Siyasət

İctimai fəal: “Bu hakimiyyət artıq mənim həyatımdan 1000 gündən çox oğurlayıb”

15 Sentyabr, 2026

109

sosial media

6 il 6 ay azadlıqdan məhrum edilən ictimai fəal Rail Abbasov həbsinin üçüncü ildönümü ilə bağlı ictimaiyyətə müraciət ünvanlayıb.

Yaxınlarının “Toplum TV” ilə bölüşdüyü müraciətdə Abbasov həbsini dostu, ictimai fəal Bəxtiyar Hacıyevin hüquqlarını müdafiə etməsi ilə əlaqələndirib.

Abbasov B.Hacıyevin təşəbbüsü ilə keçirilən bir sıra ictimai aksiyalarda iştirak etdiyini yazıb. Onun sözlərinə görə, 2020-ci ildə İkinci Qarabağ müharibəsi zamanı könüllülərlə birlikdə orduya yardım toplayıb və yardımların hərbçilərə çatdırılmasında iştirak edib.

Fəal bildirir ki, Hacıyev həbs olunduqdan sonra onun hüquqlarının müdafiəsi üçün yaradılmış komitədə fəal çalışıb:
“Bəxtiyar Hacıyevin həbsindən 9 ay sonra məni də həbs etdilər. Görünür bu fəaliyyətim Bəxtiyar Hacıyevin həbsinə qərar verənlərin narahatlığlna səbəb olub”.

2023-cü il sentyabrın 19-da həbs olunan Abbasov barəsindəki cinayət işini qurama, 6 il 6 ay azadlıqdan məhrum edilməsi barədə məhkəmə qərarını isə saxta adlandırıb.

“İrad və tənqidə dözümsüz olan hakimiyyətin aqressor məmurlarının qərəzli qərarlarına görə mən 3 ildir ki, məhkum həyatı yaşayıram. Bu hakimiyyət artıq mənim həyatımdan 1000 gündən çox müddəti oğurlayıb”, - müraciətdə deyilir.

Fəal müraciətində Bəxtiyar Hacıyevi müdafiəsində iştirakının cinayət sayıla bilməyəcəyini vurğulayıb:

“Dostumu müdafiə etmək, günahsız və haqsız həbs olunan insanın yanında olmaq kriminal əməldirmi?”.

Rail Abbasov Cinayət Məcəlləsinin 178.3.2-ci (külli miqdarda ziyan vurmaqla dələduzluq) maddəsi ilə ittiham olunub.

Bəxtiyar Hacıyev isə 2022-ci il dekabrın 9-dan həbsdədir. Əvvəlcə ona xuliqanlıq və məhkəməyə hörmətsizlik ittihamları irəli sürülüb. İstintaq zamanı bunlara qanunsuz sahibkarlıq, cinayət yolu ilə əldə edilmiş vəsaitlərin leqallaşdırılması, qaçaqmalçılıq, saxta sənədlərdən istifadə və vergidən yayınma kimi ittihamlar əlavə olunub.

2025-ci ilin yanvarında Bakı Ağır Cinayətlər Məhkəməsi Hacıyevi 10 il azadlıqdan məhrum edib, mənzilinin və bank hesabındakı vəsaitin müsadirəsinə qərar verib.
Hacıyev ittihamları qəbul etmir və həbsini daxili işlər naziri Vilayət Eyvazovu tənqid etməsi ilə əlaqələndirir. O, nazirin sifarişi ilə həbs olunduğunu iddia edir. Daxili İşlər Nazirliyi bu iddianı təkzib edib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Hökumət 11 min məhkumluq yeni həbsxanalar tikməyi planlaşdırır

Polad Aslanovun həyat yoldaşı: “Onu 15 saylı cəzaçəkmə müəssisəsindən aparıblar”

Hicablı şagirdlər üçün onlayn platforma yaradan fəalın bir ay həbs edildiyi bildirilir

Azərbaycan hicab qadağasını tənqid edən türkiyəli jurnalisti beynəlxalq axtarışa verib

İranda Xameneini parodiya edən satirikə qarşı cinayət işi açılıb

Araşdırma: “İsrail şirkəti onlayn reklamlar vasitəsilə kütləvi casusluq əməliyyatı aparıb”

Redaktorun Tövsiyələri

Ramil Babayev sivil itaətsizliyə başlayıb

“Toplum TV işi”: Hakimin davranışına etiraz edənlər zaldan çıxarılıblar

Ələsgər Məmmədli Ombudsmana: “Apellyasiya Məhkəməsində silsilə hüquq pozuntularına yol verilir”

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Siyasət

Hökumət 11 min məhkumluq yeni həbsxanalar tikməyi planlaşdırır

16 Oktyabr 2026

sosial media

Ədliyyə naziri Fərid Əhmədov oktyabrın 7-də yerli mətbuata müsahibəsində Azərbaycanda yeni cəzaçəkmə müəssisələrinin tikiləcəyini xəbər verib. Onun sözlərinə görə, 2030-cu ilədək istifadəyə verilməsi gözlənilən həbsxanalar ümumilikdə 11 min məhkum üçün nəzərdə tutulub. "Artıq Qaradağda 2000 məhkum üçün nəzərdə tutulan yeni cəzaçəkmə müəssisəsinin tikintisinə başlanılıb. Eyni zamanda, Umbakıda 35 hektar ərazidə 6-7 min məhkum üçün nəzərdə tutulan yeni cəzaçəkmə müəssisəsinin tikilməsi planlaşdırılır. Bununla yanaşı, Gəncədə cəzaçəkmə müəssisəsinin inşası nəzərdə tutulub", - o əlavə edib. İşgəncələr Əleyhinə Araşdırmalar Mərkəzinin sədri, hüquq müdafiəçisi Fikrət Cəfərli isə mərkəzin sosial media hesabında nazirin açıqlamasına münasibət bildirərək qeyd edib ki, penitensiar sahədə "islahatlara təkcə həbsxanalar tikməklə...

Davamını oxu

Siyasət

Polad Aslanovun həyat yoldaşı: “Onu 15 saylı cəzaçəkmə müəssisəsindən aparıblar”

16 Oktyabr 2026

sosial media

Həbsdə olan jurnalist Polad Aslanovun harada saxlanıldığı barədə ailəsinə məlumat verilmədiyi bildirilir. Bu barədə onun həyat yoldaşı Gülmirə Aslanova sosial mediada məlumat yayıb. Gülmirə Aslanovanın sözlərinə görə, o, son iki gün ərzində Ombudsmanın Çağrı Mərkəzinə, Penitensiar Xidmətin qaynar xəttinə və Ədliyyə Nazirliyinə dəfələrlə müraciət etsə də, həyat yoldaşının taleyi ilə bağlı məlumat ala bilməyib. O, qeyri-rəsmi məlumat əsasında Polad Aslanovun saxlanıldığı 15 saylı Cəzaçəkmə Müəssisəsindən başqa yerə aparıldığını bildirib. “Polad Aslanovdan bir xəbər yoxdur”, - Gülmirə Aslanova yazıb. Penitensiar Xidmət və digər rəsmi qurumlar məsələ ilə bağlı hələlik açıqlama verməyib. Gülmirə Aslanovanın sözlərinə görə, jurnalist məktəblərdə hicablı şagirdlərə tətbiq olunan...

Davamını oxu