Ölkə

Pensiyasının dayandırıldığından şikayətlənən Yevlax sakininin 30 sutka həbs edildiyi bildirilir

17 noyabr, 2026
100

Meydan TV

Əlillik statusunun ləğvi və pensiyasının dayandırılmasından şikayətlənən Yevlax sakini Elşən Həsənovun 30 sutka inzibati qaydada həbs edildiyi bildirilir.

“Meydan TV” bu barədə Həsənovun yaxınlarına istinadən məlumat yayıb. Onun hansı maddə ilə həbs edildiyi hələlik məlum deyil.

Həsənov noyabrın 13-də “Meydan TV”yə videomüraciətində əlillik statusunun ləğvindən və pensiyasının dayandırılmasından şikayət edib.

O, əvvəllər II qrup əlilliyi olduğunu və 230 manat pensiya aldığını bildirib. Həsənovun sözlərinə görə, sonradan əlillik dərəcəsi III qrupa endirilib, pensiyası 180 manata salınıb, daha sonra isə həmin status da ləğv edilərək ödəniş tam dayandırılıb.

Həsənov deyib ki, Əmək və Əhalinin Sosial Müdafiəsi Nazirliyi bu qərarı tibbi sənədlərdə xəstəliyi ilə bağlı məlumatların dəqiq göstərilməməsi ilə əsaslandırıb. Onun müraciət etdiyi Yevlax Rayon Xəstəxanasının həkimi isə xəstəliyi ilə bağlı məlumatların sənədlərdə əks olunduğunu təsdiqləyib.

Uşaqlıqdan xəstə olduğunu və davamlı müalicəyə ehtiyac duyduğunu bildirən Həsənov problemin həlli üçün altı ay ərzində nazirliyə dəfələrlə müraciət etdiyini söyləyib. Nəticə əldə etmədikdən sonra Prezident Administrasiyasına da məktub göndərdiyini, lakin müraciətlərinin yenidən Əmək və Əhalinin Sosial Müdafiəsi Nazirliyinə yönləndirildiyini qeyd edib.

Vide omüraciətində prezident İlham Əliyevə səslənən Həsənov pensiyanın dayandırılmasına etiraz edib və sərt ifadələr işlədib.
“Düşünürsən ki, biz acından öləcəyik, səndən qorxacağıq? Yox, İlham Əliyev, sən bizi bezdirirsən. Məcbur edirsən ki, gəlib Prezident Administrasiyasının qarşısında üsyan edək, səninlə savaşaq. Mən ölürəm, qoy elə səninlə savaşıb ölərəm”, - deyə o bildirib.

Daxili İşlər Nazirliyi Elşən Həsənovun saxlanılması və inzibati həbsə cəlb olunması barədə hələlik məlumat yaymayıb.


Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Ölkə

Rusiya pasportu ilə Antarktidaya gedən azərbaycanlı bloger Ermənistana buraxılmadığını deyir

18 noyabr 2026

Foto:şəsxi arxiv

Azərbaycanlı əsilli bloger, Rusiya vətəndaşı Rüstəm Şükürov 100 dollar büdcə ilə Moskvadan Antarktidaya səyahət layihəsi çərçivəsində Ermənistana buraxılmadığını deyib. “OC Media”nın məlumatına görə, Şükürov dostları ilə sentyabrın 20-də avtostopla yola çıxıb. Onun sözlərinə görə, Ermənistan sərhədinədək heç bir pul xərcləmədən gəlib çatıb, lakin sərhəd-keçid məntəqəsində ölkəyə girişinə icazə verilməyib. Bloger bildirib ki, Ermənistan səfərin əsas məqsədi deyil, İran və daha sonra Afrika istiqamətində nəzərdə tutulan uzun marşrutun bir hissəsi idi. “Ermənistan böyük səyahət marşrutumun tərkib hissəsi idi. Ermənistandan İrana, oradan da Afrikaya getməyi planlaşdırırdım. Bu, dostumla həyata keçirdiyimiz ikinci böyük səyahət layihəsidir. İlk dəfə Rusiyadan Balidək avtostopla getmişdik”, - Şükürov...
Ölkə

"Meydan TV"nin həbsdə olan baş redaktoru əməliyyat olunub

13 noyabr 2026

Foto: şəxsi arxiv

"Meydan TV"nin həbsdə olan baş redaktoru Aynur Elgünəş (Qənbərova) əməliyyat olunub. Jurnalistin vəkili Elçin Sadıqovun APA-ya verdiyi məlumata görə, cərrahiyyə əməliyyatı noyabrın 12-də Mərkəzi Gömrük Hospitalında baş tutub. Aynur Elgünəş bir müddət əvvəl böyrəyində yaranan ciddi problemlərə görə Ədliyyə Nazirliyinin Müalicə Müəssisəsinə köçürülmüşdü. Jurnalistin səhhətindəki problemlərlə bağlı oktyabrın 26-da Elçin Sadıqov da açıqlama yaymışdı. O, Aynur Elgünəşin vəziyyətinin getdikcə ağırlaşdığını, təcili əməliyyata ehtiyac olduğunu bildirmişdi. Vəkilin sözlərinə görə, xəstəxana əvvəlcə kompüter tomoqrafiyası (KT) müayinəsinin aparılmasını, əməliyyat qərarının isə nəticələrə əsasən verilməsini istəyirdi. Sadıqov jurnalistin dəfələrlə əməliyyat olunduğunu, KT müayinəsi olmadan cərrahi müdaxilənin riskli hesab edildiyini, arterial təzyiqinin tez-tez dəyişdiyini və...

Seçilmiş Videolar

Toplum TV loqo