Ölkə

Bakının mərkəzində evləri sökmüş şirkətin rəhbərinə şərti cəza verilib

30 iyun, 2026

208

Medianews

Bakının mərkəzində sahiblərinin razılığı olmadan mənzil və obyektləri sökmüş şirkətin rəhbərinə məhkəmə şərti cəza verib.

"Azadlıq Radiosu"nun xəbərinə görə, bu yaxınlarda "Gold Residence" şirkətinin icraçı direktoru Nurlan Məmmədovun işi üzrə yekun məhkəmə prosesi keçirilib. Şirkət rəhbərinə 3 il yarım müddətinə şərti cəza verilib.

Məhkəmənin şərti cəza verməsində əmlak sahibləri ilə şirkət arasında barışıq əldə olunması və onlara təzminat ödənməsi, habelə N.Məmmədovun məhkəmədə peşmançılıq ifadə etməsi rol oynayıb.

Söküntü "Nəriman Nərimanov" metro stansiyasının yaxınlığında, Fətəli xan Xoyski prospekti 128-130 və Əhməd Rəcəbli küçəsi 5B ünvanlarının kəsişməsində aparılıb və altı nəfərin əmlakı özlərinin razılığı olmadan sökülüb. Mülkiyyətçilərə ümumilikdə 470 min manata yaxın ziyan dəyib.

Nurlan Məmmədov əmlak sahiblərinin şikayətləri əsasında cinayət məsuliyyətinə cəlb edilib. Ona qarşı Cinayət Məcəlləsinin 186.2.1-ci (əmlakı qəsdən məhvetmə və ya zədələmə, zərərçəkmişə külli miqdarda ziyan vurmaqla) və 308.2-ci (vəzifə səlahiyyətlərindən sui-istifadə, ağır nəticələrə səbəb olduqda) maddələri ilə ittiham irəli sürülüb.

Lakin şirkət rəhbəri istintaq və məhkəmə prosesi dövründə həbs olunmayıb. Onun barəsində polisin nəzarətinə verilmə qətimkan tədbiri seçilib.

N.Məmmədov məhkəmədəki ifadəsində özünü təqsirli bilib. Lakin o bildirib ki, həmin ərazidə söküntünün aparılması haqda Bakı Şəhər İcra Hakimiyyətinin başçısı Eldar Əzizov 2024-cü ildə sərəncam verib.

Təqsirləndirilən şəxs əməlindən peşman olduğunu və zərərçəkənlərə dəymiş ziyanın ödənildiyini bildirərək məhkəmədən həbs cəzası verilməməsini xahiş edib. Zərərçəkənlər də artıq şikayətçi olmadıqlarını təsdiqləyiblər.

Nəticədə N.Məmmədov 186.2.1-ci və 308.2-ci maddələr üzrə təqsirli bilinsə də, ona yalnız şərti cəza verilib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Berlində həbsdə olan azərbaycanlı jurnalistlərə dəstək sərgisi keçirilib

İran Argentina Hərbi Dəniz və Hərbi Hava Qüvvələrini “terror təşkilatı” elan edib

70 kq qızıl qaçaqmalçılığında təqsirli bilinən polkovnikin cəzası azaldılıb

Naxçıvanda hərbi xidmətə yeni başlayan əsgərin öldüyü deyilir

Əbu-Dabidə Rusiya-Ukrayna-ABŞ danışıqları: Əsas fikir ayrılığı ərazi məsələsidir

Fransa 700-dən çox supermarketə kiberhücumda İranı ittiham edir

Redaktorun Tövsiyələri

Siyasi məhbus kimi tanınan bir qrup şəxs: “Əliyev rejimi ölkəni həbs qəbiristanlığına çevirib”

Fərid İsmayılov və Ramil Babayev: “Təcridxanada feldşerlər tibbi spirti məhbuslara içki qismində 10 manata satır”

Ruslan İzzətli yazır: “Rusiya Cənubi Qafqazdan imtina etməyəcək”

“Mütəşəkkil dəstə”dən penitensiar sistemin rəhbərliyinə: ‘Məhbusların həyatına görə məsuliyyəti kim daşıyır?’

“Toplum TV işi”ndə jurnalist hakimə: ‘Bunu məhkəmə hesab etmirəm, məni zaldan çıxarın’

İnanclı məhbus Fərid İsmayılova danışıb: “Hökumət bayraqdakı yaşıl rəngi soldurmaq istəyir”

Ölkə

70 kq qızıl qaçaqmalçılığında təqsirli bilinən polkovnikin cəzası azaldılıb

11 noyabr 2026

sosial media

İstanbul hava limanında 70 kiloqram qızıl külçəni götürdükdən sonra saxlanılan polkovnik-leytenant Qəhrəman Məmmədovun hökmündən verilmiş apellyasiya şikayətinə baxılıb. “Qafqazinfo”nun məlumatına görə, Bakı Apellyasiya Məhkəməsi məhkumun bəraət tələbini əsaslı hesab etməyib. Bununla belə, Bakı Hərbi Məhkəməsinin hökmü cəza hissəsində dəyişdirilib. Qəhrəman Məmmədovun cəzası 6 ildən 5 il 6 aya endirilib. Aprelin 27-də Bakı Hərbi Məhkəməsində ona hökm oxunub. Yarım il davam edən məhkəmə prosesinin yekununda Q.Məmmədov vəzifə səlahiyyətlərindən sui-istifadə və qaçaqmalçılıqda təqsirli bilinib. Lakin o, ittihamla razılaşmayıb və ona qarşı irəli sürülmüş qızıl qaçaqmalçılığı ittihamının əsassız olduğunu bildirib. Q.Məmmədov Azərbaycan Silahlı Qüvvələrinin ABŞ-dəki hərbi attaşesinin baş köməkçisi vəzifəsində xidmət edib. Cinayət...

Davamını oxu

Ölkə

Naxçıvanda hərbi xidmətə yeni başlayan əsgərin öldüyü deyilir

11 noyabr 2026

şəxsi arxivi

Naxçıvanda hərbi xidmət keçən Elnar Tağıyevin naməlum şəraitdə həyatını itirdiyi deyilir. “Meydan TV”nin məlumatına görə, hərbçinin yaxınları Elnar Tağıyevin oktyabrın son həftəsində hərbi xidmətə yollandığını bildiriblər. Noyabrın 8-də keçirilən andiçmə mərasimindən sonra əsgərlərin bir neçə saatlıq evə buraxıldığı, lakin ailənin həmin gün günortadan sonra Elnar Tağıyevlə əlaqə saxlaya bilmədiyi qeyd olunub. Əsgərin yaxınının sözlərinə görə, axşam saatlarında polis ailəyə zəng edərək onun Naxçıvan şəhərindəki Sahil Parkında intihar etdiyi barədə məlumat verib. Ailə daha sonra xəstəxanaya gedərək meyiti təhvil alıb. Yaxınlarına hadisə ilə bağlı istintaq aparıldığı bildirilib. Onlar araşdırmanın nəticəsini gözlədiklərini, ölümə görə məsuliyyət daşıyan şəxslər olarsa, cəzalandırılmalarını istədiklərini deyiblər. Elnar...

Davamını oxu