Siyasət

Həbsdə olan AXCP üzvü ac-susuz saxlanıldığını deyir

20 Dekabr, 2024
102

açıq mənbədən göndərilib

Azərbaycan Xalq Cəbhəsi Partiyasının (AXCP) inzibati qaydada 10 gün müddətinə həbs edilmiş fəalı Ceyhun Novruzov polis bölməsində pis rəftara məruz qalmasından şikayətçidir (Turan).

Vəkili Nemət Kərimlinin dediyinə görə, dekabrın 13-də saxlanıldıqdan sonra AXCP üzvünü Səbail Rayon Polis İdarəsinin 8-ci polis bölməsinə gətirərək  bütün gecə soyuq beton döşəmənin üstündə, ac-susuz saxlayıblar.

Novruzov həbsini siyasi fəaliyyəti ilə əlaqələndirib.

Nemət Kərimlinin sözlərinə görə, polis 10 günlük həbsi "yüngül cəza" hesab edib və şikayət verib, amma dekabrın 19-da Bakı Apellyasiya Məhkəməsi şikayəti təmin etməyib.

AXCP-dən bildiriblər ki, partiyanın Səbail Rayon Təşkilatının sədri Ceyhun Novruzov dekabrın 13-də taksi sürücülərinin əsassız cərimələnməsinə etiraz etdiyinə görə saxlanılıb. O, polisə tabe olmamaqda ittiham olunub və 10 gün müddətinə həbs edilib.

 


Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Siyasət

ABŞ təyyarə motoru hissələrinin Azərbaycana satışını qadağan etməyə hazırlaşır

11 Mart 2025

Toplum TV

ABŞ Konqresinin Azərbaycana təyyarə motoru hissələrinin satışını qadağan edəcək qanun layihəsini oxunuşa çıxaracağı bildirilir.  Bu barədə Vaşinqtonda yaşayan azərbaycanlı jurnalist Ələkbər Raufoğlu "X" səhifəsində adını çəkmədiyi mənbələrə əsasən məlumat verib.  Jurnalist bildirib ki, “Azərbaycan Təyyarə Mühərrikinin İxracına Məhdudiyyətlər Aktı” adlanacaq qanun layihəsi həm Respublikaçı, həm Demokrat olan qanunvericilər tərəfindən hazırlanıb. Akt Azərbaycan hakimiyyətindən iqtisadçı Qubad İbadoğlunun azad edilməsini tələb edir.  Qanun qəbul ediləcəyi təqdirdə ABŞ Dövlət katibi Marko Rubio Konqresin aiddiyatı komitələrinə İbadoğlunun saxlanılma statusu və onun azad edilməsi üçün ABŞ-ın diplomatik səyləri barədə hesabat təqdim etməlidir. Hesabat, həmçinin, Azərbaycanın üçüncü tərəflərin köməyi ilə qadağadan yan keçmək cəhdlərini əks etdirməlidir. ...
Siyasət

Putin Sahibə Qafarovaya “Dostluq” ordeni verib

11 Mart 2025

Toplum TV/kollaj

Rusiya Prezidenti Vladimir Putin Milli Məclisin sədri Sahibə Qafarovaya “Dostluq” ordeni verib. Bu barədə fərman Rusiyanın hüquqi aktların rəsmi portalında dərc olunub.  Sahibə Qafarova “Rusiya-Azərbaycan münasibətlərinin möhkəmləndirilməsindəki xidmətlərinə görə” bu ordenlə təltif olunub.  Sahibə Qafarova Milli Məclisin IV, V və VI çağırış deputatıdır və 2020-ci ildən parlamentə sədrlik edir. O, həmçinin MDB-nin Parlamentlərarası Assambleyasında və Türkdilli Ölkələrin Parlament Assambleyasında Azərbaycan nümayəndə heyətlərinin rəhbəridir.  Qafarovanın Rusiya prezidenti tərəfindən ordenlə təltif edilməsi Azərbaycan-Rusiya münasibətlərinin son dönəmlərdə gərginləşməsinə təsadüf edir.  Belə ki, Azərbaycan prezidenti ötən ilin sonunda Bakı-Qroznı reysi ilə uçan və Aktauda qəzaya uğrayan AZAL təyyarəsinə görə Rusiyanı günahlandırıb.  O bildirib ki,...

Seçilmiş Videolar

Toplum TV loqo