Dünya

Britaniyalı deputatlar "Maşa və Ayı" cizgi filminin yayımdan çıxarılmasını istəyirər

3 İyul, 2026

"Maşa və Ayı" - "YouTube"

50-dən çox britaniyalı deputat Böyük Britaniyanın Mədəniyyət naziri Liza Nandiyə "Maşa və Ayı" cizgi filminin yayım platformalarından çıxarılması tələbi ilə açıq məktub ünvanlayıb.

"The Guardian"ın yazdığına görə, məktubun göndərilməsinə səbəb "Netflix"in "Maşa və Ayı"nın iki yeni mövsümünün yayım hüquqlarını alması və cizgi filminin Böyük Britaniyanın "ITVX" platforması da daxil olmaqla 100-dən çox ölkədə yayımlanması olub.

Liberal Demokrat Partiyasının deputatı Tom Qordonun təşəbbüsü ilə hazırlanan məktubda iddia olunur ki, dörd yaşlı “Maşa”nın bəzi obraz və hərəkətləri təbliğat xarakteri daşıyır.

Deputatlar xüsusilə iki epizoda diqqət çəkiblər. Onlardan birində “Maşa” tankçı dəbilqəsi, digərində isə SSRİ Xalq Daxili İşlər Komissarlığının (NKVD) papağını xatırladan baş geyimi ilə təsvir olunur.

Məktubda bildirilir ki, bu cür səhnələr sovet hərbi simvollarının azyaşlı tamaşaçılar arasında qlobal miqyasda normallaşdırılmasına xidmət edir.

Deputatlar həmçinin Ukraynanın Dezinformasiyaya Qarşı Mübarizə Mərkəzinin mövqeyinə istinad ediblər. Həmin mövqeyə görə, "Maşa və Ayı" sadəcə animasiya filmi deyil, Rusiyanın "yumşaq güc" alətlərindən biridir. İddia olunur ki, cizgi filmində “Maşa”nın davranışları vasitəsilə digər xalqların ənənələri məsxərəyə qoyulur, sovet simvolları və militarist mövzular isə normallaşdırılır.

"Maşa və Ayı" cizgi filminin istehsalçısı olan Rusiya mənşəli "Animaccord" studiyası isə bütün ittihamları rədd edib. Şirkətin nümayəndəsi Melani Bonviçino bu iddiaları "əsassız və böhtan xarakterli" adlandıraraq bildirib ki, studiya heç vaxt dövlət tərəfindən maliyyələşdirilməyib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Prokuror “Baksol yolu”nda gəncin ölümü ilə bağlı təqsirləndirilən şəxsə 5 il həbs istəyib

Nazirlik: Azərbaycan 9 ayda 15 milyon tondan çox neft ixrac edib

Sürücülər: “Sədərək-Dilucu sərhədində gömrük və AYNA arasındakı mübahisə sərnişinləri piyada qoyub”

Tramp: “Gözəl Qrenlandiyamızda neft, qaz və mineral ehtiyatların kəşfiyyatına başlanmağa hazırlıq görülür”

Həbsdə olan jurnalist Ülviyyə Əlinin İtaliyada kitabı nəşr olunub

Macarıstan parlamenti LGBTQ+ “təbliğatı”na dair qadağanı ləğv edib

Redaktorun Tövsiyələri

Ramil Babayev sivil itaətsizliyə başlayıb

“Toplum TV işi”: Hakimin davranışına etiraz edənlər zaldan çıxarılıblar

Ələsgər Məmmədli Ombudsmana: “Apellyasiya Məhkəməsində silsilə hüquq pozuntularına yol verilir”

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Dünya

Tramp: “Gözəl Qrenlandiyamızda neft, qaz və mineral ehtiyatların kəşfiyyatına başlanmağa hazırlıq görülür”

14 Oktyabr 2026

whitehouse

“Yeni və gözəl Qrenlandiyamızda genişmiqyaslı neft, qaz və mineral ehtiyatların kəşfiyyatına başlanmağa hazırlıq görülür”. ABŞ prezidenti Donald Tramp bunu oktyabrın 14-də özünün “Truth Social” hesabında yazıb. ABŞ lideri Qrenlandiyanın təbii sərvətlər baxımından böyük potensiala malik olduğunu vurğulayıb. Adanın Arktikada strateji mövqeyə sahib olduğunu qeyd edən Tramp bölgənin həm iqtisadi, həm də təhlükəsizlik baxımından ABŞ üçün əhəmiyyətini ön plana çəkib. “Ekspertlər bildirirlər ki, asanlıqla çıxarıla bilən neft ehtiyatlarının həcmi dünyanın demək olar ki, istənilən digər ərazisindəkindən xeyli çoxdur. Daha da vacibi, Qrenlandiya həm Amerika Birləşmiş Ştatlarının, həm də Avropanın müdafiəsi və hücum imkanları baxımından misilsiz təhlükəsizlik əhəmiyyətinə malikdir. ABŞ-yə gələcəkdə baş...

Davamını oxu

Dünya

Macarıstan parlamenti LGBTQ+ “təbliğatı”na dair qadağanı ləğv edib

14 Oktyabr 2026

Christo

Macarıstan parlamenti LGBTQ+ şəxslərin hüquqlarını məhdudlaşdıran müddəaların 2021-ci ildə qəbul olunmuş “uşaqların müdafiəsi haqqında” qanundan çıxarılmasına səs verib. Oktyabrın 13-də keçirilən səsvermədə hakim “Tisa” partiyasından olan 139 deputat dəyişikliklərin lehinə, 51 deputat isə əleyhinə çıxış edib. Viktor Orban hökuməti dövründə qəbul edilən əvvəlki qanun 18 yaşdan kiçik şəxslər üçün homoseksuallığın və transgenderliyin “təbliğini” qadağan edirdi. Bu müddəalar LGBTQ+ mövzularının məktəblərdə, mediada və reklamlarda təqdimatını məhdudlaşdırmaq üçün istifadə olunurdu. Qanun həmçinin “Pride” yürüşlərinin qadağan edilməsinə hüquqi əsas yaratmışdı. Yeni redaktədə LGBTQ+ şəxslərə və ya gender kimliyinə dair birbaşa qeyd yoxdur. Sənəddə yalnız uşaqların fiziki, intellektual, emosional və mənəvi inkişafına ciddi zərər...

Davamını oxu