Siyasət

Rusiya rəsmisi: Minsk Qrupunun buraxılmasına mane olmayacağıq

29 Avqust, 2025

Foto: açıq mənbə

Rusiyanın Avropa Təhlükəsizlik və Əməkdaşlıq Təşkilatındakı (ATƏT) nümayəndəsi Aleksandr Lukaşeviç ölkəsinin Minsk Qrupunun buraxılmasına mane olmayacağını deyib.

"RBK" saytına danışan nümayəndə Minsk Qrupunun fəaliyyətinin bu ilin dekabrına qədər ləğv olunacağını bildirib.

"Tərəflərin bu strukturun saxlanmasının məqsədəuyğun olmadığına dair mövqeyini nəzərə alaraq, biz onların buraxılmasına maneə yaratmağa əsas görmürük", – Lukaşeviç qeyd edib.

Bundan əvvəl Azərbaycan xarici işlər naziri Ceyhun Bayramov bildirib ki, sentyabrın 1-də ATƏT-in iclasında Minsk Qrupunun buraxılmasına baxılacaq.

Avqustun 8-də Ağ Evdə Azərbaycan və Ermənistan xarici işlər nazirləri iki ölkənin adından Minsk Qrupunun buraxılması üçün ATƏT-ə müraciət imzalayıb.

1992-ci ildə Birinci Qarabağ Müharibəsi zamanı yaradılan Minsk Qrupuna Fransa, Rusiya və ABŞ həmsədrlik edib.

Minsk Qrupu 2020-ci ildə baş tutan İkinci Qarabağ müharibəsinədək Ermənistan və Azərbaycan arasında aparılan danışıqlar üçün əsas platforma olub.

Azərbaycan prezidenti İlham Əliyev dəfələrlə çıxışlarında Minsk Qrupunu tənqid edib, qurumun “fəaliyyətsizliyinin” müharibənin başlaması üçün əsas səbəblərdən biri olduğunu deyib.

Minsk Qrupunun ləğvi Azərbaycanın Ermənistanla sülh müqaviləsinin imzalanması üçün irəli sürdüyü əsas şərtlərdən biri olub. Martın ortalarında mətni razılaşdırılan həmin müqavilə avqustun 8-də Vaşinqtonda paraflansa da, hələ imzalanmayıb.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Paşinyan: "Erməni soyqırımının tanınmasının bizə nə xeyri olub ki?"

Qaxda 13 yaşlı qıza kollektiv təcavüz olunduğu bildirilir

Rusiyada azərbaycanlıya casusluq adı ilə 5 il hökm oxunub

Təcridxanada nəzarətçi olmaq: "Burada “adamın” olmayanda işləmək çətin olur"

Erməni mətbuatı: Azərbaycana işləyən diplomat həbs olunub

Fotoqraf Əhməd Muxtar həbs olunub

Redaktorun Tövsiyələri

Azərbaycanda partiya liderləri niyə “beynəlxalq ekspert”ə çevrildi?

İqtisadçı: Çirklənməyə baxmayaraq Avropanın Azərbaycan neftindən imtina şansı yoxdur

İlham Əliyev Vaşinqton görüşündən sonra siyasi yumşalmaya gedəcəkmi?

Paraflanmış mətn, bəyannamə, “Tramp marşrutu": Sülh olacaqmı?

Yaradıcı birliklərin üzvü, sərt hökmlər çıxaran, pensiya davası edən hakim - Ənvər Seyidov

Azərbaycanda aclıq aksiyası mübarizə metodu kimi sıradan çıxıb?

Siyasət

Rusiyada azərbaycanlıya casusluq adı ilə 5 il hökm oxunub

29 Avqust 2025

Foto: açıq mənbə

Rusiyada yaşayan azərbaycanlı Ukrayna hərbi kəşfiyyatı ilə əməkdaşlıq ittihamı ilə 5 il müddətinə azadlıqdan məhrum edilib. Rusiya mətbuatı bildirir ki, bu barədə avqustun 28-də Ryazan vilayət məhkəməsi qərar verib. Şəxsin adı açıqlanmasa da, 55 yaşlı, əslən Azərbaycandan olan Rusiya vətəndaşı bir qadın olduğu deyilir. Rusiya Federal Təhlükəsizlik Xidmətinin (FSB) iddiasına görə, qadın öz təşəbbüsü ilə messencerlər vasitəsilə Ukrayna xüsusi xidmət orqanının nümayəndəsi ilə əlaqə yaradıb və "Rusiya Federasiyasının təhlükəsizliyinə qarşı istifadə oluna biləcək kəşfiyyat məlumatı toplamaq üçün məqsədyönlü cəhdlər edib". Ona qarşı Ryazan vilayəti üzrə FSB İdarəsinin istintaq şöbəsi tərəfindən Rusiya Federasiyası Cinayət Məcəlləsinin 275.1-ci maddəsi (xarici dövlət, beynəlxalq və...

Davamını oxu

Siyasət

Erməni mətbuatı: Azərbaycana işləyən diplomat həbs olunub

29 Avqust 2025

Foto: açıq mənbə

Ermənistanın "Hraparak" qəzeti erməni diplomatın Azərbaycana işləmək ittihamı ilə həbs olunduğunu yazıb. Hadisənin təxminən 2 ay əvvəl baş verdiyi bildirilir. Rəsmi təsdiqlənməyən xəbərdə deyilir ki, Avstriyadakı Ermənistan konsulluğunun Aşxen Aleksanyan adlı əməkdaşı Ermənistana qayıdarkən hava limanında həbs olunub. Gənc qadın diplomatın üzərindən onun Azərbaycanın xeyrinə casusluq etdiyini göstərən sənədlərin tapıldığı bildirilir. Bundan sonra isə Ermənistanın Milli Təhlükəsizlik Xidmətinin Xarici İşlər Nazirliyi binasında axtarış apardığı, kompüterləri və sənədləri yoxladığı qeyd olunur. "Bu həbsi gizli saxlamaq qərara alınıb, çünki bu, böyük bir qalmaqala səbəb ola bilərdi. Məsələ ondadır ki, diplomatik korpusda yüksək vəzifəyə kimsə təyin olunmazdan əvvəl MTX onun keçmişini, şübhəli əlaqələrini...

Davamını oxu