Dünya

NYT: Tramp Putin və Zelenski ilə üçtərəfli görüş planlayır

7 Avqust, 2025

Foto: AP

ABŞ prezidenti Donald Tramp yaxın günlərdə Rusiya prezidenti Vladimir Putinlə şəxsən görüşmək niyyətindədir. Bu barədə “The New York Times” (NYT) Trampın planları ilə tanış olan iki mənbəyə istinadən məlumat yayıb.

NYT-nin məlumatına görə, Tramp Putinlə təkbətək görüşdən sonra Ukrayna prezidenti Volodimir Zelenskinin də iştirakı ilə üçtərəfli danışıqlar keçirməyi planlaşdırır.

Mənbələr qeyd edir ki, bu görüşlərdə yalnız üç lider iştirak edəcək – Tramp, Putin və Zelenski. Avropa liderləri danışıqlara cəlb olunmayacaq.

Tramp bu planları 6 avqust tarixində Avropa liderləri ilə keçirilən telefon danışığı zamanı açıqlayıb. Danışıqda Böyük Britaniyanın baş naziri Kir Starmer, Almaniya kansleri Fridrix Merts, ABŞ vitse-prezidenti Cey Di Vans, dövlət katibi Marko Rubio, Trampın xüsusi nümayəndəsi Stiv Uitkoff və Ukrayna prezidenti Volodimir Zelenski iştirak ediblər.

Hazırda nə Kreml, nə də Ukrayna prezidentinin ofisi bu görüş planlarına münasibət bildirib.

Digər tərəfdən, “CNN” Ağ Evdəki mənbəyə istinadla xəbər verir ki, Trampın bəyanatına baxmayaraq, belə bir görüşün bu qədər qısa müddətdə təşkil olunması bir sıra logistik və məzmun baxımından çətinliklər yarada bilər.

Məlumatda qeyd olunur ki, tərəflər arasında ziddiyyətli mövqelər və görüşün detalları ilə bağlı texniki məsələlər bu təşəbbüsün reallaşmasını ləngidə bilər.

Trampın bu təşəbbüsü ABŞ-nin və Qərbin Rusiya-Ukrayna müharibəsinə yanaşmasında yeni mərhələnin başlanğıcı kimi qiymətləndirilə bilər. Bununla belə, planlaşdırılan üçtərəfli görüşün baş tutub-tutmayacağı və real nəticələr verib-verməyəcəyi hələlik sual altındadır.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Bəhruz Səmədov: “Ermənistan bəyan etsin ki, onlarla heç bir əlaqəm yoxdur”

Vaşinqton görüşündən gözləntilər: Memorandum, paraflama, yoxsa sülh müqaviləsi?

Məhkəmə Fazil Qasımovun dövlət hesabına vəkil tələbini rədd edib

Rusiya Azərbaycan qazının Ukraynaya nəql edildiyi stansiyanı vurub

Yaradıcı birliklərin üzvü, sərt hökmlər çıxaran, pensiya davası edən hakim - Ənvər Seyidov

Gürcüstanda jurnalistə 2 il həbs cəzası verilib

Redaktorun Tövsiyələri

Yaradıcı birliklərin üzvü, sərt hökmlər çıxaran, pensiya davası edən hakim - Ənvər Seyidov

Azərbaycanda aclıq aksiyası mübarizə metodu kimi sıradan çıxıb?

Qəzalı həbsxanada saxlanma - Konvensiyanın normalarına açıq ziddiyyət

“Aİ Azərbaycanın geosiyasi əhəmiyyətini dəyərlərindən üstün tutur”

Azərbaycanda kommunizm ənənəsi: jurnalistlərə niyə fəxri ad və medal verilir?

Tək bir bankda milyardlıq əmanəti olan 20 nəfər kimdir?

Dünya

Vaşinqton görüşündən gözləntilər: Memorandum, paraflama, yoxsa sülh müqaviləsi?

7 Avqust 2025

Foto: Azernews

ABŞ prezidenti Donald Tramp avqustun 8-də Ağ Evdə Azərbaycan prezidenti İlham Əliyev və Ermənistanın baş naziri Nikol Paşinyanla görüş keçirəcək. Tramp əvvəlcə Əliyev və Paşinyanı ayrı-ayrı qəbul edəcək, sonra üçtərəfli görüş olacaq. Vaşinqton görüşlərinin mümkün nəticələri hər kəsi maraqlandıran əsas sualdır. Əliyev və Paşinyan Azərbaycanla Ermənistan arasındakı uzunmüddətli münaqişəyə və düşmənçiliyə rəsmən son qoyacaq sülh müqaviləsini imzalayacaqmı? Bu sualın cavabı avqustun 8-də Bakı vaxtı ilə gecə saatlarında bəlli olacaq, çünki görüş ərəfəsində bununla bağlı dəqiq, birmənalı məlumata rast gəlinmir. Məsələn, Ermənistan hökumətinin rəsmi açıqlamasında deyilir ki, baş nazir Paşinyan Vaşinqtonda Ermənistan-ABŞ strateji tərəfdaşlığını dərinləşdirmək üçün Donald Trampla ikitərəfli görüş,...

Davamını oxu

Dünya

Rusiya Azərbaycan qazının Ukraynaya nəql edildiyi stansiyanı vurub

6 Avqust 2025

Foto: Reuters

Avqustun 6-na keçən gecə Rusiya hərbçiləri Ukraynanın qaz nəqli sistemi operatorunun kompressor stansiyasına zərbələr endirib. Məlumatı Ukraynanın Energetika Nazirliyi yayıb. Nazirlik onu da bildirib ki, Azərbaycan qznının Ukraynaya sınaq tədarükü məhz bu stansiya vasitəsilə həyata keçirilir. Stansiya Odessa vilayətində, Ukrayna-Rumıniya sərhədinin yaxınlığında yerləşir. "Bu kompressor stansiyası Yunanıstanın mayeləşdirilmiş təbii qaz (LNG) terminallarını Trans-Balkan qaz kəməri vasitəsilə Ukrayna qaz anbarları ilə birləşdirən marşrutun bir hissəsi kimi istifadə edilib. Həmçinin, bu stansiya vasitəsilə artıq ABŞ-dən mayeləşdirilmiş təbii qaz və sınaq üçün Azərbaycan qazı tədarük edilib", - açıqlamada deyilir. Nazirlik obyektin onlarla dron tərəfindən hücuma məruz qaldığını bildirib və bunu “energetikaya qarşı, eyni...

Davamını oxu