Dünya

Britaniya Rusiyaya qarşı sanksiyalardan yayınmaya görə cərimələri iki dəfə artırıb

1 Sentyabr, 2026

açıq mənbə

Böyük Britaniya Rusiyaya qarşı sanksiyalardan yayınmaya görə cərimələri iki dəfə artırıb.
Əvvəllər Britaniyanın Maliyyə Sanksiyalarının Tətbiqi İdarəsi sanksiyaların pozulmasına görə pozuntunun dəyərinin 50 faizi həcmində cərimə tətbiq edə bilirdi. Yeni qaydalara əsasən, bu hədd 100 faizə qaldırılıb.

Britaniya hökuməti hesab edir ki, dəyişiklik sanksiyaların çəkindirici təsirini gücləndirəcək və məhdudiyyətlərə daha effektiv əməl olunmasına xidmət edəcək.

Böyük Britaniyanın maliyyə naziri Con Hili bildirib ki, London Rusiyaya iqtisadi təzyiqi artırmaqda davam edəcək:
“Biz Putinə iqtisadi təzyiqi artırır və ona qanunsuz müharibəni aparmaqda kömək edənlərə gizlənmək imkanı vermirik. Böyük Britaniya və müttəfiqlərimiz sanksiyalardan yayınma hallarını aşkar etmək və Rusiyanın təcavüzünü maliyyələşdirən şəbəkələri dağıtmaq üçün beynəlxalq əməkdaşlığı gücləndirməlidir”.

Britaniya hakimiyyəti, həmçinin Rusiyanın “A7” şəbəkəsi ilə bağlı milli xəbərdarlıq yayıb. Hökumətin məlumatına görə, şəbəkə sanksiyalardan yayınmaq üçün istifadə olunur.

“A7” özünü Rusiya biznesinin xarici ticarət əməliyyatlarını dəstəkləyən beynəlxalq hesablaşmalar sistemi kimi təqdim edir. Medianın məlumatına görə, sistem 2024-cü ildə “Promsvyazbank” və moldovalı oliqarx İlan Şor tərəfindən yaradılıb və sonradan sanksiyalardan yayınmaq üçün istifadə edilən vasitələrdən birinə çevrilib.

“A7”nin açıqladığı rəqəmlərə görə, 2025-ci ildə sistem vasitəsilə 115 milyard dollardan çox vəsait köçürülüb.

Britaniya hökuməti “A7” şəbəkəsinin İranın dövlət strukturları ilə də əlaqəli olduğunu iddia edir. Hökumətin fikrincə, bu əlaqələr şəbəkənin sanksiyalardan yayınma və qanunsuz maliyyə fəaliyyətindəki roluna qarşı mübarizənin vacibliyini göstərir.

2026-cı ilin iyulunda Avropa İttifaqı “A7” şirkətinin yaratdığı A7A5 steyblkoin layihəsinin rəhbəri Leonid Şumakova, “A7 Agent” və “A71” ödəniş agentlərinə, eləcə də “Promsvyazbank”ın sədr müavini Mixail Dorofeyevə sanksiya tətbiq edib.

“Promsvyazbank”ın özü də Avropa İttifaqı, ABŞ, Böyük Britaniya və digər ölkələrin sanksiyaları altındadır.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Əvvəl zolaq çəkilir, sonra yol qazılır: Dövlət qurumları niyə bir-biri ilə əlaqəli işləmir?

Ramiz Mehdiyevin işi Bakı Ağır Cinayətlər Məhkəməsinə göndərilib

DGK: Azərbaycan bu il 9 milyard dollarlıq neft ixrac edib

Ülviyyə Əli: "Həbsimiz İlham Əliyevin şüurlu seçimidir"

İctimai fəal: “Bu hakimiyyət artıq mənim həyatımdan 1000 gündən çox oğurlayıb”

İqbal Əbilov barədə 22 səhifəlik hesabat: qaydaları pozduğu iddia olunur

Redaktorun Tövsiyələri

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Dünya

İsrail Qəzza barədə filmin rejissorlarını vətəndaşlıqdan məhrum etməklə hədələyib

14 Sentyabr 2026

Luca Faz

İsrailin mədəniyyət naziri Miki Zohar Qəzza zolağındakı müharibədən bəhs edən “NAZA” sənədli filminin rejissorları Yuval Abraham və Rahel Şoru vətəndaşlıqdan məhrum etdirmək niyyətində olduğunu bildirib. “The Guardian”ın məlumatına görə, Zohar filmi “dövlətə xəyanət” adlandırıb, müəlliflərini isə “dünyadakı antisemitlərin alqışları naminə vətənlərinə zərər vurmağa hazır olmaqda” ittiham edib. İsrail qanunvericiliyinə əsasən, vətəndaşlıqdan məhrumetmə üçün daxili işlər nazirinin müraciəti, ədliyyə nazirinin razılığı və məhkəmə qərarı tələb olunur. Nadir hallarda tətbiq edilən bu tədbirlə bağlı Mədəniyyət Nazirliyi təkbaşına qərar verə bilməz. “NAZA” fələstinli silahlı qrupların 2023-cü il oktyabrın 7-də İsrailin cənubuna hücumundan sonra ordunun Qəzzadakı əməliyyatlardan bəhs edir. Ekran əsərində zərbələr zamanı mümkün...

Davamını oxu

Dünya

Türkiyə polisi LGBTQ+ fəallarını kütləvi şəkildə saxlayıb

14 Sentyabr 2026

sosial media

Sentyabrın 12-13-də Türkiyədə LGBTQ+ fəallarına qarşı kütləvi polis əməliyyatları keçirilib. İstanbul, Ankara, İzmir və Antalyada fəalların evlərində, LGBTQ+ təşkilatlarının ofislərində, eləcə də gecə klublarında axtarışlar aparılıb. Polisin məlumatına görə, İstanbulda 26, Ankarada isə 20 nəfər saxlanılıb. Ümumilikdə əməliyyatların ölkənin 12 vilayətini əhatə etdiyi bildirilir. LGBTQ+ hüquqlarını müdafiə edən “Kaos GL” assosiasiyası əməkdaşları da daxil olmaqla 50 nəfərin saxlanıldığını açıqlayıb. Assosiasiyanın məlumatına görə, ofisində və əməkdaşlarının evlərində aparılan axtarışlara təşkilatın saytında və sosial media hesablarında dərc olunan materiallar əsas gətirilib. Prokurorluq həmin materialları “əxlaqa zidd” hesab edib. Sentyabrın 12-də LGBTQ+ təşkilatlarına və ayrı-ayrı fəallara məxsus bir neçə sayta və sosial media...

Davamını oxu