Dünya

Makron:”Tramp Ukraynadakı müharibə ilə bağlı fikrini dəyişib”

19 İyun, 2026

AFP

Fransa prezidenti Emmanuel Makron deyib ki, ABŞ prezidenti Donald Tramp 15-17 iyun tarixlərində Fransanın Evian şəhərində keçirilən “Böyük Yeddilik” (G7) sammitindən sonra Ukraynadakı müharibə ilə bağlı fikrini dəyişib.

Makron bunu “France 24” telekanalına müsahibəsində bildirib.

“O, Fransaya Ukraynanın uduzacağını düşünərək gəlmişdi. Amma fikrini dəyişdi. O, həmçinin gördü ki, Rusiya öz öhdəliklərini yerinə yetirmir. Bu G7 sammitində həqiqətən də münasibətdə dəyişiklik baş verdi”, - deyə Makron bildirib.

“Politico” nəşri yazırdı ki, Donald Trampın mövqeyinə Ukrayna prezidenti Volodimir Zelenskinin ona göstərdiyi fotolar təsir etmiş ola bilər. Həmin fotolarda iyunun 15-i gecə saatlarında Rusiyanın hücumundan sonra alov içində qalan Kiyev-Peçersk Lavrası əks olunurdu.

Mənbələrin fikrincə, Zelenskinin bu addımı digər amillərlə yanaşı, Trampın sammitin yekununda qəbul edilmiş birgə bəyanatda Rusiyaya qarşı sərt ifadələrin yer almasına razılıq verməsinə də təsir edib. Bununla belə, “Politico” qeyd edir ki, bu ideyanın müəllifi, ehtimal ki, Emmanuel Makron olub.

Nəşrin məlumatına görə, sammitin uğurlu keçməsinə Trampın həmsöhbətlərinin, o cümlədən Makronun, Ukraynanı döyüş meydanında üstünlük qazanan tərəf kimi təqdim etməsi də kömək edib.

Sammitdən sonra Donald Tramp bildirmişdi ki, G7 sammiti çərçivəsində Ukrayna prezidenti ilə "çox yaxşı" görüş keçirib. O, iyunun 16-da jurnalistlərə açıqlamasında "Rusiya razılığa gəlməlidir" deyib. Prezident bununla da İkinci Dünya müharibəsindən bəri Avropada yaşanan ən böyük münaqişənin yenidən onun prioritetləri siyahısında ön sıraya yüksələ biləcəyinə işarə vurub.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Azərbaycanda mühakimə olunan Rusiya vətəndaşlarına 3-4 il həbs cəzası kəsilib

Azərbaycana turist axını azalır: Milyonlarla manatlıq təşviqat niyə nəticə vermir?

Vens İsrailə: "Yeganə müttəfiqiniz Trampdır, ona hücum etməyin"

Paşinyan Hacıyevin Ermənistan səfərini sülh gündəliyi üçün mühüm addım adlandırıb

Həbsdə olan hökumət tənqidçisi: "Talış dövləti yaratmağın tərəfdarı olmamışam"

Məhkəmə Namizəd Səfərovun vəsatətlərini təmin etməyib

Redaktorun Tövsiyələri

Azərbaycana turist axını azalır: Milyonlarla manatlıq təşviqat niyə nəticə vermir?

Akif Qurbanovla müsahibə: “‘Tək adam’ rejiminin sahibi Əliyevi daşı ətəyindən tökməyə səsləyirəm”

İcbari Tibbi Sığorta Fonduna ödənişlər niyə azalır?

Azərbaycan məhbus sayında Avropanın ikincisidir: alternativ cəzalar niyə işləmir?

Nazirin sual doğuran müsahibəsi: Özəl sektor güclüdürsə, artım niyə dövlət layihələrindən asılıdır?

İqtisadçı: “Faktiki olaraq inflyasiya maaş artımının 90 faizdən çoxunu udur”

Dünya

Vens İsrailə: "Yeganə müttəfiqiniz Trampdır, ona hücum etməyin"

19 İyun 2026

Getty Images

ABŞ vitse-prezidenti Ceyms Vens İranla anlaşmaya görə prezident Donald Trampı tənqid edən İsrail hökuməti üzvlərinə xəbərdarlıq edib. İyunun 18-də Ağ Evdə mətbuat konfransı keçirən Vensdən jurnalistlərdən biri İsrail baş naziri Benyamin Netanyahunun ABŞ-İran memorandumu ilə bağlı narazılıq edib-etmədiyini soruşub. Vens Netanyahudan belə bir narazılıq eşitmədiyini deyib, lakin Trampı və anlaşmanı tənqid edən digər israilli hökumət üzvlərinə müraciət edib. "Onlara iki mesajım olardı. Birincisi, Donald Tramp hazırkı dövrdə bütün dünyada İsrail dövlətinə rəğbət bəsləyən yeganə dövlət başçısıdır. Əgər mən İsrail hökumətinin kabinetində olsaydım, bütün dünyadakı yeganə güclü müttəfiqimə hücum etməzdim", - o qeyd edib. Vitse-prezident həmin kabinet üzvlərinə İsraili qoruyan müdafiə...

Davamını oxu

Dünya

“Bloomberg”: ABŞ Müctəba Xameneinin qlobal maliyyə şəbəkəsini araşdırır

18 İyun 2026

Reuters

ABŞ Ədliyyə Nazirliyi İranın ali lideri Müctəba Xameneinin “Wall Street” bankları ilə əlaqələri olduğu bildirilən qlobal investisiya portfelini necə formalaşdırdığını araşdırır. Bu barədə “Bloomberg” məsələ ilə birbaşa tanış olan dörd rəsmiyə istinadən məlumat yayıb. Məlumata görə, istintaq çirkli pulların yuyulması və korrupsiya iddialarını əhatə edir. Araşdırma çərçivəsində ABŞ-nin “JPMorgan Chase” və “Citigroup” kimi maliyyə institutlarının Xameneinin nəzarətində olduğu iddia edilən şirkətlər arasında iri həcmli vəsait köçürmələrinə vasitəçilik edib-etmədiyi də yoxlanılır. “Bloomberg” yazır ki, müstəntiqlər ABŞ-dəki müxbir bankların rolunu, eləcə də maliyyə axınlarının Xamenei şəbəkəsi ilə əlaqəli olmasına baxmayaraq həyata keçirilməsinə imkan vermiş ola biləcək yoxlama mexanizmlərindəki boşluqları araşdırırlar. Hesabatda vurğulanır...

Davamını oxu