ki tətbiq olunur. Məhdudiyyətə əsasən, portalda məhkəmə işləri üzrə aiddiyatı tərəflərin adları göstərilmir. Jurnalistlər deyir ki, portalda məlumatların şəffaf olmaması onların işini çətinləşdirir.

“Musavat.com” əməkdaşı İlkin Muradov bildirib ki, məhdudiyyət səbəbindən o, bütöv iş gününü bir məhkəmədə keçirir və nəticədə yalnız həmin məhkəmədə keçirilən iclaslardan xəbər tuta bilir.

“XXI əsrdə biz irəli getməkdən geri gedirik? Bu sistem yaradılarkən əsas məqsəd sistemin hər kəsə açıq olması, şəffaflığın daha da artırılması idi. Bir çox hallarda məhkəmə bildirişləri ünvana gec gəlib çatır. Belə olan halda “Elektron məhkəmə” sistemi önəmli rol oynayırdı. Jurnalistlər məhkəmə proseslərinin vaxtı və məkanı haqda məlumat əldə edə bilirdi. İndi bu, mümkünsüz olub”, - deyə o qeyd edib.

Muradovun sözlərinə görə, məhdudiyyətin səbəbi kimi xüsusilə kommersiya işləri ilə bağlı şirkətlərin şikayətlərini göstəriblər, amma bu, əsas deyil.

O deyir ki, bəzən də ayrı-ayrı şəxslər, xüsusilə də vəzifəli şəxslər məhkəmələrdə adlarının keçməsinin mətbuata çıxmasından narazı qalaraq şikayətlər edirlər.

Müstəqil jurnalist Aytən Məmmədova “Facebook” səhifəsində portalın Dünya Bankının maliyyəsi ilə yaradılmasına diqqət çəkib.

“Dünya Bankının maliyyəsi ilə yaradılmış elektron sistemin ictimaiyyət üçün yalnız adı qalıb, özü yoxdur. Hakimlərin fotolarından, tərcümeyi-hallarından tutmuş, məhkəmələrdə baxılan işlərə qədər hamısını sistemdən yığışdırıblar. Bunun nəyi şəffaflıq oldu?”, - deyə o sual edib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Vatikan tarixində bir ilk: Amerikalı Roma Papası

Trampdan İrana: “Biz onları havaya uçura bilərik”

Hüquq müdafiəçisi saxlanma şəraitindən narazıdır

Əhməd Məmmədli barəsində 4 ay həbs qətimkan tədbiri seçilib

Ceyms Vens: “Ruslar müharibəni bitirmək üçün çox şey istəyir”

Hindistanlılar sosial mediada Azərbaycana qarşı təbliğata başlayıb

Redaktorun Tövsiyələri

Kartlardan pul oğurluğu: Banklar nə qədər günahkardır?

Bakı İstintaq Təcridxanasının “rüşvət rentgeni”

Norveç qəzetində Toplum TV-yə məqalə həsr edilib

Bakının tarixi məhəllələri sökülmək təhlükəsi ilə üz-üzədir

Sərhədsiz Reportyorlar: “Azərbaycanda müstəqil media qalmayıb”

İran və Azərbaycan münasibətləri düzəlirmi?

Məhkəmə

Hüquq müdafiəçisi saxlanma şəraitindən narazıdır

8 May 2025

VOA

Həbsdə olan hüquq müdafiəçisi, Vətəndaş Hüquqları İnstitutunun rəhbəri Bəşir Süleymanlı saxlanma şəraitindən narazıdır. O, yaxınlarına bildirib ki, Bakı İstintaq Təcridxanasında saxlandığı dördnəfərlik kameraya bu yaxınlarda daha bir nəfər salınıb və saxlanılanların sayı beş olub. “Bu isə orada saxlanan şəxslərin yatması, sıxlıq və digər məsələlər ilə bağlı problemlər yaradıb", - Süleymanlının yaxınları “Azadlıq Radiosu”na deyib. Onlar məsələ barədə təcridxana rəhbərliyinə etdikləri müraciətlərin cavabsız qaldığını bildiriblər. Azərbaycan hakimiyyətinin müstəqil qeyri-hökumət təşkilatlarına (QHT) qarşı 2014-cü ildə başlanmış, daha sonra bağlanmış cinayət işi yenidən açılıb. Baş Prokurorluğun İstintaq İdarəsində Cinayət Məcəlləsinin cinayət yolu ilə əldə edilmiş xeyli miqdarda əmlakı leqallaşdırma, vəzifə səlahiyyətlərindən sui-istifadə etmə,...

Davamını oxu

Məhkəmə

Əhməd Məmmədli barəsində 4 ay həbs qətimkan tədbiri seçilib

8 May 2025

açıq mənbədən götürülüb

İctimai fəal və “Yoldaş Media”nın təsisçisi Əhməd Məmmədli barəsində mayın 8-də 4 aylıq həbs qətimkan tədbiri seçilib. Məmmədli Binəqədi Rayon Məhkəməsinə gətirilərkən “Yoldaş Media”nın fəaliyyətinə görə həbs olunduğunu deyib və “Azad media susdurula bilməz!” deyə qışqırıb. O, Cinayət Məcəlləsinin sağlamlığa qəsdən ağır zərər vurma və xuliqanlıq maddələri ilə ittiham olunur. Mayın 6-ı axşam radələrindən yaxınları ondan xəbər ala bilməyib. Bir gün sonra isə APA-da onun Biləcəri qəsəbəsində taksidə yer mübahisəsi üstündə bir nəfəri bıçaqladığı haqqında xəbər gedib. Həyat yoldaşı Türkan Məmməd isə fəalın şərləndiyini və belə bir ssenari qurulduğunu bildirir. Əhməd Məmmədli yaxınlarına polis idarəsində telefonunun şifrəsini verməsi üçün döyüldüyünü...

Davamını oxu