Sosial

Bakıda 8 mart aksiyası zorakılıqla dağıdıldı - Yenilənib

8 Mart, 2021

4760

Toplum TV

Bugün 8 Mart Beynəlxalq Qadınlar Günü münasibətilə Bakının mərkəzində aksiya keçirməyə cəhd edən fəallar bəyanatla çıxış ediblər.

Toplum.TV-nin məlumatına görə, feminist fəallar Azərbaycanda ilboyu baş verən qadın qətllərinə, qadın intiharlarına, gender ayrı-seçkiliyinə və pandemiya dövründə hökumətin həssas qrupları qorumaq üçün heç bir əməli addım atmamasına etiraz etdiklərini bildiriblər.

"Dövlət patriarxal dəyərləri təbliğ edir və vətəndaşların təhlükəsizliyini təmin etmək üçün heç bir ciddi addım atmır. Bunları nəzərə alaraq bəyan edirik: ifadə azadlığımızın və sərbəst toplaşmaq azadlığımızın qarşısını heç bir qüvvə ala bilməz. Patriarxat məhv olana qədər biz öz mübarizəmizi davam etdirəcəyik. Biz yürüş iştirakçıları dövlətdən tələb edirik: İstanbul Konvensiyası qəbul edilsin!" - deyə, bəyanatda vurğulanıb.

Videoya baxmaq üçün tıklayın: 8 Mart yürüşünün iştirakçıları bəyanat yaydı

***

Bu gün bir qrup fəalın Bakının mərkəzində keçirmək istədiyi aksiyanın qarşısı alınıb.

"Toplum.TV"-nin verdiyi xəbərə görə, 8 Mart Beynəlxalq Qadınlar Günü münasibətilə Fəvvarələr Meydanında aksiya keçirməyə cəhd edən fəallara hüquq mühafizə orqanlarının əməkdaşları sərt müdaxilə edib.

Polis fəalları zorla xidməti avtomobillərə mindirərək aksiya yerindən uzaqlaşdırıb.

"Toplum.TV"-nin hadisə yerində olan müxbirinin məlumatına görə, təxminən 20-dən çox aksiya iştirakçısı saxlanılıb. Saxlanılan şəxslərin bir qrupunun kimliyi məlum olub:

1. Aysel Umudova
2. Aytac Ağazadə
3. Cəmilə Quliyeva
4. Gülnarə Mehdiyeva
5. İlahə İsgəndər
6. İzolda Ağayeva
7. Nərmin Heydərgil
8. Nərmin Şahmarzadə
9. Nərgiz Absalamova
10. Jalə Bayramova
11. Rəbiyyə Məmmədova
12. Sevgi İsmayılbəyli
13. Sevinc Səmədzadə
14. Səbinə Rəhimova
15. Şərqiyyə Heydərova
16. Vəfa Nağı
17. Aytac Tapdıq
18. Zəhra Kələntərova
19. Səadat Abdullazadə
20. Aygün Aslanlı
21. Ayla Əhədova
22. Namiq Abdullayev
23. Sənay Yağmur
24. Zümrüd Yağmur
25. Samir Bayramov

Daxili İşlər Nazirliyi isə rəsmi açıqlama yayaraq bildirib ki, aksiya zamanı saxlanılan olmayıb. "Qabaqcadan edilmiş xəbərdarlığa baxmayaraq, aksiya keçirməyə cəhd edən şəxslərin ərazidən uzaqlaşdırılması təmin edilib", - DİN-in açıqlamasında bildirilib.

Hazırda paytaxtın mərkəzinə çox sayda polis cəlb olunub.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

DİN qadınları zorlamaq barədə çağırış edən blogeri axtarır

Türkiyə İstanbul Konvensiyasından çıxdı

“Siyasi prosesə qatılan 1 qadın 10 kişini cəsarətləndirə bilər”

Polisə aparılan feministlər: "Təhqir edir, işgəncə verirdilər"

Azərbaycanda qadınları kimlər və niyə sıxışdırırlar?

Qadınlar 8 mart haqqında: “Bayram yada düşmür”

Redaktorun Tövsiyələri

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Sosial

Əvvəl zolaq çəkilir, sonra yol qazılır: Dövlət qurumları niyə bir-biri ilə əlaqəli işləmir?

15 Sentyabr 2026

aayda.gov.az

Azərbaycanda dövlət qurumlarının bir-biri ilə koordinasiyasız fəaliyyət göstərdiyi barədə vətəndaşlar tərəfindən vaxtaşırı şikayətlər səsləndirilir. İqtisadçı, Bakı sakini Rəşad Əliyev də sentyabrın 4-də belə bir müşahidəsini sosial media hesabında bölüşüb. “Deməli, təxminən 2 həftə əvvəl Azərbaycan Yerüstü Nəqliyyat Agentliyi (AYNA) gəlib uzun bir küçədə ödənişli parklanma tətbiq etmək üçün yolun hər iki tərəfinə xüsusi boya ilə parklanma yerləri çəkmişdi. Bunun üçün nə qədər işçi əməyi, xüsusi boya və digər materiallar, vaxt və resurs sərf olunmuşdu. Üstəlik, küçədə yaşayan və yoldan istifadə edən insanlar üçün nə qədər narahatlıq yaradılıb. İndi isə gözünə döndüyüm Azərbaycan Avtomobil Yolları Dövlət Agentliyi (AAYDA) gəlib həmin küçədə...

Davamını oxu

Sosial

Xankəndidə yaşayan iş adamı: "Evimi boşaltdılar, dedilər bir də bura ayaq basma"

9 Sentyabr 2026

Meydan TV

Qarabağda təmir-bərpa işləri görmüş və pulunu ala bilmədiyini deyən şirkət rəhbəri həbslə hədələndiyini iddia edir. "Nihat 2024" MMC-nin rəhbəri Nəsimi Hətəmov ödənişlə bağlı problemini əvvəlcə sosial mediada, daha sonra "Meydan TV" vasitəsilə ictimailəşdirib. Onun sözlərinə görə, şirkət Xocalının Daşbulaq kəndində təmir işləri görüb, lakin aidiyyəti qurumlardan ödənişini ala bilməyib. "28 nəfər işçinin məndən almalı olduğu pul var. Vergi orqanlarına 17-18 min manat borcum var. Borc yiyələri maşınımı da əlimdən alıblar. Evimdə gecələyə bilmirəm", - o, "Meydan TV"yə müsahibəsində deyib. N.Hətəmov sentyabrın 9-da yayımlanan müsahibədə isə bildirib ki, Xankəndidə yaşadığı ev polis tərəfindən boşaldılıb. "Həyat yoldaşımın başının üstündə 2-3 polis dayanıb,...

Davamını oxu