Siyasət

Əli Kərimlinin həbsdə olan mühafizəçisinin ölümlə təhdid edildiyi deyilir

20 Yanvar, 2025

Sosial media

Azərbaycan Xalq Cəbhəsi Partiyasının (AXCP) üzvü və partiya sədrinin ictimai əsaslarla mühafizəçisi olmuş Niyaməddin Əhmədovun 7 saylı Cəzaçəkmə Müəssisəsində (CÇM) ölümlə təhdid edildiyi bildirilir. Eyni zamanda, onun təhdidlərə etiraz olaraq aclığa başladığı bildirilir.

Bu haqda xəbəri Azadlıq qəzeti yayıb.

Qəzetin yazdığına görə, təhdidlərə səbəb bir neçə gün öncə həmin həbsxanada işgəncə və təhqirlərə dözməyən məhbusun intihar etməsi haqda məlumatın ictimailəşdirilməsidir.

Xəbərin mediaya sızdırılmasına görə Niyaməddin Əhmədova təzyiqlər göstərildiyi, onun cərimə kamerasına salındığı, yaxınları ilə telefon əlaqəsinin kəsildiyi iddia olunur.

Qəzetin yazdığına görə, 7 saylı CÇM-nin rəisi Mehman Əliyev AXCP üzvünü tezliklə qapalı həbsxanaya göndərəcəyi və oradan sağ çıxmayacağı ilə hədələyir.

Hələlik Penitensiar Xidmət bu deyilənlərə münasibət bildirməyib.

Niyaməddin Əhmədov 2020-ci ilin aprelindən həbsdədir. Öncə o, karantin rejimi qaydalarını pozma ittihamı ilə bir ay inzibati həbs cəzası alıb. Daha sonra Cinayət Məcəlləsinin 214-1-ci (terroru maliyyələşdirmə) maddəsi ilə barəsində cinayət işi açılıb.

İstintaqın sonunda ona daha iki maddə ilə - 28.281-ci (dövlət əleyhinə yönəlik açıq çağırışlara hazırlıq), 233-1-ci (qanunla mülki dövriyyədə olmasına yol verilməyən əşyaları əldə etmə, saxlama) maddələri ilə ittiham verilib.

2021-ci il oktyabrın 8-də Bakı Ağır Cinayətlər Məhkəməsi Niyaməddin Əhmədovu 13 il azadlıqdan məhrum edib.

Hüquq müdafiəçiləri Niyaməddin Əhmədovu siyasi məhbus kimi tanıyıb.

Azərbaycan hakimiyyəti ölkədə siyasi məhbus olmadığını, ölkədə siyasi mövqeyinə görə heç kimin təqib edilmədiyini bildirir.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

İmişlidə saxlanılan etirazçılara işgəncə verildiyi deyilir

AXCP üzvünün 7 saylı kolonda ölümlə təhdid edildiyi bildirilir - GÜNÜN İCMALI

Bu il Həcc ziyarətinə getmək 10 min 115 manata başa gələcək

İmişlidəki qəzaya görə bir nəfər həbs edilib

Tramp: “Putin Rusiyanı məhv edir” (YENİLƏNİR)

Jurnalistikada Qadınlar üçün Koalisiya hakimiyyətdən mətbuata təzyiqləri dayandırmağı tələb edir

Redaktorun Tövsiyələri

Regional inkişaf proqramlarının uğursuz nəticəsi: regionlarda rəsmi iş yerləri azalıb

Cənubi Qafqazda Rusiya-Qərb qarşıdurması: Ermənistan Qərbi, Azərbaycan Rusiyanı seçir

Adambaşı ÜDM-ə görə MDB-də Ermənistan 3-cü, Azərbaycan 5-ci yerdədi

Putin enerji savaşını uduzdu

Mərkəzi Bank kreditlərin artmasından niyə narahatdır?

2024-cü ildəki sosial vəziyyətin qısa icmalı: varlıların gəlirləri artdı, kasıbların qazancları azaldı

Siyasət

İmişlidə saxlanılan etirazçılara işgəncə verildiyi deyilir

21 Yanvar 2025

açıq mənbədən götürülüb

Yanvarın 18-də İmişlidə iki nəfərin ölümü ilə nəticələnən avtomobil qəzasından sonra etirazlarda iştirak edənlərə işgəncələr verildiyi bildirilir. "Saxlanılanlarla çox pis rəftar olunub. Avtomobili aşıranlar, onu təpikləyənlər və "istefa" şüarı səsləndirənlərə olmazın işgəncələr verilib. Həmin axşam və gecə saatlarında polis idarəsindən xəstəxanaya aparılanlar olub", saxlanılan şəxslərin yaxınları Azadlıq Radiosuna belə deyirlər. Hadisədən sonrakı günlərdə rəsmi qeyri-iş günü olsa da, İmişli rayon Məhkəməsinin işlədiyi bildirilir. Rayon sakinlərindən biri saxlanılanlar barədə, hələlik, 15-30 sutkalıq inzibati həbs qərarları çıxarıldığını söyləyib. Həmçinin ətraf rayonlardan İmişliyə xeyli polis gətirilməsi haqda da xəbərlər var. "Rayonda elan olunmamış fövqəladə vəziyyət rejimi yaradılıb. Axşam və gecə saatlarında evlərə basqın...

Davamını oxu

Siyasət

Jurnalistikada Qadınlar üçün Koalisiya hakimiyyətdən mətbuata təzyiqləri dayandırmağı tələb edir

21 Yanvar 2025

www.womeninjournalism.org

Jurnalistikada Qadınlar üçün Koalisiya Amerikanın Səsinin jurnalisti Ülviyyə Əliyə (Quliyeva) qarşı “açıq-aşkar təzyiqi” və ölkədən çıxışına qadağa qoyulmasını pisləyib (Amerikanın Səsi). “Biz hakimiyyətdən təhqiqata son qoymağı, səyahət qadağasını qaldırmağı və mətbuata təzyiqləri dayandırmağı tələb edirik”, Koalisiyanın bəyanatında vurğulanır. Jurnalist yanvarın 16-da Bakı Şəhər Baş Polis İdarəsində “Meydan TV işi” ilə bağlı dindirilib və onun ölkədən çıxışına qadağa qoyulduğu bildirilib. Ülviyyə Əli qadağanın onun sərbəst hərəkət etmə hüququnu pozduğunu və bunun jurnalist fəaliyyətinə təhdid kimi də qiymətləndirdiyini deyib. O, qərarla bağlı məhkəməyə müraciət edəcəyini qeyd edib. Jurnalistin sözlərinə görə, o, Meydan TV-nin əməkdaşı olmadığına görə qərar əsassızdır. Dekabr ayında Meydan TV-nin...

Davamını oxu