Siyasət

CPJ “Meclis.info” işi üzrə 12 ilədək həbs cəzası istənilməsini pisləyib

23 Oktyabr, 2026

sosial media

Jurnalistləri Müdafiə Komitəsi (CPJ) “Meclis.info” işi üzrə təqsirləndirilən şəxslərə 12 ilədək həbs cəzası istənilməsini pisləyən bəyanat yayıb.
Komitənin oktyabrın 22-də yaydığı açıqlamaya görə, oktyabrın 20-də Bakı Ağır Cinayətlər Məhkəməsində dövlət ittihamçısı “Meclis.info”nun təsisçisi İmran Əliyevə 12 il, ictimai fəal Elgiz Qəhrəmana isə 11 il həbs cəzası verilməsini istəyib.

Təqsirləndirilən şəxslərdən Tamella Musayevanın səhhətində problem yarandığı üçün onun barəsində cəza istənilməsi həmin iclasda səsləndirilməyib. Məhkəmə prosesi təxirə salınıb.

CPJ Azərbaycan hakimiyyətini jurnalistlərə qarşı maliyyə cinayətləri ilə bağlı açılan işi dayandırmağa, İmran Əliyevi azad etməyə və onun həmkarlarına qarşı ittihamları ləğv etməyə çağırıb.

Komitənin Avropa və Mərkəzi Asiya proqramı üzrə direktoru Fiona O’Brayen bildirib ki, xarici maliyyələşmə ilə bağlı qanunvericilik müstəqil media qurumlarına təzyiq vasitəsi kimi istifadə olunur.

İmran Əliyev 2024-cü il aprelin 18-də Heydər Əliyev Beynəlxalq Hava Limanında saxlanılıb. Ona əvvəlcə Cinayət Məcəlləsinin 206.3.1 və 206.3.2-ci (qaçaqmalçılıq) maddələri ilə ittiham verilib, daha sonra ittihamların sayı səkkizə çatdırılıb.

İctimai fəal Elgiz Qəhrəman və Tamella Musayeva da eyni iş üzrə 2025-ci ilin fevralında cinayət məsuliyyətinə cəlb olunublar. Onların barəsində polis nəzarəti qətimkan tədbiri seçilib.

CPJ bildirib ki, Azərbaycan qanunvericiliyinə görə, vətəndaş cəmiyyəti təşkilatları xarici qrant almaq üçün dövlət qeydiyyatından keçməli və müvafiq təsdiq prosedurlarını tamamlamalıdır. Hakimiyyət “Meclis.info” və digər media qurumlarının bu tələblərə əməl etmədiyini deyir.

Komitə qeyd edib ki, Avropa İnsan Hüquqları Məhkəməsi oxşar işlərlə bağlı qərarlarında bu cür pozuntulara görə cinayət cəzalarının tətbiqini tənqid edib.

CPJ-nin məlumatına görə, xarici maliyyələşmə ilə bağlı oxşar ittihamlarla Azərbaycanda digər müstəqil media qurumlarının əməkdaşları da mühakimə edilir.

2025-ci ilin iyununda “Abzas Media” ilə əlaqəli altı jurnalist və media əməkdaşı 9 ilədək həbs cəzasına məhkum olunub. 2026-cı ilin iyulunda isə “Toplum TV işi” üzrə doqquz nəfərə 15 ilədək həbs cəzası verilib.
CPJ-nin 2025-ci il üzrə hesabatına əsasən, Azərbaycan jurnalistlərin həbsinə görə dünyada altıncı yerdə qərarlaşıb.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Trampın kürəkəninin Azərbaycan vasitəsilə yüz milyonlarla dollar aldığı iddia olunur

Saxarov Mükafatı Beynəlxalq Cinayət Məhkəməsinə verilib

Putin və Uitkoff görüşü: Moskva üçtərəfli danışıqlara razılaşıb, ABŞ dizel razılaşmasına görə təşəkkür edib

RSF: “Aynur Elgünəşin sağlamlığında yaranacaq fəsadlara görə hakimiyyət məsuliyyət daşıyır”

“QHT işi”: Zamin Zəkinin kassasiya şikayəti təmin edilməyib

NYT: “ABŞ və İsrail Konqresə seçkilərdən sonra İrana yeni zərbələr planı hazırlayır”

Redaktorun Tövsiyələri

Ramil Babayev sivil itaətsizliyə başlayıb

“Toplum TV işi”: Hakimin davranışına etiraz edənlər zaldan çıxarılıblar

Ələsgər Məmmədli Ombudsmana: “Apellyasiya Məhkəməsində silsilə hüquq pozuntularına yol verilir”

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Siyasət

RSF: “Aynur Elgünəşin sağlamlığında yaranacaq fəsadlara görə hakimiyyət məsuliyyət daşıyır”

22 Oktyabr 2026

sosial media

“Sərhədsiz Reportyorlar” təşkilatı (RSF) “Meydan TV”nin həbsdə olan baş redaktoru Aynur Elgünəşin səhhətinin pisləşməsi ilə bağlı bəyanat yayıb. Oktyabrın 21-də dərc olunan bəyanatda jurnalistin xəstəxanaya yerləşdirildiyi bildirilib. “Özbaşına həbsdə saxlanılan “Meydan TV”nin baş redaktoru Aynur Elgünəş zəruri tibbi yardımdan uzun müddət məhrum edildikdən sonra kritik vəziyyətdə xəstəxanaya yerləşdirilib. RSF onun tibbi göstərişlər əsasında azadlığa buraxılmasını tələb edir və sağlamlığında yarana biləcək geri dönməz fəsadlara görə hakimiyyəti məsul tutur”, - təşkilatın bəyanatında deyilir. Aynur Elgünəş oktyabrın 18-də Penitensiar Xidmətin Müalicə Müəssisəsinə köçürülüb. Vəkil Zibeydə Sadıqova bildirib ki, jurnalistin səhhətində ciddi problemlər var və hazırda ən böyük təhlükə böyrəyi ilə bağlıdır. Jurnalistin...

Davamını oxu

Siyasət

“QHT işi”: Zamin Zəkinin kassasiya şikayəti təmin edilməyib

22 Oktyabr 2026

sosial media

Oktyabrın 22-də Ali Məhkəmədə “QHT işi” üzrə həbsdə olan sosial işçi Zamin Zəkinin kassasiya şikayətinə baxılıb. Hüquq müdafiəçisi Zəfər Əhmədovun “Toplum TV”yə bildirdiyinə görə, Zamin Zəki prosesdə iştirak etməyib. Hakim İlkin Rəcəbovun sədrliyi ilə keçirilən iclasda vəkil Günay İsmayılova müdafiə çıxışı edib. Vəkil xatırladıb ki, Zamin Zəki ilə bağlı indiyədək nə Bakı Ağır Cinayətlər Məhkəməsində, nə də Bakı Apellyasiya Məhkəməsində verilən vəsatətlər təmin olunub. O, məhkəmədən işə diqqətlə baxmağı istəyib. Vəkil çıxış edərkən hakim onun sözünü kəsib və “bu cür işlərə adətən iki dəqiqə vaxt ayırdığını” bildirib. “Siz isə artıq 10 dəqiqədir danışırsınız. Bu iş problemli olduğu üçün mən sizin...

Davamını oxu