İqtisadiyyat

Su obyektlərindən xüsusi istifadəyə görə ödənişlər qüvvəyə minib

1 Sentyabr, 2026

sosial media

Sentyabrın 1-dən su obyektlərindən xüsusi məqsədlər üçün istifadəyə görə ödənişlər qüvvəyə minib.

Yeni qaydalar Nazirlər Kabinetinin 6 mart 2026-cı il tarixli qərarı ilə müəyyən edilib.
Qərara əsasən, xüsusi istifadə su obyektlərindən su götürülməsini, su götürülmədən akvatoriyadan istifadəni və tullantı sularının su obyektlərinə axıdılmasını əhatə edir.

Xəzər dənizindən sənaye məqsədilə götürülən 10 min litr su üçün ödəniş 4 qəpik müəyyən edilib. Çay və göllərdən sənaye məqsədilə götürülən hər min litr su üçün 4 qəpik, kənd və meşə təsərrüfatı məqsədilə götürülən 10 min litr su üçün 1 qəpik, balıqçılıq və akvakultura məqsədilə götürülən 100 min litr su üçün isə 1 qəpik ödəniləcək.

Yeraltı sulardan sənaye məqsədilə götürülən hər min litr su üçün ödəniş 40 qəpik, balıqçılıq və akvakultura məqsədilə götürülən 100 min litr su üçün isə 2 qəpikdir.

Tullantı sularının su obyektlərinə axıdılması da ödənişlidir. Xəzər dənizinə məişət və sənaye tullantı sularının hər min litrinin axıdılmasına görə 1 qəpik ödəniləcək. Çay və göllərə məişət tullantı sularının hər min litri üçün 1 qəpik, sənaye tullantı suları üçün isə 4 qəpik tarif müəyyən edilib.

Tullantı suları təmizləyici qurğulardan keçirilərək müəyyən edilmiş normalara uyğunlaşdırıldıqdan sonra su obyektlərinə axıdılarsa, ödənişlər 0,7 əmsalı ilə hesablanacaq.

Qaydalar bütün su istifadəsi hallarına şamil edilmir. Məsələn, fiziki və hüquqi şəxslərin öz torpaq sahələrində, mərkəzləşdirilmiş su təchizatı mənbəyi olmadığı halda öz ehtiyacları üçün müəyyən yeraltı sulardan istifadə etməsi xüsusi məqsədlər üçün istifadə hesab edilmir.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Əvvəl zolaq çəkilir, sonra yol qazılır: Dövlət qurumları niyə bir-biri ilə əlaqəli işləmir?

Ramiz Mehdiyevin işi Bakı Ağır Cinayətlər Məhkəməsinə göndərilib

DGK: Azərbaycan bu il 9 milyard dollarlıq neft ixrac edib

Ülviyyə Əli: "Həbsimiz İlham Əliyevin şüurlu seçimidir"

İctimai fəal: “Bu hakimiyyət artıq mənim həyatımdan 1000 gündən çox oğurlayıb”

İqbal Əbilov barədə 22 səhifəlik hesabat: qaydaları pozduğu iddia olunur

Redaktorun Tövsiyələri

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

İqtisadiyyat

DGK: Azərbaycan bu il 9 milyard dollarlıq neft ixrac edib

15 Sentyabr 2026

azərtac

Bu ilin yanvar-avqust aylarında Azərbaycan 10-dan çox ölkəyə ümumilikdə 9,28 milyard dollar dəyərində 14,68 milyon ton neft ixrac edib. Ən çox neft satılan ölkə İtaliya olub. Dövlət Gömrük Komitəsinin hesabatına görə, bu dövrdə İtaliyaya 5,23 milyard dollarlıq 8,47 milyon ton neft ixrac olunub. İxracın həm dəyərinə, həm də həcminə görə ikinci yerdə Çexiya, üçüncü yerdə Rumıniya qərarlaşıb. Çexiyaya 712,8 milyon dollarlıq 1,06 milyon ton, Rumıniyaya isə 581,7 milyon dollarlıq 924,9 min ton neft satılıb. İlk üçlükdən sonra Hindistan gəlir. Yanvar-avqust aylarında bu ölkəyə 399,2 milyon dollarlıq neft ixrac olunub. Sonrakı yerlərdə Tunis (266,3 milyon dollar), Almaniya (262,3 milyon dollar), Bolqarıstan...

Davamını oxu

İqtisadiyyat

Azərbaycan bu il Gürcüstana azı 45,3 milyon dollar sərmayə qoyub

8 Sentyabr 2026

sosial media

2026-cı ilin ilk yarısında Azərbaycan tərəfindən Gürcüstan iqtisadiyyatına 45,3 milyon ABŞ dolları dəyərində sərmayə qoyulub. Bu barədə məlumat Gürcüstanın Milli Statistika İdarəsinin hesabatında yer alıb. Azərbaycan bununla ilin ikinci rübündə Gürcüstana sərmayə qoymuş ölkələr sırasında 7-ci yeri tutub. Hesabatda Azərbaycanın qoyduğu sərmayələrin təyinatına dair məlumata rast gəlinməyib. Lakin ümumilikdə sərmayələrin əksəriyyəti maliyyə, sığorta və daşınmaz əmlak sahələrinə qoyulub. Azərbaycan son illərdə müxtəlif ölkələrə sərmayə qoyub. Dövlət Neft Şirkəti (SOCAR) Avropa ölkələri də daxil olmaqla bir çox ölkələrdə dəyəri milyard dollarlarla ölçülən şirkətlər alır və ya yeni müəssisələr tikir. Azərbaycan prezidenti İlham Əliyev bu il keçirilən 31-ci Bakı Enerji Forumunda demişdi...

Davamını oxu