Dünya

Karapetyan ‘təhqirə görə' Paşinyanı məhkəməyə verib, üzr və təzminat tələb edir

11 Sentyabr, 2026

sosial media

Müxalif "Güclü Ermənistan" ittifaqının lideri və biznesmen Samvel Karapetyan baş nazir Nikol Paşinyana qarşı məhkəməyə müraciət edib.

OC Media yazır ki, o, seçkiqabağı kampaniya zamanı təhqir olunduğunu bildirərək Paşinyandan ictimai formada üzr istəməsini və 3 milyon dram (8 300 dollar) təzminat ödəməsini tələb edir.

İddia Paşinyanın mayın 29-da seçki kampaniyası zamanı Karapetyan barədə söylədiyi bildirilən fikirlərlə bağlıdır. Karapetyan məhkəmədən tələb edib ki, Paşinyan həmin gün ictimai çıxışı zamanı onun barəsində “təhqiredici ifadələr işlətməsinə” görə rəsmi “Facebook” səhifəsində canlı yayım vasitəsilə üzr istəsin.

Lakin Ermənistanın məhkəmə informasiya sistemində yerləşdirilən iddia ərizəsində söhbətin konkret hansı ifadədən getdiyi göstərilmir. Seçkiqabağı kampaniya boyunca Paşinyan, Karapetyan və digər aparıcı müxalifət nümayəndələri bir-birlərinin ünvanına tez-tez sərt ittihamlar və təhqiramiz ifadələr səsləndiriblər.

Məsələn, Paşinyan müxalifəti “müharibə tərəfdarı olan üçbaşlı casus partiyası” adlandırıb.

Müxalifət isə dəfələrlə Paşinyanın “300 min azərbaycanlının” Ermənistanda məskunlaşmasına imkan verəcəyini iddia edib.

Paşinyan da may ayından bəri Karapetyana qarşı iki iddia qaldırıb. Onlardan birincisi Karapetyanın Paşinyanın ictimai çıxışlarından əvvəl Çindən gətirilən hallüsinogen göbələklər qəbul etdiyi barədə iddiası ilə bağlı olub.

“Əlbəttə, mən [Karapetyanı] məhkəməyə verəcəyəm və hüquqi mənada onu bir ton hallüsinogen göbələk yeməyə məcbur edəcəyəm. Sərt ifadəmə görə üzr istəyirəm, amma hər şeyin bir həddi var”, - baş nazir mayda deyib.

Paşinyan həmin iş üzrə Karapetyandan rəsmi təkzib və üzr, həmçinin 6 milyon dram (16 300 dollar) təzminat tələb edib.

Paşinyan ikinci iddianı iyunun 10-da Karapetyanın baş nazirin Kanadada evi olduğu barədə iddiası ilə əlaqədar qaldırıb. O, bu iş üzrə də üzr istənilməsini və 6 milyon dram təzminat ödənilməsini tələb edib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Taleh Bağırzadənin övladlarının işi üzrə ilk məhkəmə iclası keçirilib

Kanada ukraynalı uşaqların deportasiyasına görə rusiyalı nazirə sanksiya tətbiq edib

Prezident qida təhlükəsizliyinə dair dövlət proqramını təsdiqləyib

Moldovada Rusiyaya casusluqda şübhəli bilinən Azərbaycan vətəndaşı saxlanılıb

Ordubad sakini: “Rusiyadan qayıdanlar polis idarəsində narkotik testinə məcbur edilir”

Qardaşı: "Ələsgər Məmmədli müayinədən keçib, səhhəti ilə bağlı narahatlığımız daha da artıb"

Redaktorun Tövsiyələri

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Dünya

Kanada ukraynalı uşaqların deportasiyasına görə rusiyalı nazirə sanksiya tətbiq edib

11 Sentyabr 2026

FHN

Kanada Rusiyanın fövqəladə hallar naziri Aleksandr Kurenkova, onun həyat yoldaşı Yelena Milskayaya və daha altı Rusiya vətəndaşına sanksiya tətbiq edib. Bu barədə Kanada hökumətinin saytında məlumat verilib. Kanada hakimiyyətinin fikrincə, sanksiya siyahısına daxil edilən şəxslər ukraynalı uşaqların qanunsuz deportasiyası və məcburi köçürülməsində, eləcə də ideoloji təbliğata cəlb edilməsi və hərbiləşdirilməsində iştirak edib və ya etməkdədirlər. Kurenkov və Milskayadan başqa, sanksiya siyahısına “Rosmolodyoj”un rəhbəri Qriqori Qurov, “Birincilərin Hərəkatı”nın rəsmiləri Artur Orlov və Denis Çernobay, Uşaq Hüquqları üzrə Müvəkkilin aparatının müşaviri Vladimir Xromov, Aleksandra Kulqina və Vitali Suk da düşüb. Onların bəzisi artıq Avropa İttifaqı (Aİ), Böyük Britaniya və digər ölkələrin sanksiya...

Davamını oxu

Dünya

FSB: “Ukrayna Rusiyadakı Britaniya səfirinə qarşı hücum planlaşdırıb”

10 Sentyabr 2026

sosial media

Rusiya Federal Təhlükəsizlik Xidməti (FSB) Ukraynanın Moskvadakı Britaniya səfirinə qarşı terror aktı planlaşdırdığını iddia edib. FSB-nin sentyabrın 10-da yaydığı məlumata görə, Britaniya səfirliyinin mühafizəsini həyata keçirən şirkətdə çalışan Rusiya vətəndaşı saxlanılıb. Rusiya tərəfi onun Ukrayna Təhlükəsizlik Xidmətinin (SBU) tapşırıqları ilə fəaliyyət göstərdiyini iddia edib. Həmin şəxs barəsində Rusiya Cinayət Məcəlləsinin 275-ci, dövlətə xəyanət maddəsi ilə cinayət işi açıldığı bildirilir. İddialara görə, saxlanılan şəxs ukraynalı bloger Dmitri Karpenkonun göstərişi ilə səfirliyin əməkdaşları, onların səfərləri və görüşləri, həmçinin diplomatik nümayəndəliyin təhlükəsizlik sistemi barədə məlumat toplayıb. FSB iddia edir ki, SBU bu məlumatlardan Britaniya səfirinə və digər diplomatlara qarşı diversiya və terror aktları...

Davamını oxu