Siyasət

Həbsdə olan inanclı fəal: "Dörd qandal vurub, çarpayıya bağlayıb döyməyə başladılar"

19 Fevral, 2026

214

Foto: açıq mənbə

Həbsdə olan inanclı fəal Mansur Vəlişovun zorakılığa məruz qaldığı bildirilir.

Bu barədə jurnalist Arzu Abdulla onun yaxınlarına istinadən məlumat yayıb.

Umbakı Penitensiar Kompleksində saxlanılan fəal ailə üzvləri ilə telefon danışığında bu yaxınlarda zorakılığa məruz qaldığını deyib.

Onun sözlərinə görə, müəssisənin 10 nəfərə yaxın əməkdaşı onu əllərini və ayaqlarını çarpayıya qandallamaqla huşunu itirənədək döyüblər.

"Yadımda qalan odur ki, mənə dörd qandal vurub, çarpayıya bağlayıb döyməyə başladılar. Boğurdular məni. Ondan sonrası yadımda deyil. Sonra üstümə su töküb ayıldıblar. Səhəri gün də özümdə olmamışam. Bir gün eşidəcəksiniz ki, Mansurun ölüm xəbəri gəldi...", - o deyib.

M.Vəlişov əlavə edib ki, Prezident Administrasiyasına və Ombudsman Aparatına yazdığı şikayət məktublarını isə müəssisədən buraxmırlar.

M.Vəlişov 2023-cü ilin martında narkotik ittihamı ilə həbs olunub. O, 6 il azadlıqdan məhrum edilib. M.Vəlişov özünü təqsirli bilmir, narkotik ittihamının saxta olduğunu bildirir.

Həmin dövrdə Azərbaycanla İran arasında münasibətlərin pisləşməsi fonunda ölkədə yüzlərlə inanclı fəal saxlanılıb, onlarla fəala narkotik ittihamı ilə həbs cəzası verilib.

"Azərbaycanın Siyasi Məhbuslarının Azadlığı Uğrunda İttifaq"ın ölkədə siyasi məhbus sayılan şəxslərin yanvar ayına olan siyahısında 192 inanclı fəal yer alıb. Siyasi məhbus hesab olunan şəxslərin ümumi sayı isə 340-dır.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Abgül Süleymanov 30 sutka həbs edilib

Taleh Bağırzadə İlham Əliyev: “Mənə ömürlük verin, həbsdəki qadınları azad edin”

Bəxtiyar Hacıyev: “300-dən çox siyasi məhbus ‘sülh əsiri’ kimi qəbul edilməlidir”

Əli Zeynal və Ramil Babayev həbsxanadan yazır: “İstintaqın yubadılması məhbusları illərlə faktiki ciddi rejimdə saxlayır”

Yaxınları: “Samir Aşurov Kürdəxanı təcridxanasında döyülüb”

ABŞ məhkəməsi Trampın Ağ Evə media qadağasını qanunsuz sayıb

Redaktorun Tövsiyələri

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Siyasət

Taleh Bağırzadə İlham Əliyev: “Mənə ömürlük verin, həbsdəki qadınları azad edin”

24 Sentyabr 2026

sosial media

İlahiyyatçı, Müsəlman Birliyi Hərəkatının sədri Taleh Bağırzadə həbsxanadan prezident İlham Əliyevə anlaşma təklifi ünvanlayıb. Hərəkat üzvlərinin payılaşdığı müraciətdə Taleh Bağırzadə Azərbaycan hakimiyyətini uzun illərdir tənqid etdiyini bildirib. “Cənab Əliyev! Hər kəsdən daha çox sizə məlumdur ki, illərdir zülmlə işləyən hakimiyyətinizə qarşı haqlı olaraq ciddi tənqidlər səsləndirir, qeyri-sağlam idarəçiliyinizlə əsla barışmırıq. Əlbəttə, bunun ağır bədəllərini ödəməkdən də tam razıyıq və heç bir şikayətimiz də yoxdur. Lakin son zamanlar Azərbaycanımızda baş verən bəzi xoşagəlməz hadisələri nəzərə aldıqda, düşündük ki, uzun illərdən sonra sizinlə bir məsələ üzərində anlaşa və razılığa gələ bilərik”, - T.Bağırzadə bildirib. İlahiyyatçı təklif etdiyi anlaşmanın şərtlərini belə sıralayıb: “1....

Davamını oxu

Siyasət

Bəxtiyar Hacıyev: “300-dən çox siyasi məhbus ‘sülh əsiri’ kimi qəbul edilməlidir”

24 Sentyabr 2026

sosial media

10 il müddətinə azadlıqdan məhrum edilən ictimai fəal Bəxtiyar Hacıyev saxlanıldığı 6 saylı cəzaçəkmə müəssisəsindən yazır ki, Azərbaycanda siyasi məhbusların azad edilməsi sülh prosesinin vacib şərtlərindən biri olmalıdır. Yaxınlarının “Toplum TV” ilə bölüşdüyü yazıda o qeyd edir ki, Azərbaycan hakimiyyəti 2022-ci ildən etibarən vətəndaş cəmiyyəti nümayəndələrinə, siyasi fəallara, hüquq müdafiəçilərinə və jurnalistlərə qarşı genişmiqyaslı repressiyalar həyata keçirir. Yazını olduğu kimi təqdim edirik. “2022-ci ildən başlayaraq Azərbaycan hakimiyyəti vətəndaş cəmiyyəti liderlərinə, siyasi partiya fəallarına, hüquq müdafiəçilərinə və jurnalistlərə qarşı bənzərsiz repressiya dalğasına başladı, nəticədə 300-dən çox şəxs hazırda siyasi məhbus həyatı yaşayır, ayrı-ayrılıqda 10–15 il müddətinə, ümumilikdə 2000 ildən artıq azadlıqdan...

Davamını oxu