Dünya

Ərdoğan idman lasini geyinən valini vəzifəsindən azad edib 

24 iyul, 2026
165

Açıq mənbə

Türkiyə prezidenti Rəcəb Tayyib Ərdoğan Ardahan vilayətinin valisi Mehmet Fatih Çiçəklini vəzifəsindən azad edib. 

Sərəncamda səbəb göstərilməsə də, bu, valinin idman lasini geyinməyə görə tənqid olunmasından sonra baş verib. 

Çiçəkli iyulun 11-də Ardahan Velosiped Festivalına iştirakçı kimi qoşulub. Festivaldan görüntüləri sosial mediada paylaşıldıqdan sonra həm müxalif, həm iqtidaryönlü siyasətçilər tərəfindən ona qarşı tənqidlər səsləndirilib. 

Müxalifətdə olan Cümhuriyyət Xalq Partiyasının deputatı İnan Akgün Alp parlamentdə çıxış edərək idman lasini geyinməyi valiyə yaraşdırmadığını deyib. 

“İdman lasini geyinib şəhərdə gəzir, bütün günü velosiped sürür. Önündə mühafizəçilər gedir, özü isə axşama qədər lasinlə velosiped sürür. Vali şəhərin mərkəzində bu cür gəzə bilməz", - o qeyd edib. 

İqtidarda olan Ədalət və İnkişaf Partiyasından keçmiş deputat Şamil Təyyar isə "X" səhifəsində idman lasini geyinməyin, xüsusilə, Ardahan kimi mühafizəkar bölgədə "mədəni normalara qarşı" olduğunu yazıb. 

Çiçəkli isə vəzifədən azad olunandan sonra qərara etiraz etməsə də, sadəcə idman paltarı geyindiyini deyərək özünü müdafiə edib. 

"Mən idmanın müxtəlif növləri ilə demək olar ki, peşəkar səviyyədə məşğul olan biriyəm. Yelkən və avarçəkmə ilə məşğulam. Velosiped idmançısıyam. Üzərimdəki geyim də səhərlər idman edərkən istifadə etdiyim idman geyimidir. Adi iş günlərində, həftə ərzində onsuz da bu geyimlə gəzməyimiz mümkün deyil və gəzmərik", - o, mətbuata deyib. 

Vəzifədən azad olunandan sonra Çiçəklinin vəzifəsinə qaytarılması üçün sosial mediada kampaniya başlayıb. 10 mindən çox insan bu məqsədlə petisiya imzalayıb.


Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Dünya

Rubinyan: “Ermənistan Konstitusiya ilə bağlı Azərbaycanın yanaşmasını qəbul etmir”

17 noyabr 2026

sosial media

Ermənistan sülh sazişinin imzalanmasını yeni Konstitusiyanın qəbulu ilə şərtləndirən Azərbaycanın yanaşmasını qəbul etmir. “Armenpress”in məlumatına görə, bunu Ermənistan parlamentinin sədri Ruben Rubinyan noyabrın 17-də jurnalistlərə açıqlamasında deyib. O, konstitusiya dəyişiklikləri ilə Ermənistan-Azərbaycan münasibətlərinin normallaşdırılması arasındakı əlaqədən danışıb. “Biz bu yanaşmanı qəbul etmirik. Hesab edirik ki, sülh sazişinin imzalanmasına heç bir maneə yoxdur və biz sülh sazişini elə bu gün imzalamağa hazırıq”, - Rubinyan deyib. Onun sözlərinə görə, yeni Konstitusiyanın qəbul olunması təşəbbüsü Ermənistanın daxili gündəliyindən irəli gəlir. Bununla yanaşı, o, sənədin qəbulunun xarici siyasət baxımından nəticələr doğura biləcəyini istisna etməyib. Rubinyan müxalifətin Konstitusiya dəyişikliklərindən sonra Azərbaycanın sülh sazişini imzalayıb-imzalamayacağı və...
Dünya

İran Xameneinin öldürülməsinə görə 159 ABŞ və İsrail vətəndaşını ittiham edir

17 noyabr 2026

sosial media

İranın keçmiş ali rəhbəri Əli Xameneinin və ailə üzvlərinin öldürülməsi ilə bağlı cinayət işi üzrə 159 nəfər barəsində ittiham aktı hazırlanıb. Onlardan 92-si ABŞ, 67-si isə İsrail vətəndaşıdır. İranın “Tasnim” agentliyinin məlumatına görə, bunu ölkənin Məhkəmə-Hüquq Sisteminin sözçüsü Seyid Əli Kazemi açıqlayıb. Kazemi bildirib ki, prokurorluq mərhələsində aparılan araşdırmalar və hüquqi prosedurlar başa çatdıqdan sonra təqsirləndirilən şəxslər barəsində ittiham aktı tərtib olunaraq iş baxılması üçün İslam İnqilabı Məhkəməsinə göndərilib. Onun sözlərinə görə, məhkəmə araşdırması təkcə Əli Xameneinin deyil, ailə üzvlərinin öldürülməsi ilə bağlı epizodları da əhatə edir. Sözçü qeyd edib ki, iş çərçivəsində Xameneinin gəlini Zəhra Həddad Adilin, qızı Seyid...

Seçilmiş Videolar

Toplum TV loqo