Dünya

Kanadada məktəbdə silahlı insidentdə 10 nəfərin öldürüldüyü bildirilir

11 Fevral, 2026

132

Foto: Trent Ernst

Fevralın 11-də Kanadanın qərbində Tamblr Ric şəhərindəki orta məktəbdə bir nəfərin odlu silahdan atəş açmaqla özü daxil 10 nəfəri öldürdüyü bildirilir.

Yerli polisin məlumatına görə, 8 nəfər məktəbdəcə, bir nəfər isə xəstəxanaya aparılarkən yolda keçinib. Silahlı da özünə atəş açmış şəkildə tapılıb.

Silahlının qadın olmasından başqa məlumat açıqlanmayıb. Ölənlərin də neçəsinin məktəbli olduğu hələ ki bilinmir.

Polis hadisənin motivini araşdırır.

ABŞ-dən fərqli olaraq, Kanada məktəblərdə silahlı insidentlərlə tanınmır və silah satışı ilə bağlı daha sərt qanunlara sahibdir.

Bu ölkədə ən dəhşətli məktəb insidenti 1989-cu ildə baş verib və həmin atışmada 14 məktəbli öldürülüb.

Kanadanın baş naziri Mark Karni hadisə ilə əlaqədar fevralın 11-də baş tutacaq Münxen Təhlükəsizlik Konfransında iştirakını təxirə salıb.

"Tamblr Ric şəhərində baş verən dəhşətli atışma hadisəsi məni sarsıtdı. Dualarım və ən dərin başsağlığım bu dəhşətli zorakılıq aktları nəticəsində yaxınlarını itirən ailələr və dostlarla birlikdədir", - o, "X" səhifəsində yazıb.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

AŞPA Azərbaycan hökumətinə qarşı yeni qətnamə qəbul edib

ABŞ Senatı Trampın hərbi səlahiyyətlərini məhdudlaşdıran qətnamə qəbul edib

Müdafiəçiləri: "Əli Kərimlinin kamerasına məqsədyönlü şəkildə psixoloji problemləri olan şəxs salınıb”

Putin istefa verən Cənubi Osetiya rəhbərini özünə müşavir təyin etdi

"Kərimə dövləti" qurmağa cəhddə ittiham olunan inanclı fəal aclıq edir

Almaniyadan Tacikistana göndərilən müxalifət fəalı ölkəyə çatan kimi saxlanılıb

Redaktorun Tövsiyələri

Dövlət borcunun görünməyən tərəfi: Təminat Fondunun resursları niyə tükənir?

300 milyardlıq fond, sanksiyaların ləğvi, aktivlərin qayıdışı: İran qalib sayıla bilər?

İcra hakimiyyəti: "Bayırşəhərdə binaların memarlıq abidələri siyahısından çıxarılması üçün tədbirlər görülür"

Azərbaycana turist axını azalır: Milyonlarla manatlıq təşviqat niyə nəticə vermir?

Akif Qurbanovla müsahibə: “‘Tək adam’ rejiminin sahibi Əliyevi daşı ətəyindən tökməyə səsləyirəm”

İcbari Tibbi Sığorta Fonduna ödənişlər niyə azalır?

Dünya

ABŞ Senatı Trampın hərbi səlahiyyətlərini məhdudlaşdıran qətnamə qəbul edib

24 İyun 2026

ua.depositphotos.com

ABŞ Senatı iyunun 23-də prezidentin hərbi səlahiyyətlərini məhdudlaşdıran qətnamə layihəsini qəbul edib. Sənəd prezident Donald Trampın İrana qarşı hərbi əməliyyatlar aparmaq imkanlarını məhdudlaşdırmağı nəzərdə tutur. Bundan əvvəl analoji qətnamə Nümayəndələr Palatasında da təsdiqlənmişdi. Senatda sənədin lehinə 50 qanunverici səs verib. Onların arasında dörd respublikaçı senator da olub. Qətnamənin əleyhinə isə 48 senator çıxış edib. Bu, ABŞ Konqresinin hər iki palatası tərəfindən qəbul edilən ilk belə hərbi səlahiyyət qətnaməsidir. Sənədə əsasən, administrasiyadan Konqresin razılığı olmadan İrana qarşı hərbi əməliyyatlarda ABŞ silahlı qüvvələrindən istifadə etməmək və bu cür əməliyyatları yenidən başlatmamaq tələb olunur. Bununla belə, qətnamə qanunvericilik proseduruna uyğun olaraq prezidentin imzasına...

Davamını oxu

Dünya

Putin istefa verən Cənubi Osetiya rəhbərini özünə müşavir təyin etdi

24 İyun 2026

kremlin.ru

Tanınmayan Cənubi Osetiyanın rəhbəri Alan Qaqloyev istefa verib və Rusiya prezidenti Vladimir Putinin müşaviri təyin olunub. Kremlin yaydığı məlumata görə, Vladimir Putin bununla bağlı müvafiq fərman imzalayıb. Rusiya prezidentinin mətbuat xidmətinin açıqlamasında bildirilir ki, Alan Qaqloyevin səlahiyyətlərini müvəqqəti olaraq Marat Kambolov icra edəcək. Marat Kambolov daha əvvəl Qaqloyevin müşaviri, həmçinin tanınmamış respublikanın hökumət sədri vəzifələrində çalışıb. O, müxtəlif illərdə Rusiyanın təhsil nazirinin müavini olub, daha sonra isə nüvə fizikası sahəsində tədqiqatlar aparan Kurçatov İnstitutu Milli Tədqiqat Mərkəzinə rəhbərlik edib. Dünyanın əksər dövlətləri Cənubi Osetiyanı Gürcüstanın nəzarətindən kənarda qalan ərazisi hesab edir. Rusiya isə 2008-ci ildə Gürcüstanla baş vermiş müharibədən sonra...

Davamını oxu