Siyasət

Ombudsman: “Bəzi şəxslərin ölkədən çıxış hüququ əsassız məhdudlaşdırılır”

11 Mart, 2026

Foto: Trend News Agency

İnsan Hüquqları üzrə Müvəkkilin (Ombudsman) 2025-ci il üzrə hesabatında bəzi şəxslərin ölkədən çıxış hüququnun əsassız məhdudlaşdırıldığı halların aşkarlandığı bildirilir. Sənəddə qeyd olunub ki, bu kimi problemlərin aradan qaldırılması üçün Cinayət-Prosessual Məcəlləsinə əlavə və dəyişikliklərin edilməsi məqsədəuyğun hesab olunub.

Sənəddə xatırladılır ki, Miqrasiya Məcəlləsinin 9.3.1-ci maddəsinə əsasən, vətəndaş Cinayət-Prosessual Məcəlləsinə uyğun olaraq tutulduqda və ya barəsində qətimkan tədbiri seçildikdə onun ölkədən çıxmaq hüququ müvəqqəti məhdudlaşdırıla bilər.

“Bununla belə, bəzi şikayətlər üzrə aparılmış araşdırmalar zamanı aidiyyəti dövlət qurumları tərəfindən Məcəllənin bu tələbinin pozulduğu müəyyən edilib. Ərizəçi Ə. (6400-25) Ombudsmana müraciət edərək hər hansı əsas olmadan ölkədən çıxmaq hüququnun Daxili İşlər Nazirliyi tərəfindən məhdudlaşdırıldığını, bununla bağlı müraciətlərinə cavab verilmədiyini bildirib”, - hesabatda qeyd olunub.

Hesabata görə, belə halların baş verməsi təkcə funksional problemlərlə deyil, həm də Miqrasiya Məcəlləsində nəzərdə tutulan maddi hüquq normalarının Cinayət-Prosessual Məcəlləsində dəqiq prosessual mexanizmlərlə təsbit olunmaması ilə bağlıdır.

Bununla belə, bəzi hüquq müdafiəçiləri problemi yalnız qanunvericilikdə prosessual mexanizmlərin qeyri-dəqiqliyi ilə izah etmirlər. Onların sözlərinə görə, ölkədən çıxışa qoyulan məhdudiyyətlər xüsusilə 2013-cü il prezident seçkisindən sonra, QHT-lərlə bağlı cinayət işləri zamanı geniş tətbiq olunub və həmin şəxslərin bir qismi işlərdə yalnız şahid qismində keçib.

Sonrakı illərdə bəzi jurnalist və vətəndaş cəmiyyəti nümayəndələri məhkəmə yolu ilə bu qadağaların ləğvinə nail olsalar da, bu il də bəzi jurnalist və ictimai fəallar ölkədən çıxışlarına məhdudiyyət qoyulduğunu və müraciətlərinin cavabsız qaldığını bildirirlər.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

“DTX-nin istintaq şöbəsinin rəhbəri ‘etirafedici’ ifadə müqabilində qısamüddətli həbs təklif etmişdi”

Azərbaycan iqtisadi inkişafda Gürcüstan və Ermənistanın gerisinə düşüb

İran Hörmüz boğazını açıb

Azərbaycan Rusiyadan AZAL qəzasına məsul şəxslərin cəzalanmasını tələb etməyəcək?

Azər Qasımlını ittiham edən şəxs indi də həyat yoldaşını şikayət edib

İşçi hüquqları fəalının həbsxanada zorakılığa məruz qaldığı deyilir

Redaktorun Tövsiyələri

Azərbaycan Rusiyadan AZAL qəzasına məsul şəxslərin cəzalanmasını tələb etməyəcək?

İranın Hörmüz silahı öz əleyhinə çevrilir?

Azərbaycan qonşu ölkələrdən geri qalır: ÜDM azalır, artım zəifləyir

Ekoloq: “Aylıq yağıntı normasının aşılması mümkündür, bu, o demək deyil ki, şəhər iflic olmalıdır”

Orban getdi: növbə kimindir?

Yağıntıların görünməyən üzü: İşçi istismarı və azalan təhlükəsizlik xərcləri

Siyasət

“DTX-nin istintaq şöbəsinin rəhbəri ‘etirafedici’ ifadə müqabilində qısamüddətli həbs təklif etmişdi”

17 Aprel 2026

açıq mənbə

Həbsdə olan talış mədəniyyəti tədqiqatçısı İqbal Əbilov bu yaxınlarda "Baku TV"-də barəsində yayımlanmış videosüjetə cavab verib. Yaxınlarının "Toplum TV" ilə paylaşdığı müraciətdə İ.Əbilov haqqındakı iddiaları "qaralama kampaniyası" adlandırıb. "Bu mənzərə kampaniya müəlliflərinin bir həqiqəti dərk etdiklərini göstərir: ağlı başında olan heç kim onların iddialarına inanmır. Məhz buna görə də onlar növbəti dəfə bir talış alimini həbs edib saxta cinayət işi uydurmadıqlarına, guya “uğurlu əməliyyat” keçirdiklərinə hamını - hətta özlərini də - yenidən inandırmağa çalışırlar. Əgər bu “əməliyyat” məhkəmədə sübutların tam yoxluğu ilə başa çatıb və hüquqi, intellektual və mənəvi fiaskoya uğrayıbsa, o zaman bu hadisə həqiqətən də “dərsliklərə daxil edilə...

Davamını oxu

Siyasət

İşçi hüquqları fəalının həbsxanada zorakılığa məruz qaldığı deyilir

17 Aprel 2026

Sosial media

“İşçi Masası” Həmkarlar İttifaqları Konfederasiyasının üzvü Ayxan İsrafilovun saxlanıldığı 10 saylı Cəzaçəkmə Müəssisəsində fiziki zorakılığa məruz qaldığını bildirilir. Yaxınlarının “Meydan TV”-yə bildirdiyinə görə, hadisə İsrafilov müəssisə rəisinin müavini Kamran Şahsuvarovun qəbulunda olduğu zaman baş verib. “Qəbul zamanı İsrafilov hörmətsiz münasibətə etiraz etdikdən sonra vəziyyət gərginləşib və müavin ona qarşı fiziki zorakılıq göstərib”, - deyə məlumatda vurğulanır. Ayxan İsrafilov qeyd edib ki, Kamran Şahsuvarov onu boynundan tutaraq əyib və daha sonra döyməyə başlayıb. İsrafilov yaxınlarına bildirib ki, həmin an huşunu itirib və bir saat sonra özünə gəlib. O, hadisədən sonra boyun nahiyəsində izlərin qaldığını da bildirib: “Dəfələrlə müavinin qəbulunda olanda mənə...

Davamını oxu