Siyasət

İşgəncəyə məruz qaldığını deyən inanclı fəalın zəng və görüşlərinə qadağa qoyulduğu deyilir

30 Mart, 2026

157

Foto/kollaj: Toplum TV

Müsəlman Birliyi Hərəkatının (MBH) həbsdə olan üzvü Samir Babayevin işgəncəyə məruz qalması iddiasından sonra telefon zənglərinə və görüşlərinə qadağa qoyulduğu bildirilir.

Bu barədə MBH-dən "Azadlıq Radiosu"na məlumat verilib.

"Samir Babayev ailəsi ilə sonuncu dəfə martın 16-da danışıb. O vaxtdan heç bir əlaqə yoxdur. Ailə bu vəziyyətdən çox narahatdır. İşgəncə şikayətindən sonra onun daha pis rəftara məruz qalmasından ehtiyatlanırlar", - açıqlamada deyilir.

MBH bu ay həbs olunan başqa bir neçə inanclı fəalın da zəng və görüş hüquqlarının məhdudlaşdırıldığını xəbər verib. Onlar martın 2-də həbs olunan Qoşqar Məmmədov və martın 12-də saxlanılan Əlikram Namazovdur.

S.Babayev martın 6-da polis tərəfindən saxlanılıb və məhkəmə qərarı ilə həbs olunub. Ona qarşı narkotik ittihamı irəli sürülüb.

Fəal sonradan ailəsinə telefon danışığında bildirmişdi ki, ittihamı qəbul etmədiyinə görə döyülüb və məhkəmənin sanitar qovşağında "başını unitaza salmağa cəhd ediblər".

S.Babayev 2022-ci ildə Azərbaycanda inanclı fəalların kütləvi həbsi zamanı narkotik ittihamı ilə həbs olunmuşdu. O, ona verilən 3 illik həbs cəzasını 2025-ci ilin dekabrında bitirib azadlığa çıxmışdı.

"Azərbaycanın Siyasi Məhbuslarının Azadlığı Uğrunda İttifaq"ın ölkədə siyasi məhbus sayılan şəxslərin yanvar ayına olan siyahısında 192 inanclı fəal yer alıb. Siyasi məhbus hesab olunan şəxslərin ümumi sayı isə 340-dır.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Müdafiəçiləri: "Əli Kərimlinin kamerasına məqsədyönlü şəkildə psixoloji problemləri olan şəxs salınıb”

Putin istefa verən Cənubi Osetiya rəhbərini özünə müşavir təyin etdi

"Kərimə dövləti" qurmağa cəhddə ittiham olunan inanclı fəal aclıq edir

Almaniyadan Tacikistana göndərilən müxalifət fəalı ölkəyə çatan kimi saxlanılıb

Qəzza rəsmiləri: "Atəşkəsdən bəri 1000-dən çox sakin öldürülüb"

Ombudsmana zəngə görə həbs edilən şəxs Avropa Məhkəməsinə üz tutub

Redaktorun Tövsiyələri

Dövlət borcunun görünməyən tərəfi: Təminat Fondunun resursları niyə tükənir?

300 milyardlıq fond, sanksiyaların ləğvi, aktivlərin qayıdışı: İran qalib sayıla bilər?

İcra hakimiyyəti: "Bayırşəhərdə binaların memarlıq abidələri siyahısından çıxarılması üçün tədbirlər görülür"

Azərbaycana turist axını azalır: Milyonlarla manatlıq təşviqat niyə nəticə vermir?

Akif Qurbanovla müsahibə: “‘Tək adam’ rejiminin sahibi Əliyevi daşı ətəyindən tökməyə səsləyirəm”

İcbari Tibbi Sığorta Fonduna ödənişlər niyə azalır?

Siyasət

Müdafiəçiləri: "Əli Kərimlinin kamerasına məqsədyönlü şəkildə psixoloji problemləri olan şəxs salınıb”

24 İyun 2026

Sosial media

Azərbaycan Xalq Cəbhəsi Partiyasının (AXCP) həbsdə olan sədri Əli Kərimliyə qarşı psixoloji təzyiqlərin olduğu deyilir. Ə.Kərimlinin Hüquqlarını Müdafiə Komitəsinin yaydığı məlumata görə, partiya sədrinin saxlanıldığı kameraya məqsədyönlü şəkildə psixoloji problemləri olan şəxs salınıb. "Bu şəxsin psixi sağlamlıq durumu başqaları üçün işgəncə şəraiti yaradır. Bu şəxsin gecə saatlarında uca səslə anlaşılmaz “zikr etmə vərdişi” onunla eyni kamerada yaşamağa məcbur edilənləri yuxu imkanlarından məhrum edir. Biz həmin şəxsin kimliyini də bilirik, onun bioqrafik göstəriciləri də bizə bəllidir, dəqiq bilirik ki, bu cür şəxslər mütləq təkadamlıq kameralarda yerləşdirilməli və müalicə alıb psixi sağlamlıq durumu tam normallaşana qədər mütəxəssis həkim nəzarəti altında olmalıdırlar. Biz...

Davamını oxu

Siyasət

"Kərimə dövləti" qurmağa cəhddə ittiham olunan inanclı fəal aclıq edir

23 İyun 2026

Toplum TV

Həbsdə olan inanclı fəal İlkin Bağırovun aclıq aksiyası keçirdiyi bildirilir. Bu barədə jurnalist Arzu Abdulla iyunun 23-də məhbusun ailə üzvlərinə istinadən məlumat yayıb. İ.Bağırovun üç gündür aclıq etdiyi və qapalı rejimli Umbakı Penitensiar Kompleksinə köçürülmə qərarına etiraz etdiyi deyilir. "Oğluma qarşı haqsızlıq bitmir ki, bitmir. Əvvəlcə 12 saylı Cəzaçəkmə Müəssisəsinə köçürdülər. Köçürüldüyü gündən heç bir səbəb olmadan "kars"da (cərimə kamerası - red.) saxlanıldı. Qapalı tipli cəzaçəkmə müəssisəsinə göndərilməsi ilə bağlı məhkəmə təyin edildiyi üçün 1 saylı Bakı İstintaq Təcridxanasına köçürülüb. Məhkəmə 21 iyuna təyin edilmişdi. Məhkəməni İlkinin şəxsi işi itib deyə təxirə saldılar. Heç bir səbəb göstərilmədən, asayişi pozmaq bəhanəsi...

Davamını oxu