Siyasət

Rusiya səfiri Azərbaycan XİN-ə çağırıldı

2 İyul, 2025

Foto: Azərbaycan Xarici İşlər Nazirliyi

İyulun 2-də Rusiyanın Azərbaycandakı səfiri Mixail Yevdokimov Azərbaycan Xarici İşlər Nazirliyinə çağırılıb.

Nazir müavini Araz Əzimov ilə keçirilən görüşdə son günlərdə Yekaterinburqda azərbaycanlılara qarşı polis basqınları və nəticədə iki şəxsin həlak olması ilə bağlı ciddi narahatlıq ifadə olunub.

Hadisəyə dair Rusiya tərəfinin açıqlamalarının faktlarla ziddiyyət təşkil etdiyi bildirilib.

Rəsmi Bakı həmçinin Rusiya mediasında “etnik dözümsüzlük” təzahürlərinə və Azərbaycana qarşı aparılan “dezinformasiya kampaniyasına” etirazını ifadə edib.

Görüşdə Rusiya hüquq-mühafizə orqanlarının “qanunsuz hərəkətlərinə dair obyektiv araşdırma aparılmasının və məsul şəxslərin cəzalandırılmasının vacibliyi” vurğulanıb.

Azərbaycan tərəfi Rusiya hökumətini münasibətlərdəki gərginliyi azaltmaq üçün zəruri addımlar atmağa çağırıb.

Azərbaycan və Rusiya arasında gərginlik ötən ilin dekabrın 25-də AZAL təyyarəsinin Aktauda qəzaya uğramasından sonra başlayıb.
Rəsmi Bakı təyyarənin həmin gün Ukrayna dronlarından qorunan Rusiya hərbi hava qüvvələri tərəfindən vurulduğunu iddia edib.

İyunun 27-də Yekaterinburqda Rusiya Federal Təhlükəsizlik Xidmətinin əməliyyatı nəticəsində iki azərbaycanlı öldürülməsi ilə gərginlik pik həddə çatıb.
Əməliyyat çərçivəsində ümumilikdə doqquz azərbaycanlının saxlanıldığı və 10-dan çox mənzildə axtarış aparıldığı bildirilir.

İyunun 28-də Rusiyanın Azərbaycandakı müvəqqəti işlər vəkili Pyotr Volokovıx hücumlarla əlaqədar Xarici İşlər Nazirliyinə çağırılıb və ona “kəskin etiraz” bildirilib.

Rusiya Baş nazirinin müavini Aleksey Overçukun iyunun sonunda Azərbaycana nəzərdə tutulan səfəri, habelə Rusiya xətti ilə Azərbaycanda keçirilməsi planlaşdırılan mədəniyyət tədbirləri ləğv olunub.

İyulun 1-də isə Rusiya Bakıda saxlanılan rusiyalı jurnalistlərə görə, Azərbaycan isə Yekaterinburqda azərbaycanlılara qarşı keçirilən əməliyyata görə nota təqdim ediblər.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

“Moskva yaranmış vəziyyətdən “qalib” çıxmaq üçün ən ağlasığımaz təxribatlara əl atacaq”

Simonyan Rusiya televiziyalarının yayımının qadağasını təklif edir

Tramp: İsrail Qəzzada 2 aylıq atəşkəslə bağlı razılığa gəlib

Azər Qasımlının işi məhkəmə baxışına verilib

Ailəsi: Ülvi Həsənli karserdə zorakılığa məruz qalıb

Zelenski Əliyevə zəng edib, başsağlığı verib

Redaktorun Tövsiyələri

“Moskva yaranmış vəziyyətdən “qalib” çıxmaq üçün ən ağlasığımaz təxribatlara əl atacaq”

İdxalda kəskin bahalaşma: Ərzaq və geyim məhsullarında rekord qiymət artımı

Paşinyan və düşmənləri arasında son döyüş

63 milyondan çox vəsaitin ayrıldığı penitensiar müəssisələrdə ağır sanitar-gigiyena problemləri

Hökumətyönlü mətbuatın “istintaq sirləri”: Sızdırılma, yoxsa təxəyyül məhsulu?

Cəmiyyətin və hökumətin əxlaq problemi - Fariz Namazlının yazısı

Siyasət

“Moskva yaranmış vəziyyətdən “qalib” çıxmaq üçün ən ağlasığımaz təxribatlara əl atacaq”

2 İyul 2025

Foto: Kreml.ru

“İlham Əliyev artıq Putinin hegemon və tərbiyəedici mövqeyini qəbul etmir” Azərbaycanla Rusiya arasında iyunun 27-də Yekaterinburqda iki azərbaycanlının öldürülməsi ilə başlayan gərginlik qızışmağa davam edir. Ötən müddətdə ölkələr bir-birinin səfirlərini çağırıb nota veriblər. Azərbaycanda “Sputnik” saytının əməkdaşlarına cinayət işi açılıb, 2-si həbs olunub. Həm Azərbaycanda, həm Rusiyada zorakı həbslər davam edib. Azərbaycanda iyulun 1-də 8 Rusiya vətəndaşı narkotik maddələrin tranziti dövriyyəsi və kiberdələduzluq ittihamları ilə həbs edilib. Səbail Rayon Məhkəməsi onların barəsində 4 aylıq həbs qətimkan tədbiri seçib. 8 nəfərin saxlanılmasının görüntüləri hökumətyönlü mediaya sızdırılıb. Onların xüsusi təyinatlı polislər tərəfindən, ağır cinayətlər törətmiş mütəşəkkil dəstə kimi saxlanılması diqqətdən qaçmayıb. Həmçinin,...

Davamını oxu

Siyasət

Yekaterinburqdakı Azərbaycan diasporunun rəhbəri sərbəst buraxılıb - YENİLƏNİB

1 İyul 2025

Foto: 1news.az

Şahin Şıxlinski şahid qismində dindirildikdən sonra sərbəst buraxılıb. *** İyulun 1-də Yekaterinburqda "Azərbaycan-Ural" təşkilatının rəhbəri Şahin Şıxlinski saxlanılıb. Bu haqda Azərbaycan diasporunun rəhbərinin oğlu Mutvali Şıxlinski məlumat yayıb. O bildirib ki, saxlanmazdan əvvəl onun atasını şüşələri qaralmış avtomobildə adamlar izləyiblər. Şıxlinski oğlu ilə birlikdə saxlanılıb, sonradan o, buraxılıb. Hələlik Şıxlinskinin nədə ittiham olunduğu məlum deyil. Azərbaycan və Rusiya arasında gərginlik ötən ilin dekabrın 25-də AZAL təyyarəsinin Aktauda qəzaya uğramasından sonra başlayıb. Rəsmi Bakı təyyarənin həmin gün Ukrayna dronlarından qorunan Rusiya hərbi hava qüvvələri tərəfindən vurulduğunu iddia edib. İyunun 27-də Yekaterinburqda Rusiya Federal Təhlükəsizlik Xidmətinin əməliyyatı nəticəsində iki azərbaycanlı öldürülməsi ilə...

Davamını oxu