Dünya

İranın ABŞ-yə sərmayə imkanları təklif etdiyi bildirilir

27 Fevral, 2026

143

Foto: açıq mənbə

İranın hazırda davam edən danışıqlarda ABŞ-yə sərmayə imkanları təklif etdiyi bildirilir.

Bu barədə "Financial Times" adı açıqlanmayan mənbəyə istinadən xəbər verib.

Mənbənin dediyinə görə, İran tərəfi ABŞ şirkətlərinin, xüsusilə də, İranın neft-qaz sektoruna sərmayə qoymasını təklif edib.

Mənbə sərmayə imkanlarını “böyük iqtisadi fürsət” kimi təsvir edib və əlavə edib ki, bu təklif, xüsusilə də, iş adamı olan prezident Donald Trampın diqqətini cəlb etmək üçün nəzərdə tutulub.

Digər bir mənbə nəşrə deyib ki, İran hələ ki ABŞ‑yə sərmayə təklifini rəsmi şəkildə irəli sürməyib, amma danışıqlarda bu barədə müzakirələr olub. Mənbə əlavə edib ki, İran bu ideyada Venesuelanı özünə nümunə götürür.

Tramp bu ilin əvvəlində Venesuela prezidenti Nikolas Maduronun ABŞ hərbçiləri tərəfindən qaçırılmasından sonra bu ölkənin neft sənayesini ABŞ şirkətləri üçün açıq elan edib.

İranın dövlət xəbər agentliyi IRNA-nın məlumatına görə, fevralın 26-da Cenevrədə Omanın vasitəçiliyi ilə baş tutan danışıqlarda İran tərəfi ABŞ-yə yeni təklif paketi təqdim edib. Təkliflərin detalları açıqlanmayıb, lakin bununla İranın qarşı tərəfin "ciddiliyini yoxladığı" qeyd olunub.

İranın xarici işlər naziri Abbas Əraqçi deyib ki, danışıqların növbəti raundu gələn həftə Vyanada keçiriləcək və artıq irəliləyişlər var.

Son həftələrdə ABŞ-nin İran körfəzində hərbi qüvvələrini cəmləşdirməsi fonunda ABŞ və İran arasında müharibə ehtimalı güclənib.

Eyni zamanda, iki ölkə arasında İranın nüvə proqramı üzrə danışıqlar davam edir. ABŞ İrandan nüvə proqramını tamamilə dayandırmasını istəyir. İran rəsmiləri isə nüvə sənayesinin yalnız mülki məqsədlər üçün nəzərdə tutulduğunu deyir.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Azərbaycan hökuməti ölkədə sərbəst toplaşmaq azadlığının pozuntusunu tanıyıb

"Human Rights Watch" Azərbaycan hakimiyyətini Rüfət Səfərovu azad etməyə çağırır

“Naxçıvan TV” əməkdaşları: “Bu qədər laqeyd münasibət görməmişik, etiraz aksiyasına hazırlaşırıq”

"Abzas Media" və "Meydan TV" media mükafatına layiq görülüb

Əli Kərimli telefon danışığı hüququnun pozulduğunu deyir

Gürcüstan yaşayış icazəsi almaq üçün nikaha girməyi cinayət saymağa hazırlaşır

Redaktorun Tövsiyələri

İcbari Tibbi Sığorta Fonduna ödənişlər niyə azalır?

Azərbaycan məhbus sayında Avropanın ikincisidir: alternativ cəzalar niyə işləmir?

Nazirin sual doğuran müsahibəsi: Özəl sektor güclüdürsə, artım niyə dövlət layihələrindən asılıdır?

İqtisadçı: “Faktiki olaraq inflyasiya maaş artımının 90 faizdən çoxunu udur”

Ekspertlərdən tənqid: iddialı nazirlik, zəif hazırlanmış və hədəfləri doğru seçilməmiş proqram

Beynəlxalq təşkilatlar: “Toplum TV işi”ndə tələb olunan cəzalar tənqidi jurnalistikadan qisas məqsədi daşıyır”

Dünya

Siyasi karikaturaları ilə tanınan rusiyalı rəssam Polşada öldürülüb

16 İyun 2026

Sosial media

Polşanın Byala Podlyaska şəhərində rusiyalı rəssam Semyon Skrepetski silahlı hücum nəticəsində qətlə yetirilib. Hadisə barədə yerli polisə istinadən “Onet” və “Polsat News” nəşrləri məlumat yayıb. Bildirilir ki, silahlı şəxs avtomobil dayanacağında ona yaxınlaşaraq yaxın məsafədən bir neçə dəfə atəş açıb. Şübhəlilərdən biri Byala Podlyaskadakı Belarus konsulluğunun yaxınlığında saxlanılıb. “DzikMedia” isə iddia edir ki, qətli törədən şəxslər hadisə yerinə Belarusdan olan taksi sürücüsü tərəfindən gətirilib. Polşa Prokurorluğunun mətbuat xidməti qətl hadisəsinin baş verdiyini təsdiqləsə də, onun kimliyini açıqlamayıb. Semyon Skrepetski rusiyalı rəssam Robert Kuzovkovun yaradıcılıq təxəllüsüdür. O, siyasi karikaturaları ilə tanınıb. Skrepetski Vladimir Putin, Aleksey Navalnı, Ramzan Kadırov və Aleksandr Lukaşenko...

Davamını oxu

Dünya

ABŞ və İran müharibəni bitirir

15 İyun 2026

Açıq mənbə

ABŞ prezidenti Donald Tramp və ABŞ ilə İran arasında vasitəçilik edən Pakistanın baş naziri Şahbaz Şərif bəyan ediblər ki, tərəflər sülh sazişi əldə ediblər və razılaşma artıq qüvvəyə minib. “İntensiv danışıqlardan sonra məmnuniyyətlə elan edirik ki, ABŞ ilə İran arasında sülh sazişi əldə olunub. Hər iki tərəf Livan da daxil olmaqla bütün cəbhələrdə hərbi əməliyyatların dərhal və daimi dayandırıldığını bəyan edib”, - Ş.Şərif özünün "X" hesabında yazıb. Rəsmi imzalanma mərasiminin iyunun 19-da İsveçrədə keçiriləcəyi gözlənilir. Donald Tramp da İranla əldə olunan sazişin qüvvəyə mindiyini təsdiqləyib. “Bununla Hörmüz boğazının rüsumsuz açılmasına və ABŞ Silahlı Qüvvələri tərəfindən tətbiq edilən dəniz blokadasının dərhal ləğvinə...

Davamını oxu