Siyasət

“Atam yazıb ki, yol polisi cızığından çıxıb” - Müsavatçının xəstə atasını gecə polisə aparmaq istəyiblər

20 Yanvar, 2025

Fərəc Kərimli/şəxsi arxiv

Müsavat partiyasının sədr müavini Fərəc Kərimlinin atası Raqif Kərimlini Səbail rayon polis idarəsinə aparmaq istəyiblər.

Bu haqda o, sosial şəbəkədə məlumat paylaşıb.

Onun sözlərinə görə, yanvarın 19-da Səbail rayon Polis İdarəsindən zəng edib atasını polis idarəsinə çağırıblar.

“Atam da evdə olmadığı üçün sabah gələ biləcəyini deyib. Cinayət axtarış şöbəsinin rəisi dirənib ki, indi gəlməlidir. Atam da xəstə olduğunu bildirib. Təsəvvür edin gecə saat 23:30-da Müşfiq qəsəbəsinə arxasınca polis göndəriblər. Polislər də gəlib görüb ki, həqiqətən xəstədir, gedə bilməz. Məruzə ediblər ki, bu vəziyyətdə gətirmək olmaz”, F.Kərimli yazır.

O bildirib ki, bundan sonra atasının halı daha da pisləşib.

“Gəlib narahat ediblər, gecə atamın təzyiqi 200-dən yuxarı olub. Onsuzda atam yüksək təzyiqdən əziyyət çəkir. Bir də gəlib belə narahat edirlər təzyiq daha da qorxulu həddə çatır. Atamın 75 yaşı var”.

Fərəc Kərimli hesab edir ki, atasını İmişlidə polisin törətdiyi qəza ilə bağlı sosial şəbəkədə yazdıqlarına görə polis idarəsinə aparmaq istəyiblər:

“İmişlidə yol polisinin törətdiyi qəza haqda iki cümlə bir yazı yazıb. Öz başına gələn hadisədə də bir söz var ki, "yol polisi cızığından çıxıb". İndi bu söz xətrinizə dəyib? Bir başınızı qaldırıb baxın görün bütün ölkə yol polisi haqda nələr danışır”.

Yanvarın 18-də İmişlidə yol polisinin yüksək sürətlə hərəkət edən avtomobili iki məktəblinin ölümünə, bir neçəsinin yaralanmasına səbəb olub.

Qəza ilə bağlı cinayət işi açılıb. Hadisə rayonda narazılıqla qarşılanıb, etirazlar başlayıb. Az sonra etirazçılardan bəziləri saxlanılıb. Onların sayı açıqlanmır.

Bugünlərdə Müsavat Partiyasının daha bir üzvü Əlikram Xurşidov da saxlanılıb, ona 10 sutka həbs cəzası verildiyi bildirilir.

Partiya onun həbsini sosial şəbəkədə tənqidi çıxıları ilə əlaqələndirir.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

İmişlidə saxlanılan etirazçılara işgəncə verildiyi deyilir

AXCP üzvünün 7 saylı kolonda ölümlə təhdid edildiyi bildirilir - GÜNÜN İCMALI

Bu il Həcc ziyarətinə getmək 10 min 115 manata başa gələcək

İmişlidəki qəzaya görə bir nəfər həbs edilib

Tramp: “Putin Rusiyanı məhv edir” (YENİLƏNİR)

Jurnalistikada Qadınlar üçün Koalisiya hakimiyyətdən mətbuata təzyiqləri dayandırmağı tələb edir

Redaktorun Tövsiyələri

Regional inkişaf proqramlarının uğursuz nəticəsi: regionlarda rəsmi iş yerləri azalıb

Cənubi Qafqazda Rusiya-Qərb qarşıdurması: Ermənistan Qərbi, Azərbaycan Rusiyanı seçir

Adambaşı ÜDM-ə görə MDB-də Ermənistan 3-cü, Azərbaycan 5-ci yerdədi

Putin enerji savaşını uduzdu

Mərkəzi Bank kreditlərin artmasından niyə narahatdır?

2024-cü ildəki sosial vəziyyətin qısa icmalı: varlıların gəlirləri artdı, kasıbların qazancları azaldı

Siyasət

İmişlidə saxlanılan etirazçılara işgəncə verildiyi deyilir

21 Yanvar 2025

açıq mənbədən götürülüb

Yanvarın 18-də İmişlidə iki nəfərin ölümü ilə nəticələnən avtomobil qəzasından sonra etirazlarda iştirak edənlərə işgəncələr verildiyi bildirilir. "Saxlanılanlarla çox pis rəftar olunub. Avtomobili aşıranlar, onu təpikləyənlər və "istefa" şüarı səsləndirənlərə olmazın işgəncələr verilib. Həmin axşam və gecə saatlarında polis idarəsindən xəstəxanaya aparılanlar olub", saxlanılan şəxslərin yaxınları Azadlıq Radiosuna belə deyirlər. Hadisədən sonrakı günlərdə rəsmi qeyri-iş günü olsa da, İmişli rayon Məhkəməsinin işlədiyi bildirilir. Rayon sakinlərindən biri saxlanılanlar barədə, hələlik, 15-30 sutkalıq inzibati həbs qərarları çıxarıldığını söyləyib. Həmçinin ətraf rayonlardan İmişliyə xeyli polis gətirilməsi haqda da xəbərlər var. "Rayonda elan olunmamış fövqəladə vəziyyət rejimi yaradılıb. Axşam və gecə saatlarında evlərə basqın...

Davamını oxu

Siyasət

Jurnalistikada Qadınlar üçün Koalisiya hakimiyyətdən mətbuata təzyiqləri dayandırmağı tələb edir

21 Yanvar 2025

www.womeninjournalism.org

Jurnalistikada Qadınlar üçün Koalisiya Amerikanın Səsinin jurnalisti Ülviyyə Əliyə (Quliyeva) qarşı “açıq-aşkar təzyiqi” və ölkədən çıxışına qadağa qoyulmasını pisləyib (Amerikanın Səsi). “Biz hakimiyyətdən təhqiqata son qoymağı, səyahət qadağasını qaldırmağı və mətbuata təzyiqləri dayandırmağı tələb edirik”, Koalisiyanın bəyanatında vurğulanır. Jurnalist yanvarın 16-da Bakı Şəhər Baş Polis İdarəsində “Meydan TV işi” ilə bağlı dindirilib və onun ölkədən çıxışına qadağa qoyulduğu bildirilib. Ülviyyə Əli qadağanın onun sərbəst hərəkət etmə hüququnu pozduğunu və bunun jurnalist fəaliyyətinə təhdid kimi də qiymətləndirdiyini deyib. O, qərarla bağlı məhkəməyə müraciət edəcəyini qeyd edib. Jurnalistin sözlərinə görə, o, Meydan TV-nin əməkdaşı olmadığına görə qərar əsassızdır. Dekabr ayında Meydan TV-nin...

Davamını oxu