Siyasət

Nicat İbrahim: “Mənə münasibəti başa düşmürəm, jurnalist deyiləm, bloger deyiləm, prezidentdən narazılıq bildirmirəm”

4 Fevral, 2025

104

Nicat İbrahim/şəxsi arxiv

Bakı Ağır Cinayətlər Məhkəməsində prokuror ictimai fəal Nicat İbrahim haqqında ittiham aktını oxuyub. O, Bəhman Əliyev adlı şəxsə bıçaq xəsarəti yetirməkdə ittiham olunur.

Heç kimi bıçaqlamadığını deyən Nicat İbrahim insidentin ötən il sentyabrın 9-da baş verdiyini bildirib. Onun sözlərinə görə, 3-cü mikrorayonda bazarın yaxınlığında yerləşən yanacaqdoldurma məntəqəsinə gedib, burada bir kişi ona yaxınlaşaraq, alışqan istəyib.

"O, cavab gözləmədən mənə hücum etdi. O tərəfdən polislər tökülüşdü. Gözümü tutan kim, ağzımı tutan kim. Olanları görməyim”, İbrahim qeyd edib.

Daha sonra o, Nəsimi Rayon Polis İdarəsinə aparıldığını, özünə və qohumlarına işgəncə verməklə hədələndiyini söyləyib:

“Onlar məni etiraf ifadəsi imzalamağa məcbur ediblər. Buna etiraz əlaməti olaraq dəftərxana bıçağı ilə özümə xəsarət yetirdim. Bundan sonra onlar mənim barəmdə cinayət işi açdılar”.

N.İbrahim ötən il sentyabrın 6-da ailəsi ilə birlikdə Azərbaycandan getmək istədiyini, amma hava limanında təyyarəyə buraxılmadığını, Daxili İşlər Nazirliyinin (DİN) 102 xidmətinə zəng edərək, ölkədən çıxışına qoyulmuş qadağanın səbəbini soruşduğunu da bildirib.

"Mən qəzəbli idim və DİN-in qarşısında özümü yandıracağımı söylədim. Şikayətim 19-cu polis bölməsinə yönləndirildi. Orada məndən niyə özümü DİN-in qarşısında yandırmaq istədiyimi soruşdular. “Səni aeroportdan buraxmayıblar, get özünü aeraportda yandır" dedilər.

Mənə qarşı bu münasibəti başa düşmürəm. Mən jurnalist deyiləm, bloger deyiləm. Prezidentdən narazılıq bildirmirəm. Əksinə, prezident mənə Laçında ev verib. Biz Laçından məcburi köçkün idik", deyə İbrahim bildirib.

Vəkil Zibeydə Sadıqova Nicat İbrahimin polis bölməsində pis rəftara məruz qalması ilə bağlı şikayətinə baxılması haqqında vəsatət qaldırıb. Məhkəmə şikayəti araşdırılması üçün Nəsimi Rayon Prokurorluğuna göndərib. Növbəti iclas martın 3-nə təyin edilib.

N.İbrahimə qarşı Cinayət Məcəlləsinin 126.2.4 (ümumi təhlükəli üsulla, xuliqanlıq niyyətilə qəsdən sağlamlığa ağır zərər vurma) və 221.1 (xuliqanlıq) maddələrilə ittiham irəli sürülüb.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Həbsdə olan ictimai fəalın atası insult keçirib

“Toplum TV işi” üzrə növbəti məhkəmə olacaq

Anar Abdulla inzibati qaydada 30 sutka həbs edilib

Azərbaycan ifadə azadlığına görə dünyada 144-cü yerdədir

Azərbaycanda “şübhəli əməliyyatların monitorinqi” sistemi yaradılır

ABŞ Dövlət Departamenti: “Zəngəzur dəhlizi” təklifi haqda məlumatımız yoxdur

Redaktorun Tövsiyələri

Rayonlar üzrə müəllim sayı niyə “dövlət sirri” kimi gizli saxlanır?

Konstitusiya dəyişiklikləri Naxçıvanın suverenlik prinsiplərinə ziddir? - Təhlil

Azərbaycan və Rusiya: ayrılsaq da, bərabərik...

“Moskva yaranmış vəziyyətdən “qalib” çıxmaq üçün ən ağlasığımaz təxribatlara əl atacaq”

İdxalda kəskin bahalaşma: Ərzaq və geyim məhsullarında rekord qiymət artımı

Paşinyan və düşmənləri arasında son döyüş

Siyasət

ABŞ Dövlət Departamenti: “Zəngəzur dəhlizi” təklifi haqda məlumatımız yoxdur

11 İyul 2025

Foto: BBC

ABŞ Dövlət Departamenti Prezident Donald Trampın administrasiyasının Azərbaycan və Ermənistana “Zəngəzur dəhlizi”ni açdırmaq istəməsi xəbərinə münasibət bildirib. Ermənistanın “Armenpress” xəbər agentliyinin yazılı sorğusuna cavab verən Dövlət Departamenti sözçüsü Temmi Brus bildirib ki, onlarda bu haqda informasiya yoxdur. “Birləşmiş Ştatlar Cənubi Qafqazda sülh və sabitliyin təşviqi səylərini dəstəkləyir”, - o əlavə edib. Brus iyulun 10-da baş tutan brifinqdə də jurnalistin sualına cavab olaraq bu fikri səsləndirib. “Biz, həmçinin, istinad edilən mətbuat xəbərlərini izləyirik və paylaşmaq üçün əlavə məlumatımız yoxdur. Ancaq bildiyiniz kimi, düşünürəm ki, Tramp administrasiyası və dövlət katibi Marko Rubionun yanaşması öz sözünü deyir və onun kabinet iclasında söylədiyi fikirlər...

Davamını oxu

Siyasət

Tramp ABŞ-nin NATO vasitəsilə Ukraynaya silah göndərəcəyini deyir

11 İyul 2025

Foto: Reuters

ABŞ Prezidenti Donald Tramp ölkəsinin Ukraynaya silah tədarük edəcəyini bildirib. Tramp iyulun 10-da “NBC” telekanalına deyib ki, silahlar NATO vasitəsilə göndəriləcək və buna görə də, NATO ABŞ-yə silahlar üçün ödəniş edəcək. O, həmçinin, gələn bazar ertəsi Rusiya ilə bağlı “böyük bir anons” verəcəyini deyib, lakin detallarını açıqlamayıb. Reallaşacağı təqdirdə, bu, Trampın yanvarda vəzifəsinə başladıqdan bəri ilk dəfə prezident səlahiyyətlərindən istifadə edərək Ukraynaya silah göndərməsi olacaq. İndiyə qədər isə, ABŞ yalnız əvvəlki prezident Co Baydenin ayırdığı silahların göndərilməsini təmin edib. Tramp administrasiyasındakı mənbələrin “NBC”-yə verdiyi məlumata görə, ABŞ Ukraynaya göndəriləcək silahları öz ehtiyatlarından təmin edəcək. Bu proses prezidentə fövqəladə vəziyyətlərdə müttəfiqlərə...

Davamını oxu